Sport

FIFA mund të përjashtojë Izraelin të premten, për shkak të Palestinës

Në Bangkok të premten, më 17 maj, 211 delegatët në asamblenë e Federatës Ndërkombëtare të Futbollit (FIFA) do të vendosin mbi kërkesën e Palestinës për sanksione kundër Federatës së Futbollit të Izraelit për shkak të konfliktit izraelito-palestinez në Gaza.

Në prill, Federata e Futbollit të Palestinës (PFA) i bëri thirrje FIFA-s që të ndalojë Izraelin nga garat ndërkombëtare. PFA ka paralajmëruar për diskriminim dhe racizëm në ligat izraelite dhe se Federata e Futbollit të Izraelit (IFA) po thyen statutet e saj duke përfshirë ekipet e futbollit me bazë në territorin palestinez në ligën e saj.

Duke vepruar kështu, ata tërhoqën vëmendjen te neni i katërt i statutit të FIFA-s, i cili ndalon shprehimisht çdo diskriminim ndaj një vendi ose grupi tjetër njerëzish dhe thotë se çdo shkelje e tillë dënohet me “pezullim ose përjashtim”. Kësaj i shtohen edhe fansat.

Ata veçuan klubin e Jerusalem Beitar, ku ofendimi i futbollistëve arabë është pjesë e përditshmërisë së tifozëve.

PFA vazhdon të parandalojë sistematikisht tifozët arabë që të bashkohen me klubet, anëtarët e menaxhmentit të klubit shpesh shprehin qëndrimin e tyre racist ndaj arabëve në rrjetet sociale dhe anëtari i Maccabi Netanya u akuzua për mbështetjen publike të gjenocidit në Gaza në Linkedin. Në të njëjtën kohë, sipas PFA, shumë futbollistë izraelitë janë gjithashtu anëtarë të ushtrisë që aktualisht po kryen mizori në Gaza.PFA paralajmëron gjithashtu se Izraeli ka shkatërruar plotësisht infrastrukturën e futbollit në Gaza, me disa stadiume të kthyera në kampe, spitale dhe madje edhe varreza masive. Edhe para konfliktit të fundit, problemet me dhënien e lejeve të ndërtimit për objektet sportive në Palestinë ishin të vazhdueshme.

Propozimi i PFA tashmë është mbështetur zyrtarisht nga federatat e futbollit të Algjerisë, Irakut, Jordanisë, Sirisë dhe Jemenit. FIFA nuk iu përgjigj publikisht kërkesave.

Nga pala izraelite kërkesa u vlerësua si cinike dhe e paturpshme.

“Ne nuk e marrim lehtë kërkesën dhe jemi të gatshëm të luftojmë për të arritur një fitore morale dhe reale kundër gjithë këtyre hipokritëve dhe armiqve”, deklaruar pala izraelite.

Sport

Elseid Hysaj shqiptari më i paguar në Serie A

Futbollisti shqiptar Elseid Hysaj, i Lazios është më i paguari në Serie A. Sipas të dhënave të publikuara nga faqja e specializuar ‘Calcio e Finanza’ mbrojtësi 30-vjeçar merr 2 milionë euro në sezon nga Lazio.

Edhe pse mbeti jashtë listës klubi është i detyruar ta paguajë atë.

Pas Hysajt janë Berat Gjimshiti i Atalantës dhe Kristjan Asllani i Inter me një rrogë vjetore 800 mijë euro neto secili. Ardian Ismajli merr 700 mijë euro tek Empoli, ndërsa Ylber Ramadani paguhet 450 mijë nga Leçe.

I sapoardhuri Alen Sherri ka firmosur për 150 mijë euro në vit te Cagliari, ndërsa ma pak i paguari është mesfushori Medon Berisha. Ai merr 120 mijë euro nga Leçe.

Ndërsa nga futbollistët e huaj, më i paguari në Serie A është Dusan Vlahovic, sulmuesi që Juventusi e paguan 12 milionë euro në sezon. Në total klubet e Serie A paguajnë më shumë se 1 miliardë euro (përfshi taksat) për rrogat e futbollistëve.

Të dhënat janë publikuar nga Calcio dhe Finanza, revista e specializuar për ekonominë në Itali.

Sport

Dita e ndeshjes: Kosova nis edicionin e ri të Ligës së Kombeve si nikoqir i Rumanisë

Sot (e premte), Kombëtarja e Kosovës do të luajë në shtëpi ndaj Rumanisë në ndeshjen e parë të edicionit 2024/25 të Ligës së Kombeve.

Dardanët janë nikoqir të rumunëve të takimin e sotëm të vlefshëm për Grupin 2 të Ligës C.

Ky takim është paraparë të zhvillohet me fillim nga ora 20:45 në stadiumin ‘Fadil Vokrri’ në kryeqytet.

Ekipi i përzgjedhësit gjerman, Franco Foda, është gati për këtë përballje dhe synon ta nis edicionin e ri me fitore.

Te ekipi jonë të gjithë lojtarët janë gati për këtë ndeshje, ndërsa pritet edhe debutimi i mesfushorit të sapoardhur Elvis Rexhbeçaj.

Sport

Xhaka së bashku me Haaland, Vinicius e Bellingham në kërkim të Topit të Artë

Lista e ngushtë e nominimeve për Ballon d’Or 2024 është publikuar para ceremonisë së ndarjes së çmimeve që zhvillohet muajin e ardhshëm.

Ylli anglez, Jude Bellingham, është në mesin e 30 të nominuarve pas një viti të jashtëzakonshëm me klubin dhe kombëtaren.

Një numër i madh i lojtarëve të Premier Ligës gjithashtu janë të përfshirë në këtë listë, përfshirë Ruben Dias, Phil Foden dhe Erling Haaland të Cityt. Edhe portieri i Aston Villas, Emi Martinez është në garë për top-çmimin në kategorinë e portierëve.

Mes të nominuarve është edhe Granit Xhaka i Bayer Leverkusen, i cili me klubin pati sukses të jashtëzakonshëm sezonin e fundit, por edhe me kombëtaren nuk është se i munguan rezultatet.

Për çmimin e klubit të vitit janë nominuar Manchester City, Real Madrid, Borussia Dortmund, Girona dhe Bayer Leverkusen.

Po ashtu, edhe të rinjtë e Manchester United, Kobbie Mainoo dhe Alejandro Garnacho janë nominuar për Kopa Trophy, bashkë me fituesin e Euro 2024, Lamine Yamal.

Disa nga futbollistët e nominuar për Ballon d’Or:

Jude Bellingham – Real Madrid

Phil Foden – Man City

Ruben Dias – Man City

Federico Valverde – Real Madrid

Emiliano Martinez – Aston VIlla

Erling Haaland – Man City

Nicolas Williams – Athletic Bilbao

Granit Xhaka – Bayer Leverkusen

Artem Dovbik – Roma

Toni Kroos – Real Madrid

Vinicius Jr – Real Madrid