Lajme

Gjermania nuk i pranon shtetasit e Maqedonisë me pasaportë të vjetër

Pasaporta e Maqedonisë me emrin e vjetër mund të jetë ende në përdorim në disa vende evropiane, por jo edhe në Gjermani. Burime diplomatike për DW shpjegojnë se me pasaportën pa emrin kushtetues nuk mund të futeni në Gjermani, nëse udhëtari vjen nga Maqedonia e Veriut apo ndonjë vend të tretë.

Ministri teknik i Punëve të Brendshme, Pançe Toshkovski, të hënën në deklaratë për mediat theksoi se “pasaporta e vjetër përdoret në Gjermani, Zvicër, Shqipëri, Kosovë”. Sipas tij, është turp që nuk vlen edhe në vend për shkak të rregullimit aktual ligjor, ndërsa zgjidhjen e sheh në ndryshimin e Ligjit për dokumentet e udhëtimit.

Edhe ministri i Punëve të Jashtme, Bujar Osmani i cili këto ditë po i viziton konsullatat në Gjermani, Zvicër dhe Itali, nga Berni e përshëndeti vendimin e Zvicrës për lejimin që qytetarët e Maqedonisë të udhëtonin me dokumentet e vjetra të udhëtimit. Mirëpo, Osmani nuk specifikoi nëse mendon për udhëtime me pasaportat e vjetra nga Zvicra drejt Maqedonisë, apo edhe anasjelltas, duke qenë se rekomandimi i deritanishëm për shtetasit e Maqedonisë jashtë vendit që nuk kanë pasaportë të re ka qenë që të nxjerrin dokumentet e udhëtimit.

Sa i përket Gjermanisë, situata atje është e qartë. Burime diplomatike thonë për DW se autoritetet gjermane po bëjnë gjithçka për të lehtësuar gjendjen e qytetarëve të Maqedonisë të cilët nuk kanë arritur të marrin pasaportën me emrin kushtetues dhe se ndihma ka për qëllim para së gjithash mbrojtjen e të drejtave të tyre. Kjo do të thotë se qytetarët e Maqedonisë mund të përdorin pasaportat e tyre me emrin e vjetër kushtetues për identifikim personal në atë vend, por nuk do të mund të hyjnë në vend nëse nuk kanë dokument të ri udhëtimi me emrin Maqedonia e Veriut.

Kjo do të thotë se mund të largohen nga Gjermania për në Maqedoninë e Veriut me pasaportën e vjetër, por jo anasjelltas.

Shoqata e Maqedonisë “Këshilli Qendror i shtetasve të Maqedonisë në Gjermani” me seli në Berlin, gjatë fundjavës ka paralajmëruar padi kundër Maqedonisë, nëse deri më 23 shkurt autoritetet nuk e ndryshojnë vendimin për vlefshmërinë e pasaportave me emrin e vjetër kushtetues dhe nëse nuk sigurohet dhënie më e shpejtë e pasaportave të reja.

Nga Shoqata thonë se me shpalljen e pasaportave me afat si të pavlefshme, pa ofruar kapacitete të mjaftueshme për dhënien e pasaportave të reja, kanë krijuar probleme të mëdha me të cilat shkelen të drejtat e njeriut të qytetarëve të Maqedonisë.

Pas hyrjes në fuqi të dispozitave të Marrëveshjes së Prespës të nënshkruar me Greqinë, nga 13 shkurti është ngushtuar rrethi i vendeve ku qytetarët e Maqedonisë mund të udhëtojnë dokumentet e vjetra të cilave nuk u ka skaduar afati, por janë të shtypura me emrin e vjetër të shtetit.

Me përjashtim të vendeve fqinjë si Kosova, Serbia dhe Shqipëria kur lejohet hyrja me letërnjoftim, në Bullgari dhe Greqi, si dhe në shumicën e vendeve evropiane, hyrje lejohet vetëm me dokumente me emrin e ri të shtetit. /DW

Lajme

MPB me detaje për tragjedinë e mbrëmshme në Shkup, ku bien nga lartësia e një banese një grua e moshuar dhe fëmija 9 vjeç

Nga MPB sot ma dalë me një raport reth ngjarjes që tronditi Shkupin mbrëmë ku një grua e moshuar vdiq nga lëndimet kurse fëmija është në spital. Nuk dihet ende se si ranë nga lartësia.

„Më 03.12.2024, në orën 19:40, në Sektorin e Punëve të Brendshme të Shkupit u raportua se dy persona kishin rënë nga një ndërtesë në territorin e Kisella Vodës. Policia ka dalë në vendin e ngjarjes dhe është konstatuar se gruaja D.S. (69) nga Shkupi ka vdekur nga lëndimet që ka marrë në vendin e ngjarjes, ndërsa një fëmijë 9-vjeçar nga Shkupi ka pësuar lëndime dhe është transportuar në kompleksin klinik „Nëna Terezë“ për ndihmë mjekësore. Po merren masa për zbardhjen e rastit“ – thuhet në njoftimin e Ministrisë së Punëve të Brendshme.

Lajme

Iniciohet aktakuzë për parkingun e “egër” në Çair

Pas zhvillimit të procedurës paraprake, prokurori publik nga Prokuroria Themelore Publike Shkup ka iniciuar akuzë kundër një personi fizik dhe një personi juridik për veprën penale uzurpim të patundshmërive nga neni 225 i Kodit penal.

Siç informon Prokuroria publike e Maqedonisë së Veriut, 47-vjeçari i akuzuar, ka marrë në posedim pronën e huaj – tokën prapa Shtëpisë së Shëndetit Shkup – Poliklinika e Bit pazarit.

“Toka në pronësi të shtetit e cila i është dhënë për shfrytëzim Shtëpisë së shëndetit dhe si pronë në përdorim të përgjithshëm në Planin e detajuar urbanistik të komunës së Çairit, i akuzuari e ka shfrytëzuar për parking të improvizuar. Në emër dhe shpenzime të personit juridik ka vendosur rampë dhe një pikë pagesore dhe ka angazhuar një person për të kryer pagesë me çmim prej 50 denarë për 90 minuta shfrytëzim, duke kufizuar dhe kontrolluar hyrjen dhe daljen e tokës”, kanë thënë në PPRMV.

Së bashku me aktakuzën, prokurori publik në Gjykatën Themelore Penale Shkup ka paraqitur propozim të veçantë për caktimin e masës së kujdesit- ndalesë për kryerjen e aktiviteteve të punës, përkatësisht ndalesë për shfrytëzimin e tokës në fjalë.

Lajme

Më ftohtë në Kodrën e Diellit, më së shumti borë në Hanet e Mavrovës

Temperaturë më e ulët e mëngjesit të sotëm -2 gradë është matur në Kodrën e Diellit, ndërsa më e lartë në Gjevgjeli 8 gradë.

Siç informon DPHM, në Lazaropole janë matur -1 gradë, 0 në Hanet e Mavrovës, 1 në Krushevë, 2 në Berovë, 3 në Kriva Pallankë, Manastir dhe Dibër, 4 në Shkup-Zajçev Rid, Kumanovë, Tetovë, Pretor, Prilep dhe Ohër, 5 në Shkup-Petrovec, Vinicë dhe Demir Kapi dhe 6 në Shtip, Strumicë, Kavadar dhe Veles.

Lartësia e shtresës së borës mëngjesin e sotëm është 48 centimetra në Hanet e Mavrovës, 39 në Kodr[n e Diellit, 25 në Krushevë dhe 10 centimetra në Llazaropole.

Në 24 orët e fundit më së shumti sediment ujor prej 4 litra për metër katror ka në Prilep, 3 në Kodrën e Diellit, 2 në Krushevë, Topollçan dhe Pretor dhe 1 litër për metër katror në Manastir, Ohër, Dibër dhe Llazaropole.

Sot në orët e paradites do të ketë mjegull të dobët në disa lugina. Gjatë ditës do të mbizotërojë mot i ndryshueshëm me vranësira, me reshje të dobëta shiu lokal, në zonat malore me borë të dobët. Gjatë orëve të natës në pjesët perëndimore në shumë vende do të ketë reshje shiu, kurse në zonat malore dhe në disa vende më të larta do të ketë borë. Temperaturat maksimale do të arrijnë nga 6 deri në 11 gradë.

Në Shkup paradite do të ketë mjegull të dobët, ndërsa gjatë ditës do të mbajë mot i ndryshueshëm me vranësira dhe i qetë. Temperatura maksimale do të arrijë deri në 10 gradë.