Lajme

Turk apo gjerman? Doneri nxit debatin në Gjermani

Raportimi i së martës nga “Deutsche Welle” për “Aldo Morning Show” në Tv Klan preku këtë herë një temë social-kulturore. Prej vitesh miliona turq jetojnë në Gjermani duke konsoliduar një miqësi mes vendeve, por ajo që i ka lidhur më shumë është një ushqim kult: dëneri që njihet edhe si dyner apo doner.

Sipas Lindita Arapit, Gjermania është përfshirë nga një debat për përgatitjen e dënerit. Turqit mendojnë se duhet të quhet i tillë vetëm si e përgatisin ata, ndërsa gjermanët s’bien dakord.

Lindita Arapi: Lobi turk i dënerit mendon se duhet të quhet dëner vetëm çfarë bëhet 100% si dëner në Turqi. Federata turke ka paraqitur jë kërkesë zyrtar në BE për ta ndalur dënerin gjerman nëse nuk bëhet ashtu si në Turqi dhe me përbërës tradiionalë. Yusuf Efiloglu nga Federata Ndërkombëtare e Dënerit, ka folur për “Deutsche Welle” dhe thotë dëneri është turk, është ushqim tradicional, vendlindja e tij është Turqi dhe në Gjermani dëneri bëhet i ndryshuar, bëhet me mish viçi apo edhe me mish pule, ndërkohë që turqit duan që ai të bëhet me mishin e gjedhit 16-muajsh dhe qengjit 6-muajsh, domethënë janë ato kërkesat që kanë secila federatë dhe në të vërtetë ata e duan si vlerë kulturore të tyre që të mbrojnë traditën e tyre, por gjermanët nuk janë dakord për këtë, prodhuesit gjermanë të dënerit.

Tradita nuk është i vetmi shqetësim, por edhe kostoja e dënerit. Ushqimi konsiderohet një kult dhe ka një xhiro prej miliarda eurosh në vit.

Lindita Arapi: Tregtarët në Gjermani janë të shqetësuar sepse thonë do të rriten çmimet dhe mund të humbasin konkurrencë. Ka edhe një faktor ekonomik, mos të harrojmë që sektori i dënerit në Gjermani, është vërtet një ushqim kult në Gjermani, ka një xhiro prej 2.4 miliardë eurosh në vit dhe punëson 60 mijë punëtorë. Është një faktor ekonomik prandaj edhe tregtarët turq në Gjermani janë të shqetësuar./tvklan.al

Lajme

Qeveria e mëparshme ka lënë buxhet vetëm për gjysmën e vitit 2024

Realiteti tregon se SDS-ja dhe BDI-ja na kanë lënë institucione që po mbyten në korrupsion dhe krim, buxhet të projektuar jorealisht, rritje të projektuar jorealisht, po reagon sot VMRO-DPMNE.

SDS dhe BDI kanë planifikuar buxhet për gjysmë viti, e jo për të gjithë vitin 2024, që do të thotë se nuk i kanë lënë hapësirë për manovrim Qeverisë së re.

83 milionë euro nga Buxheti do të shpenzohen për shlyerjen e huave jashtë vendit që qeveria e kaluar e SDS-së dhe BDI-së, së bashku me drejtorët, i ka bërë përmes ndërmarrjeve publike si Rrugët Shtetërore, Hekurudhat, JSP, ESM që nuk janë në gjendje t’i paguajnë dhe për të njëjtat garanci shtetërore janë lëshuar.

Dhe jo vetëm kjo, por qeveria e kaluar, SDS dhe BDI, kur e krijuan Buxhetin, i injoruan plotësisht vlerësimet për rritjen e ekonomisë. Pra, rritja që pritet tani nuk është 3.4 për qind, por 2.1 për qind.

Këtë lloj Maqedonie e kemi trashëguar. Ne do ta ndryshojmë këtë. Paaftësia përfundon me ta, ne punojmë 100 për qind me përgjegjësi për të ardhmen tuaj!”, thuhet në njoftimin e partisë.

Lajme

Ramiz Merko planifikoi 73 punësime të reja në Komunën e Strugës për vitin 2025

Shtatëdhjetë e tre persona të rinj planifikohet të punësojë Ramiz Merko në vitin 2025, ndërsa nga të punësuarit ekzistues në administratën komunale, vetëm 8 duhet të dalin në pension. Me këtë, numri i të punësuarve do të arrijë në 280.

Shtrohet pyetja se a ka kaq shumë karrige dhe kaq shumë tavolina në Komunën e Strugës ku do të punonin të gjithë ata punëtorë. Me punësimet e reja mendojmë se do të rritet borxhi publik i Komunës së Strugës, madje edhe megalloman, dhe qytetarët do t’i marrin shërbimet si më parë me shumë vështirësi, ose për shkak të “punës së madhe” komuna nuk mundet përkthejeni materialin zyrtar në gjuhën shqipe”, tha Lulzim Nasufi nga Aleanca për Shqiptarët.

Nasufi dyshon se punësimet e planifikuara kanë prapavijë politike, dhe janë në funksion të zgjedhjeve lokale, të cilat duhet të mbahen pikërisht vitin e ardhshëm.

OBRM-PDUKM thotë se Komuna e Strugës është e mbingarkuar edhe pa një plan kaq të madh punësimi. Ata shtojnë se administrata komunale nuk guxon të lejohet që në vend të profesionistëve të drejtohet nga grupe partiake.

Administrata e Strugës është dy herë më e madhe se komuna e Manastirit.Komuna e Strugës ka 280 të punësuar, ndërsa Komuna e Manastirit 140. Parashikime të tilla joreale janë sepse kryetari i komunës së Strugës pozitën e tij e kupton vetëm si mënyrë për të punësuar sa më shumë ushtarë partiakë dhe në funksion të zgjedhjeve lokale të vitit të ardhshëm të ketë pozicionin më të mirë të mundshëm fillestar, në vend që të kujdeset për nevojat e të gjithë qytetarët që janë në vështirësi kanë vështirësi me ujësjellësin, pastërtinë, infrastrukturën rrugore, deponinë”, thonë nga OBRM-PDUKM-Strugë.

Planit të punësimit të Merkos iu dha drita jeshile nga shumica BDI-LSDM në këshillin komunal.

Lajme

Arrestohet 47 vjeçari nga Gradeci, ishte në kërkim për vuajtje të dënimit me burg

Me datë 11.10.2024 në ora 15:40 në fshatin Gradec të Gostivarit, zyrtarë policorë nga Departamenti i Policisë Gallatë kanë arrestuar personinbM.A.(47) nga fshati Gradec, i cili me urdhër të gjykatës ishte në kërkim për vuajtje të dënimit me burg. Ai është dorëzuar në INKP-Burgun e Tetovës për vuajtje të dënimit.TS