Lajme

Fronti Europian: VMRO sulmon Frontin dhe promovon opozitën shqiptare!

BDI nëpërmjet një komunikate ka reaguar duke thënë se krerët e VMRO-DPMNE-së, të frikësuar nga fitorja e Frontit Europian vazhdojnë të shpifin kundër BDI-së.
“Së fundmi, nënkryetari i VMRO-së, Timço Mucunski, ka akuzuar BDI-në për korrupsion duke shtua se “lidershipi aktual i BDI-së nuk duhet të ketë pozicion në asnjë qeveri të ardhshme që do të formohet”.
BDI dhe Fronti Europian vlerëson se VMRO-DPMNE është partia e fundit që duhet të flasë për krimin dhe korrupsionin, sidomos kur dhjetëra procese gjyqësore janë ende aktive kundër zyrtarëve të saj që nuk arritën të largoheshin nga vendi. E përkujtojmë Mucunskin dhe VMRO-në se, sikurse në dy ciklet e fundit zgjedhor, BDI ka qenë ajo që i ka fituar zgjedhjet dhe se, njëjtë do të ndodhë edhe më 24 prill dhe më 8 maj, kur Fronti Europian i kryesuar nga BDI, do të jetë fituesi absolut dhe çelësi për formimin e Qeverisë së ardhshme.
Opinioni publik me kohë e ka të qartë se cila parti e dëshiron luftën kundër korrupsionit dhe cila parti është sinonim i krimit dhe korrupsionit.
Thirrja e Bashkimit Demokratik për Integrim për veting të gjithsecilit që drejton apo nominohet për të drejtuar ndonjë detyrë shtetërore mbetet e hapur, përkundër refuzimit për ta votuar pikërisht nga ana e VMRO-DPMNE-së.
Për të dëshmuar të kundërtën, e sfidojmë Mucunskin dhe Mickoskin që t’u bëjnë thirrje deputetëve të tyre dhe që tani – me këtë përbërje aktuale të deputetëve – ta miratojmë propozim-ligjin e BDI-së për veting që me vite pret në Kuvend”, thuhet në reagimin e BDI-së.

Lajme

Gjendet një trup i pajetë brenda një hoteli në Tetovë

Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.

“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.

Lajme

Mira Murati në listën e the ‘Time’, shqiptarja mes njerëzve që po bëjnë revolucion në botë

Çdo vit revista prestigjioze amerikane, publikon listën me 100 personat më me ndikim. Këtë vit ‘Time’ ka renditur emrin e shqiptares Mira Murati, në mesin e 100 personave më me ndikim në teknologjinë që po bën revolucion në botë inteligjencën artificiale.

‘TIME 100 AI’ nderon figurat që po bëjnë hapat gjigantë të transformimit teknologjik. Mes tyre është shefi i Google, Sundar Pichai, ndërsa Mira Murati është në listën e inovatorëve.

Shefja e teknologjisë në gjigantin OpenAI, sipas shkrimit të “Time”, ka qenë një prej figurave udhëheqëse në rritjen meteorike të kompanisë.

Ajo ka qenë një prej personave kyç në zhvillimin e modeleve ChatGPT dhe DALL-E, të cilat bënë që bota të mësojë se çka është inteligjenca artificiale.

Murati është vlerësuar si udhëheqëse në kompani, edhe për versionin e ri të robotit me të cilin po komunikojnë njerëzit, GPT-40, falë edhe interaksioneve me zë në kohë reale.

Lajme

Fidan: Ne do të vazhdojmë ta mbështesim Kosovën në arenën ndërkombëtare

Ministri i Jashtëm i Türkiyes, Hakan Fidan, i cili gjendet për vizitën në Kosovë, tha se vendi i tij do të vazhdojë ta mbështesë Kosovën në arenën ndërkombëtare, raporton Anadolu.

Pas takimit me homologen e tij, Donika Gërvalla-Schwarz, të dy kryediplomatët mbajtën një konferencë të përbashkët për media.

Duke folur për vizitën e tij në vend, Fidan tha se “kosovarët nuk janë vetëm miqtë tanë, por edhe vëllezërit tanë”.

Kryediplomati turk gjithashtu foli edhe rreth mbështetjes që Türkiye i jep Kosovës.

“Ne e kemi mbështetur gjithmonë Kosovën në arenën ndërkombëtare dhe do të vazhdojmë ta mbështesim”, tha Fidan.

Ministri turk pritet të zhvillojë takime edhe me zyrtarë të tjerë të lartë të vendit. Ai përveç takimeve me zyrtarë të tjerë do të vizitojë edhe qytetet Prizren dhe Mamushë, si dhe selinë e KFOR-it, ku Türkiye nga tetori i vitit 2023 mban kryesimin.

Në Prishtinë, ministri Fidan udhëtoi pas vizitës së tij të djeshme në Maqedoninë e Veriut.

– Marrëdhëniet Türkiye-Egjipt

Fidan, mes tjerash theksoi dëshirën e përbashkët për të zhbllokuar potencialin e plotë të partneritetit mes Türkiyes dhe Egjiptit.

“Egjipti dhe Türkiye kanë një vullnet të fortë për të realizuar potencialin e plotë të të dy vendeve, si në marrëdhëniet dypalëshe ashtu edhe në çështjet rajonale”, tha Fidan në përgjigje të pyetjes së një gazetari.

Fidan shtoi se zyrtarizimi i marrëdhënieve “brenda një kuadri sistematik” mund të shërbejë si një model për rajonin.

Komentet e ministrit turk pasojnë vizitën e presidentit egjiptian, Abdel Fattah al-Sisi, të mërkurën në kryeqytetin turk Ankara.