Përleshje me armë zjarri në Tetovë, nga informatat nga tereni Alsat mëson se një person ka ndërruar jetë, ndërsa një vajzë ka mbetur e plagosur dhe është në gjendje të rëndë.
Policia ka shkuar në vend të ngjarjes për të bërë ekpsertizën.

Rrethanat dhe arsyet se pse ka ardhur deri te përleshja me armë nuk dihet akoma. Policia në kërkim të dorasit.

Policia e Maqedonisë ka kryer një sërë kontrollesh në disa objekte hotelerike në rajonin e Tetovës dhe në Shkup, përcjell TV21.

Siç bëjnë të ditur nga Ministria e Punëve të Brendshme, në Tetovë janë arrestuar 30 shtetase të huaja për shkak të keqpërdorimit të qëndrimit turistik.

“Më 09/10.08.2025 në periudhën prej 23:30 deri në ora 02:30, nëpunësit policorë nga SPB Tetovë, në bashkëpunim me Njësitin nacional për shkatërrim të kontrabandimit me emigrantë dhe tregti me njerëz në Shkup, kanë realizuar aksion kontrolli në objektin hotelerik në fshatin Zhelinë të Tetovës, në pronësi të J.F.(48) nga Zhelina dhe në objektin hotelerik në Tetovë, në të cilin si pronar është paraqitur I.A.(22) nga Tetova. Gjatë kontrollit janë takuar 30 femra nga Rusia, Brazili, Serbia, Shqipëria, Argjentina dhe Kolumbia për shkak se është konstatuar se e kanë keqpërdorur qëndrimin turistik, gjegjësisht kanë qëndruar në kundërshtim me qëllimin”, thuhet në njoftim.

Kontrolle janë bërë edhe në Shkup, ndërkaq janë shqiptuar edhe gjoba ndaj disa objekteve hotelerike kryesisht për shkak të zërimit të lartë.

Vendet myslimane duhet patjetër të veprojnë të bashkuara dhe ta kundërshtojnë planin e Izraelit për ta marrë nën kontroll Qytetin e Gazës, tha të shtunën ministri i Jashtëm i Turqisë, Hakan Fidan, pas bisedimeve në Egjipt.

Fuqitë rajonale, Egjipti dhe Turqia, e dënuan planin e Izraelit të premten.

Ankaraja tha se kjo shënon një fazë e re në atë që e quajti politikë “gjenocidale dhe ekspansioniste” të Izraelit, duke bërë thirrje për masa globale për të ndaluar zbatimin e tij.

Izraeli e mohon këtë përshkrim të veprimeve të tij në Gazë.

Duke folur në një konferencë të përbashkët për shtyp në El Alamein me homologun e tij egjiptian, Badr Abdelatty, pas një takimi edhe me presidentin e Egjiptit, Abdel Fattah al-Sisi, Fidan tha se Organizata për Bashkëpunim Islamik (OIC) ishte thirrur në një mbledhje urgjente.

Fidan tha se politika e Izraelit synon t’i detyrojë palestinezët të largohen nga tokat e tyre përmes urisë dhe ta pushtojë përgjithmonë Gazën, duke shtuar vendet nuk e kanë më asnjë arsye për ta vazhduar mbështetjen e Izraelit.

Izraeli e mohon se synon shkaktimin e krizës së urisë në Gazë dhe thotë se grupi militant palestinez Hamas – i shpallur organizatë terroriste nga SHBA dhe BE – mund t’i japë fund luftës duke u dorëzuar.

“Ajo që po ndodh sot është një zhvillim shumë i rrezikshëm… jo vetëm për popullin palestinez apo vendet fqinje”, tha Abdelatty, duke shtuar se planet e Izraelit janë “të papranueshme”.

Abdelatty tha se ka pajtueshmëri të plotë me Turqinë për çështjen e Gazës dhe iu referua një deklarate të publikuar të shtunën nga Komiteti Ministror i OIC, i cili dënoi planin e Izraelit.

Komiteti i OIC-it tha se plani i Izraelit përbën “një përshkallëzim të rrezikshëm dhe të papranueshëm, një shkelje flagrante të së drejtës ndërkombëtare dhe një përpjekje për të forcuar pushtimin e paligjshëm”, duke paralajmëruar se ai do të “shkatërrojë çdo mundësi për paqe”.

Ekipet ndërmjetësuese nga Egjipti, Katari dhe Shtetet e Bashkuara kanë punuar prej muajsh për të arritur një armëpushim mes Izraelit dhe Hamasit.

OIC u bëri thirrje fuqive botërore dhe Këshillit të Sigurimit të OKB-së që “të marrin përgjegjësitë e tyre ligjore dhe humanitare dhe të ndërmarrin veprime urgjente për të ndaluar” planin e Izraelit për Qytetin e Gazës, duke siguruar njëkohësisht përgjegjësinë e menjëhershme për atë që e quajti shkelje të ligjit ndërkombëtar nga Izraeli./REL