Lajme

Zejd Rexhepi: Kryeministër Kurti nuk ja vlen të përkrahet opozita shqiptare

Kryetari i Lëvizjes Populli, Skender Rexhepi, tha se është hera e parë në pluralizmin e Maqedonisë së Veriut që shqiptarët janë bashkë në një front me turqit, romët, boshnjakët dhe romët.
Ai tha se ky front do të jetë mbrojtës i vlerave tona kulturore, besimit tonë në Zot, familjeve tona.
“Fushata jonë është dy drejtime. Njëra është në fushën e garës politike, tjetra është në fushën e betejës politike. Garën politike e kemi filluar me opozitën shqiptare, ata nuk i kemi ofenduar dhe nuk shpifim asnjë ditë, ndërsa ata çdo ditë nga 10 herë e më tepër ofendojnë, shajnë shpifin frontin evropian, ndërsa gojën nuk e hapin për opozitën nacionaliste maqedonase”, tha Zejd Rexhepi, raporton SHENJA.
Ai i dha mesazh kryeministrit të Kosovës, se nuk ja vlen të përkrahet opozita shqiptare.
“Beteja politike është me opozitën nacionaliste maqedonase, të cilët duke kërkuar 61 deputetët të qeverisin pa shqiptarë,t duke kërkuar që të mos përkrahet deputeti shqiptarë në zonën e tretë, tentojnë të na kthejnë në kohën para 2001. Kësaj pune i ka vdes nana, u shpreh Zejdi, duke shtuar se nuk ka më Bit Pazar, universiteti i Tetovës, sepse 2001 i ka vulosur këto gjëra, koha kur UCK ka bërë krenar çdo shqiptarë ku do që është.

Lajme

CNN: Shpërthime dëgjohen mbi Tel Aviv

Shpërthime janë dëgjuar mbi Tel Aviv. Kjo pasi Izraeli paralajmëroi se kishte zbuluar raketa që po vinin nga Irani.

Pamjet në Reuters treguan mbrojtjen ajrore të Izraelit duke u përpjekur të kapte predha në qiell.

Është pak pas orës 1 të mëngjesit sipas orës lokale në Izrael.

Lajme

Incident me thikë në Çair, ka të plagosur

Në orët e para të mbrëmjes së sotme, një incident ka ndodhur në lagjen Çair të Shkupit, në afërsi të marketit VERO.

Sipas informacioneve jozyrtare, një person është plagosur me thikë, ndërsa dy të tjerë janë dërguar në spital me autoambulancë për ndihmë mjekësore.

Në vendin e ngjarjes kanë ndërhyrë menjëherë njësi të shumta të policisë dhe ekipe të ndihmës së shpejtë. Rrethanat dhe motivet e incidentit janë ende të paqarta, ndërsa autoritetet po hetojnë ngjarjen.

Lajme

CNN: Izraeli po pret të shohë nëse ShBA do ta ndihmojë në sulmin ndaj Iranit

Disa ditë pas sulmeve të Izraelit ndaj Iranit dhe programit të tij bërthamor, zyrtarë të lartë izraelitë po presin për të mësuar nëse Presidenti i SHBA, Donald Trump, do t’i ndihmojë për ta përfunduar punën.

Kështu raporton “CNN” duke cituar një zyrtar të lartë izraelit:

“Ne po presim vendimin e presidentit”.

Zyrtarët amerikanë dhe izraelitë kanë qenë në komunikim të vazhdueshëm rreth ecurisë së operacioneve ushtarake izraelite në Iran dhe mundësisë së përfshirjes së SHBA-së.

Por dy zyrtarë izraelitë thanë se kryeministri izraelit, Benjamin Netanyahu, nuk po e nxit në mënyrë të drejtpërdrejtë Trump-in që të miratojë sulme amerikane ndaj objektit bërthamor të Fordow, i cili ndodhet nën një mal.

“I gjithë operacioni bazohet në supozimin se SHBA do të bashkohet në një moment,” – tha një zyrtar i tretë izraelit.

Zyrtarët izraelitë këmbëngulin se Izraeli ka edhe opsione të tjera për të shkatërruar ose të paktën për të paaftësuar përkohësisht objektin bërthamor të Iranit në Fordow, por asnjë prej tyre nuk ka gjasa të jetë aq efektiv sa një sulm nga bombarduesit strategjikë amerikanë me bomba depërtuese prej 30,000 paundësh.