Sport

Dy dekada në futboll, Izair Emini i thotë lamtumirë futbollit aktiv!

Në ndeshjen e parafundit të kampionatit në Ligën e Dytë, kapiteni i Besës së Dobërdollit të Gostivarit, 39 vjeçari Izair Emini, pas plot dy dekadave i tha lamtumirë futbollit aktiv. Jozyrtarisht Izair Emini do të mbetet pjesë e KF Besa por enuk dihet pozita që do t`i besohet?

Dy dekada në terrene të ndryshme futbolli. 4 tituj kampionatesh të fituara, 2 me Shkëndinë e Tetovës, 1 me Kukësin dhe 1 me Dritën e Gjilanit, një Kupë dhe një Superkupë me Shkëndijë, por edhe dy tituj në Ligën e Dytë, është bilanci i karrierës së futbollistit Izair Emini.

Duket se “qershia mbi tortë” në këtë karrierë të bujshme, erdhi me kualifikimin e Besës së Dobërdollit në Ligën e Parë të futbollit në RMV.

Izair Emini i tha lamtumirë futbollit aktiv në moshën 39-vjeçare. Thotë se ishte koha e duhur për ta marrë këtë vendim.

“Po është e vërtetë se kjo është ndeshja ime e fundit si futbollist aktiv dhe normalisht është një ndjenjë, që s’di as vet si ta përshkruaj me një fjalë, e çuditshme. Mirëpo, unë e kam ditur se një ditë do vijë fundi dhe ky është momenti i fundit tim. Mendoj se kam kaluar shumë sfida dhe shumë ndeshje. Mund të them, mbi dy dekada apo mbi 20 vjet jam në skenën futbollistike. Dhe, normalisht se ky është fundi dhe mendoj se ishte koha dhe momenti i duhur për t`i dhënë fund futbollit aktiv”, tha Emini.

I dha fund futbollit aktiv, por jo edhe futbollit në përgjithësi. Drejtuesit e Besës së Dobërdollit, me siguri nuk e kanë harruar kontributin e tij në suksesin historik. Flitet se do të mbetet pjesë e KF Besa, por ende nuk dihet se në cfarë pozite dhe funksioni.

“Nuk e di, kjo është pyetje që duhet t`i bëhet pronarit tonë ose familjes Tairi, sepse ata investojnë në këtë klub. Kam pasur disa biseda me drejtuesit, mirëpo do ja lëmë kohës dhe do shohim se çfarë do thonë, do ketë bashkëpunim ose diçka tjetër, do të shohim. T’ia lëmë kohës dhe të shohim a do jetë Iza aktiv apo të shohim”, tha Emini.

Izair Emini në karirrën e tij si futbollist aktiv ka zvilluar afro 360 ndeshje zyrtare, duke qenë pjesë e Shkëndijës, Renovës, Dritës së Gjilanit, Kukësit, si dhe në Voska Sport dhe Besa të Dobërdollit. Pas emrit të tij qëndrojnë edhe 149 gola të shënuara./tvklan.mk/

Sport

Numri 10 dhe një pagë e çmendur, Yamal pas rinovimit: Dua vetëm të fitoj

Në kulmin e debatit pas festës së tij të çmendur për 18 vjetorin e lindjes, Barcelona i bën një super dhuratë yllit të tij, Lamine Yamal, rinovimin e kontratës dhe numrin 10. Me anë të një video në rrjetet sociale klubi blaugrana bërë zyrtare formalizmin e kontratës me talentin spanjoll deri më 2031.
Jo vetëm kaq, por Yamal tani do të mbajë në shpatulla një numër unik, 10-tën, një numër që në të kaluarën e kanë mbajtur yje si Maradona, Rivaldo, Romario, Ronaldinho apo legjenda Leo Messi. Me një talent të lindur, frymëzues, në shtëpinë e Barcelonës shpresojnë shumë që Yamal të vijojë të shkruajë historinë ashtu siç kanë bërë në të kaluarën këto legjenda që kanë mbajtur të veshur fanellën me numrin 10-të.
Duke u rikthyer te kontrata, Yamal do të përfitojë afro 20 milionë euro në sezon, ndërsa presidenti Laporta dhe stafi i tij i kanë vendosur një super klauzolë largimi prej 1 miliardë euro.

Nuk e fshehu gëzimin për këtë rinovim talenti spanjoll, Lamine Yamal: “Ishte një ëndërr që fëmijë, e realizova këtu te Barcelona që është si një shtëpi për mua. Jetoj këtu që kur isha 7 vjeç. Objektivi është të fitoj, të fitoj dhe vetëm të fitoj”, u shpreh ndër të tjera Yamal pas firmës mbi kontratë.

Sport

Mirlind Daku vazhdon me Rubin Kazanin, do të përfitojë shumë financiarisht

Mirlind Daku ka zgjatur qëndrimin te Rubin Kazan, duke nënshkruar një kontratë të re që e mban të lidhur me klubin rus deri në vitin 2029.

Sulmuesi i Kombëtares shqiptare është kthyer në një nga lojtarët më të rëndësishëm të skuadrës dhe do të vijojë të jetë një pjesë kyçe e projektit të klubit.

Daku ishte shumë pranë transferimit te Zeniti, por marrëveshja u prish në momentet e fundit, duke e hapur rrugën për rinovimin me Rubin Kazan.

Zyrtarizimi i marrëveshjes erdhi përmes një videoje kreative, e frymëzuar nga seriali i famshëm “Squid Game”.

Në klipin simbolik, Daku zgjedh letrën e kuqe që përfaqëson Rubin Kazanin dhe i gjuan bluzës blu të Zenitit, një mënyrë origjinale për të shpallur vendimin e tij.

Klubi rus i ka plotësuar kërkesat financiare të sulmuesit shqiptar, gjë që ka ndikuar direkt në vendimin për të rinovuar kontratën.

Më parë, kontrata e Dakut ishte e vlefshme deri në verën e vitit 2026, por tani ai është i lidhur me Rubinin edhe për tri sezone të tjera.

Sport

Arlind Sulejmani nokautoi kroatin Njegac

Të shtunën, më 21 qershor me fillim në ora 18:00 emocione të papara për të gjithë tifozët e boksit pasiqë kampioni i njohur shqiptar që jeton në Vjenë të Austrisë nokautoi bokserin kroat, Ivan Njegac.

Kjo ishte ndeshja e rradhës për kampionin shqiptar Sulejmani i cili deri më tani ka rradhitur shumë suksese në karierën e tij si bokser duke bërë krenar gjithë shqiptarët në mbarë botën.

Komenti i tij pas ndeshjes ishte i thjeshtë, unë thash po dhe ja arrita.

Dhe edhe një herë: Unë thash po.
Jo vetëm që fola, por edhe e mbajta fjalën.
Fitues. Dominues. Me zë të lartë. Qartësisht. 🥊🔥
Pavarësisht se sa me zë të lartë flasin – në fund të fundit ka rëndësi vetëm kush e ka dorën lartë.
Falë ekipit tim, njerëzve të mi dhe sponsorëve të mi – ne vazhdojmë rrugëtimin, hap pas hapi drejt majës, ka shkruar kështu kampioni Sulejmani.