Lifestyle

“Ta shohësh Shkodrën në pëllëmbë të dorës”, ngjitje në majën e Golishtit! Amatorë të alpinizmit nga Shqipëria dhe Kosova bëhen bashkë

Udhëtuan nga Kosova për t’u ngjitur në majet e Golishit në Shkodër.

Rreth 50 të apasionuar pas natyrës, vendosën të eksplorojnë një nga shtigjet më të veçanta të Shkodrës, që të ofron pamje spektakolare të qytetit e natyrës, por edhe vendbanimet Ilire dhe vendet historike. Ngjitjes në 651 metër mbi nivelin e detit iu bashkuan të gjitha moshat, nga më i riu 12 vjeç, tek një çift 70 vjeçarësh.

“Edhe maja e Jezercës që ka qenë shtegu më i vështirë, kemi qenë të liqenet e Dhoksit, kemi pas rast të takohemi me ariun me të vegjëlit, ajo ka qenë frikë dhe emocion”, shprehet i moshuari.

“Erdha këtu për të pasur një eksperiencë, për të parë vendbanimet ilire”, tregon një 12-vjeçar.

Ngjitja në Majën e Golishit ishte edhe si një promovim turistik për këtë shteg të cilin e njohin pak edhe vetë shkodranët.

“Ecja ia ka vlejtur shumë, pjesa e liqenit, deti shumë perfekt”, shprehet Denisa Sadiku, alpiniste e Kosovës.

“Shtegu ishte shumë i lehtë, me pamje shumë të bukura. Sigurisht që ia vlejti sepse i gjithë grupi mbeti shumë i kënaqur”, thotë Gjon Marku, tjetër alpinist i Kosovës.

“Këtu është ta shohësh gjithë Shkodrën në pëllëmbë të dorës. Sheh kalanë e Rozafës, liqenin e Shkodrës dhe lumin Buna, një mrekulli e vërtetë për ta vizituar”, tha Lodovik Zefi, alpinist nga Shqipëria

Në vitet e fundit, përveç të huajve, edhe tek shqiptaret po rritet dëshira dhe pasioni për eksplorimin e majave dhe shtigjeve malore.

Top Channel

Lifestyle

“Minnesota” dedikim zemre i Anja Dinion për mbesën e saj

Në një kohë si kjo që po jetojmë, ku diplomacia takohet me elegancën, Anja Dinion shfaqet si një yll në rritje, duke magjepsur zemrat me bukurinë, talentin dhe stilin e saj të këndshëm. Në pritje për t’u diplomuar në Universitetin Johns Hopkins, kjo vajzë shqiptare që jeton në USA po lë gjurmë admirimi dhe frymëzimi pas saj.

Anja, e njohur për pamjen e saj mahnitëse ka publikuar një set fotosh të titulluar “Minnesota”, në shenjë dedikimi për mbesën e saj të dashur. Çdo kornizë në koleksion flet shumë për krijimtarinë, vizionin dhe kompleksitetin e rrugëtimit të saj.

Nëpërmjet “Minnesota”, Anja fton shikuesit në botën e saj, ku eleganca dhe origjinaliteti ndërthuren pa mundim me përkushtimin dhe ambicien. Koleksioni kap thelbin e personalitetit të saj – një përzierje sharmi, inteligjence dhe një vendosmëri të ashpër për të lënë një shenjë në botë.

Me perspektivën e saj të veçantë dhe pasionin e thellë që ka, Anja Dinion është gati të bëjë bujë si në sferën diplomatike ashtu edhe në atë të modës, duke lënë një përshtypje të pashlyeshme tek ata me fat që të dëshmojnë ngritjen e saj.

Bashkohuni me ne për të uruar Anjën duke i uruar suksese të vazhdueshme ndërsa hap rrugën e saj drejt madhështisë, një hap me stil në të njëjtën kohë.

Lifestyle

Hajde hajde, thotë Flori Lloga në hitin e fundit

Pas bashkëpunimit me Bes Kallakun ku kënga e tyre u bë shumë virale nën titullin Intrigante, këngëtari i mirënjohur Flori Lloga nuk ndalet dhe vjen me projektin e ri të titulluar Hajde, hajde. Me tekst nga MB Music, producent Marenglen Boja dhe video nga AR Visuar, kënga është prodhuar nga Music MB Music. Këngëtari Lloga jeton dhe vepron prej vites në Shtetet e Bashkuara të Amerikës dhe pas shumë kohe shkëputje nga skena muzikore ai rikthehet shumë aktiv në muzikë.

Lifestyle

Blerim Destani e uron babain e tij për ditëlindjen (FOTO)

Filantropi dhe biznismeni i njohur shqiptar, Lazim Destani sot feston ditëlindjen e tij, teksa urime të shumta në rrjetet sociale ka marrë nga personazhe të ndryshme. Nuk kishte si të mungonte edhe një urim nga djali i tij, Blerim Destani i cili ka shpërndarë një foto së bashku me babain e tij, të vendosur me një mbishkrim “Urime Babë edhe 100 tjera të lumtura”.

Lazim Destani gjithashtu mori edhe një urim të veçant nga klubi i futbollit Shkëndija, të cilët përmes faqes zyrtare uruan numrin 1 për shëndet dhe në të njejtën kohë falenderuan për mbështetjen pa rezervë që jep për skuadrën kuqezi.