Sport

Shkëndija reagon ashpër për referimin e Stavrevit, pyesin se çfarë ka ai kundër tyre?!

Klubi i Shkëndijës nga Tetova, ka reaguar për referimin e djeshëm të arbitrit Aleksandar Stavrev, në ndeshjen kundër Sileksit.

Sipas klubit tetovar, arbitri kishte disa vendime diskutabile, që ndikuan dukshëm në rezultatin përfundimtar të ndeshjes.

Ja dhe komunikata e plotë:

Dje (e shtunë, 05.10.2024), në ndeshjen e xhiros së 9-të të Ligës së Parë, Sileksi – Shkëndija (0:0), e luajtur në Kratovë, për fat të keq, përsëri protagonizmin nga loja e vodhi arbitri Aleksandar Stavrev me disa vendime tepër diskutabile. Ndër të tjera, ai mori dy vendime për kartona të kuq ndaj lojtarëve tanë, të cilët janë tërësisht të diskutueshëm (sidomos i pari i Trumçit në minutën e 55-të).

Si klub, jemi lodhur nga ankesat e pafundme dhe reagimet tona ndaj mënyrës së ndarjes së drejtësisë në fushë, që vazhdimisht ka ndikuar në rezultatet tona. Kësaj radhe, përveç ankesës zyrtare që i është drejtuar Komisionit të Arbitrave pranë FFM-së, dalim publikisht me këtë komunikatë për të shprehur shqetësimin tonë të thellë për dëmet që na janë shkaktuar vazhdimisht nga arbitrat, dhe konkretisht nga Stavrev.

Nuk është hera e parë që ndeshjet direkte mes Sileksit dhe Shkëndijës referohen nga Stavrev, dhe për më shumë se një dekadë këto ndeshje kanë qenë të shoqëruara me “gabime” që, për çudi, gjithmonë ndodhin në dëm të Shkëndijës. Vendimet e tij kanë ndikuar drejtpërdrejt jo vetëm në rezultatin e ndeshjeve, por shpesh edhe në pozicionin tonë përfundimtar në renditjen e kampionatit.

Pyesim publikisht: Çfarë ka Stavrev kundër Shkëndijës? Pse këto gabime të përsëritura ndodhin vetëm ndaj nesh?

Apelojmë fuqimisht te organet kompetente të FFM-së që të marrin masa konkrete dhe të mos justifikojnë më gabimet e arbitrave. Kjo duhet të jetë hera e fundit që ne të jemi “viktima” e padrejtësive në fushë nga arbitrat në përgjithësi dhe Stavrevi në veçanti.

Sport

Të shtunën Arlind Sulejmani shkund ringun kundër kroatit, Ivan Njegac

Të shtunën, më 21 qershor me fillim në ora 18:00 emocione të papara për të gjithë tifozët e boksit pasiqë kampioni i njohur shqiptar që jeton në Vjenë të Austrisë pritet që të përballet me bokserin kroat, Ivan Njegac.

Kjo pritet të jetë ndeshja e rradhës për kampionin shqiptar Sulejmani i cili deri më tani ka rradhitur shumë suksese në karierën e tij si bokser.

Sport

Shkëndija do të përballet me kundërshtarin e vjetër TNS-në në Çampions

Kampionët e vendit, Shkëndija e Tetovës përmes shortit të hedhur në UEFA ka përfituar për kundërshtar Nju Sentsin e Uellsit për raundin e parë të eliminatoreve të Ligës së Kampionëve.

Tetovarët nuk ishin në mesin e skuadrave favorite, por patën fat në short dhe do të përballen me një kundërshtarë të njohur, me të cilin janë takuar edhe më herët në vitin 2018.

Asaj kohe, Shkëndija i mposhti britanikët me rezultat të thellë 5:0 në Shkup, ku katër gola shënoi vetëm Besart Ibraimi, teksa në takimin e kthimit u mund me shifra 4:0, por u kualifikuan më tej falë fitores në duelin e parë.

Ndërkohë Drita e Zekirija Ramadanit në xhiron e parë të eliminatoreve për Ligën e Kampionëve do të përballet me Diferdangin e Luksemburgut.

Ndeshjet e para eliminatore për Ligën e Kampionëve janë planifikuar për 8 dhe 9 korrik, ndërsa ndeshjet e kthimit do të zhvillohen më 15 dhe 16 korrik. Ndeshja e parë Shkëndija do ta luaj në Uells, teksa atë të kthimit në Shkup.

Sport

E la Shkëndijën për Suharekën, por rikthehet sërish te kuqezinjtë

Endrit Krasniqi sërish do të luaj për Shkëndijën e Tetovës. Këta të fundit kanë komunikuar këtë të hëne, rikthimin e futbollistit kosovar, Endrit Krasniqi.

Pas 10 muajsh, lojtari ka vendosur të rikthehet në Tetovë dhe tashmë do të jetë pjesë e kuqezinjëve për sezonin e ardhshëm.

Ai ka kaluar me sukses testet mjekësore dhe do të udhëtojë menjëherë drejt Sllovenisë, ku do t’i bashkohet Shkëndijës në fazën përgatitore.

Sezoni 2023/24 rezultoi pozitiv për Krasniqin në fanellën kuqezi, ku në 32 paraqitje regjistroi 6 gola dhe 13 asistime, duke qenë një nga lojtarët më produktivë në fazën ofensive. Ai e nisi edhe sezonin e fundit me Shkëndijën, duke u aktivizuar në 4 ndeshje zyrtare para se të transferohej në elitën e futbollit kosovar, te klubi i Suharekës.

Kthimi i Endrit Krasniqit përforcon më tej repartin ofensiv të tetovarëve dhe sjell rritje në kreativitetin e mesfushës.