Sport

Sejdini e nderon me fanellë Andri Shevchenkon

Njeriu i parë i Federatës së Futbollit të Maqedonisë së Veriut, Muamed Sejdini, ka pritur sot të famshmin dhe legjendën ukrainase Andri Shevchenko, president i Federatës së Futbollit të Ukrainës.

Ukrainasi ka qenë edhe fitues i “Topit të Artë” dhe ka ardhur në Shkup për të përcjellë ndeshjen e kategorisë U19 kualifikuese ndërmjet Maqedonisë dhe Ukrainës, e cila përfundoi me fitoren 0:2 të mysafirëve.

Sejdini i ka dhuruar mysafirit një fanellë të Maqedonisë dhe ka thënë: “Andrij është mysafiri ynë i dashur.

Ne gjithashtu ndajmë përvojat së bashku në takimet e shpeshta të UEFA-s.
Ai na falënderoi për mikpritjen dhe organizimin e mirë të turneut”.

Sport

Dita e ndeshjes: Kosova nis edicionin e ri të Ligës së Kombeve si nikoqir i Rumanisë

Sot (e premte), Kombëtarja e Kosovës do të luajë në shtëpi ndaj Rumanisë në ndeshjen e parë të edicionit 2024/25 të Ligës së Kombeve.

Dardanët janë nikoqir të rumunëve të takimin e sotëm të vlefshëm për Grupin 2 të Ligës C.

Ky takim është paraparë të zhvillohet me fillim nga ora 20:45 në stadiumin ‘Fadil Vokrri’ në kryeqytet.

Ekipi i përzgjedhësit gjerman, Franco Foda, është gati për këtë përballje dhe synon ta nis edicionin e ri me fitore.

Te ekipi jonë të gjithë lojtarët janë gati për këtë ndeshje, ndërsa pritet edhe debutimi i mesfushorit të sapoardhur Elvis Rexhbeçaj.

Sport

Xhaka së bashku me Haaland, Vinicius e Bellingham në kërkim të Topit të Artë

Lista e ngushtë e nominimeve për Ballon d’Or 2024 është publikuar para ceremonisë së ndarjes së çmimeve që zhvillohet muajin e ardhshëm.

Ylli anglez, Jude Bellingham, është në mesin e 30 të nominuarve pas një viti të jashtëzakonshëm me klubin dhe kombëtaren.

Një numër i madh i lojtarëve të Premier Ligës gjithashtu janë të përfshirë në këtë listë, përfshirë Ruben Dias, Phil Foden dhe Erling Haaland të Cityt. Edhe portieri i Aston Villas, Emi Martinez është në garë për top-çmimin në kategorinë e portierëve.

Mes të nominuarve është edhe Granit Xhaka i Bayer Leverkusen, i cili me klubin pati sukses të jashtëzakonshëm sezonin e fundit, por edhe me kombëtaren nuk është se i munguan rezultatet.

Për çmimin e klubit të vitit janë nominuar Manchester City, Real Madrid, Borussia Dortmund, Girona dhe Bayer Leverkusen.

Po ashtu, edhe të rinjtë e Manchester United, Kobbie Mainoo dhe Alejandro Garnacho janë nominuar për Kopa Trophy, bashkë me fituesin e Euro 2024, Lamine Yamal.

Disa nga futbollistët e nominuar për Ballon d’Or:

Jude Bellingham – Real Madrid

Phil Foden – Man City

Ruben Dias – Man City

Federico Valverde – Real Madrid

Emiliano Martinez – Aston VIlla

Erling Haaland – Man City

Nicolas Williams – Athletic Bilbao

Granit Xhaka – Bayer Leverkusen

Artem Dovbik – Roma

Toni Kroos – Real Madrid

Vinicius Jr – Real Madrid

Martin Odegaard – Arsenal

Dani Olmo – Barcelona

Florian Wirtz – Bayer Leverkusen

Mats Hummels – Roma

Sport

Shkëndija prezanton sulmuesin Liridon Latifin

Shkëndija ka prezantuar këtë të shtune sulmuesin, Liridon Latifin. Kuqezinjtë me 30 vjeçarin kanë firmosur kontratë një vjeçare me opsion rinovimi edhe për një vit tjetër.

“Të jesh pjesë e Shkëndijës është nder. Gjithë karrierën kam luajtur për të dalë kampion, diçka që kërkohet gjithmonë edhe nga Shkëndija. Këtu ka një grup shumë të mirë të lojtarëve, shumë kualitet dhe shpresoj që edhe unë si një forcë shtesë të ndihmoj Shkëndijën të dalim kampion”, u shpreh mes tjerash Liridon Latifi.

Ky i fundit gjatë karrierës së tij ka luajtur për Flamurtarin dhe Prishtinën në Kosovë, Skënderbeun dhe Kukësin në Shqipëri, para se të transferohej në Pushkash në Hungari dhe Sherif Tiraspol në Moldavi. Pas rikthimit në futbollin shqiptar përmes Vllaznisë së Shkodrës, sezonin e kaluar Latifi u aktivizua me Tiranën, ndërkohë kjo do të jetë eksperienca e parë në futbollin e Maqedonisë. Kujtojmë se në nivel ndërkombëtar, Latifi ka përfaqësuar Shqipërinë në kategoritë e moshave dhe ka regjistruar 5 paraqitje zyrtare me Kombëtaren A të Shqipërisë, teksa gjithashtu ka dy paraqitje në fazën e grupeve të Liga Europës me Skenderbeun e Korçës.