Lajme

Katër vite nga zjarri në spitalin modular të Tetovës, nuk ka drejtësi për 14 jetët e humbura

Sot janë bërë katër vite nga tragjedia e zjarrit që përfshiu spitalin modular të Tetovës, si pasojë e së cilit humbën jetën 14 persona, ndërsa spitali u dogj tërësisht. Katër vite më vonë, ende nuk ka drejtësi për jetët e humbura, pavarësisht se u zhvillua një proces gjyqësor, shkruan Portalb.mk.

Në këtë përvjetor kanë reaguar nga Më Mirë për Tetovën, ata thonë se për dallim nga rasti në Koçan, për 14 viktimat e spitalit modular as edhe sot nuk ka asnjë person prapa grilave për këtë krim.

“Përkundrazi që ironia të jetë edhe më e madhe, përveç që personat përgjegjës shëtisin të lirë, bëjnë jetë të shfrenuar në jahte dhe Dubai, bile disa nga ata edhe ia mundësuan vetes që të gëzojnë imunitet kundrejt sistemit të drejtësisë ose si “dënim” vetëm përfunduan në listën e zezë amerikane”, thanë nga Më Mirë për Tetovën.

Ata shtojnë se viktimat e spitalit modular dhe dhimbja që u shkaktua te familjet e tyre shteti tentoi që ta kompenzojë vetëm me mjete financiare por pa i nxjerrë para drejtësisë përgjegjësit e vërtetë të kësaj tragjedie.

“Kjo është dëshmi se korrupsioni lulëzon në shtet kurse qytetarët janë viktimë e këtij sistemi që mbrapshtë po ndërtohet 34 vite”, thanë nga Më Mirë për Tetovën.

Në ndërkohë, ende nuk ka vendim pavarësisht se kanë kaluar mbi dy vite që kur Prokuroria Publike e RMV-së njoftoi se po zhvillohet një hetim i dytë nga Prokuroria për Ndjekjen e Krimit të Organizuar dhe Korrupsionit për zjarrin në spitalin modular.

Nga Prokuroria Publike për Portalb.mk theksuan e rasti është ende në procedurë hetimore, nuk tregojnë se kur pritet të ketë vendim.

“Çështja për të cilën shfaqni interes, e cila u formua në lidhje me prokurimet publike të realizuara për ndërtimin e spitaleve modulare në gjithë shtetin, është në fazë para-hetimore dhe, pas një ankese nga një nismë qytetare, aktualisht është në shqyrtim në Prokurorinë Publike të Republikës së Maqedonisë së Veriut“, thanë nga Prokuroria Publike.

Kujtojmë që në maj 2024 Gjykata e Tetovës e shpalli vendimin e rigjykimit për këtë rast, ku me 1 vit e 6 muaj burg u dënuan ish drejtori mjekësor i Spitalit të Tetovës Florin Besimi dhe ish drejtoi ekonomik Artan Etemi, ndërsa Spitali i Tetovës me 1 milion denarë.

Për dallim prej akgjykimit të parë kur dënimi po ashtu ishte me 1 vit e 6 muaj burg me kusht, kësaj here dënimi është pa kusht.

Të akuzuarit nuk u akuzuan për shkaqet e zjarrit por për vepra tjera penale, për mos vendosje të aparateve kundër zjarrit.

Besimi dhe Etemi u shpallën fajtorë për veprën penale “Krime të rënda kundër sigurisë publike”, ndërsa ISHP Spitali Klinik i Tetovës për veprën penale “Shkaktim i rrezikut të përgjithshëm”.

Rasti ishte në rigjykim pasi Gjykata e Apelit të Gostivarit e ktheu një pjesë të lëndës në Gjykatën Themelore në Tetovë.

Lajme

Ndeshja e Schalkes u ndërpre për shkak të iftarit, pothuajse gjysma e ekipit po agjëron

Ndeshja midis Schalke 04 dhe Arminia Bielefeld pa një skenë të pazakontë, por gjithnjë e më të zakonshme në futbollin evropian – një pushim të shkurtër gjatë ndeshjes në mënyrë që lojtarët që agjëronin Ramazanin të mund të ndërpresin agjërimin e tyre.

Muaji i zgjedhur nga myslimanët, Ramazani, filloi më 18 shkurt dhe përfaqëson një sfidë të veçantë për sportistët profesionistë. Edhe pse Islami u lejon sportistëve të kompensojnë agjërimin e humbur më vonë, vendimi për të agjëruar mbetet personal.

Në radhët e Schalkes, gjashtë futbollistë janë duke agjëruar. Trajneri Miron Muslic dhe lojtarët Hasan Kurucay, Moussa Sylla, Adil Aouchiche, Zaid Tchibara, Kenan Karaman dhe Moussa Ndiaye.

Në ndeshjen në shtëpi kundër Bielefeldit, katër prej tyre ishin në formacionin titullar. Gjatë ndeshjes, gjyqtari Tobias Reichel e ndërpreu ndeshjen në minutën e 23-të në mënyrë që lojtarët të mund të merrnin ushqim dhe pije pas perëndimit të diellit.

Kjo praktikë ka qenë e pranishme në ndeshjet e Bundesligës që nga viti 2022, dhe klubet zakonisht bien dakord për të në mënyrë joformale para fillimit të ndeshjes.

Trajneri i Schalkes e falënderoi kundërshtarin e tij për mirëkuptimin, teksa shtoi se agjërimi përbën ende një sfidë shtesë për ekipin.

“Një falënderim i madh për Arminia Bielefeld që tha menjëherë ‘po’ kur erdhi koha për pushimin. Kemi gjashtë lojtarë që po agjërojnë. Është një sfidë, por është një vendim i zemrës”, ka thënë Muslic para fillimit të ndeshjes.

Ai dhe lojtarët e tij nuk hanë ose pinë gjatë ditës deri në perëndim të diellit, dhe koha e agjërimit përcaktohet nga lindja dhe perëndimi i diellit.

Schalke është ndihmuar nga kohët e vona të ndeshjeve deri më tani. Ata luajtën kundër Magdeburgut dhe Furthit në orën 20:30, pas perëndimit të diellit. Megjithatë, ndeshja tjetër sjell një sfidë të re. Schalke luan kundër Hannoverit në orën 13:30 të dielën, që do të thotë se lojtarët që agjërojnë do ta kalojnë gjithë ndeshjen pa ngrënë ose pirë.

Lajme

Vendoset gurthemeli i kampusit të UNT-së, investim prej 42 milionë eurosh

Zyrtarë të qeverisë u mblodh sot për të hedhur gurthemelin e kampusit të ri të Universitetit Nënë Tereza. Ky projekt siç u shprehën synon të krijojë një hapësirë më moderne universitare dhe kushte më të mira për studentët dhe stafin akademik. Projekti përfshin hapësira moderne mësimore, laboratorë dhe ambiente të tjera akademike. Kryeministri Hristijan Mickoski u shpreh se arsimi duhet të jetë themeli i zhvillimit të shtetit, duke shtuar se nuk ka ekonomi të fortë pa universitete të forta dhe nuk ka shtet modern pa të rinj të arsimuar dhe të motivuar.

HRISTIJAN MICKOSKI, KRYEMINISTËR

“Qeveria ka sjellë vendim për sigurimin e gjithësej 42 milion eurove për realizimin e këtij projekti. Prej tyre, 40 milion janë të dedikuara për ndërtimin e objekteve, kurse rreth 2 milion janë për mbikqyrjen e ndërtimit. Kampusi i ri do të ndërtohet në një sipërfaqe prej 31 mijë metrash katrorë dhe do të përfaqësojë një kompleks akademik modern”.

Zëvendës kryeministri Bekim Sali deklaroi se arsimi është shtylla më e rëndësishme e shoqërisë tonë.

BEKIM SALI-ZËVENDËSKRYEMINISTËR

‘’Ky aktivitet i sotëm, është një dëshmi se arsimi është një shtyllë e rëndësishmë për shoqërinë tonë, dhe investimi në arsim nuk është vetëm një investim të objekteve apo godianve por është një investim në të ardhmen e një kombi . Rinia, studentët, janë e ardhmja e kombit tonë dhe investimi në ta është për një më të mirë të nesërme’’.

Ministrja e Arsimit dhe Shkencës Vesna Janveska u shpreh se “Nënë Tereza” është universiteti më i ri dhe po e përmirësojnë infrastrukturën, për ti motivuar mësimdhënësit dhe studentët.

VESNA JANEVSKA, MINISTRE E ARSIMIT DHE SHKENCËS

“Po i përmirësojmë kushtet infrastrukturore si për mësimdhënësit ashtu edhe për studentët që të jenë të motivuar. Mësimdhënësit të mund të plotësojnë kushtet nga zgjidhja e re ligjore dhe me këtë të sigurojnë arsim të shkëlqyer dhe kërkime të larta shkencore, që t’ ju përcjellin studentëve dituri dhe aftësi, që të jenë të përgatitur për tregun e punës”.

Ky kampus sipas zëvendës ministres së Transportit do ofroj hapsira moderne, për dije, kërkim shkencor dhe zhvillim akademik.

KALTRINA ZEKOLLI, ZV/MINISTRE E TRANSPORTIT

‘’Sot po hapim një kapitull të ri, sot po vendosim gurëthemelin e kampusit më të madh universitarë në vend një investim rreth 42 milion euro, që do të ofrojë hapësira më moderne për dije, kërkimin shkencor dhe zhvillimin akademik të gjeneratave të ardhshme’’.

Sipas rektorit të UNT-së Bekim Fetajit, ky universitet përfundimisht po e fiton shtëpinë e vet.

BEKIM FETAJI-REKTOR

‘’Me këtë Universiteti Nënë Tereza, e fiton shtëpinë e vete të përherëshme dhe ne sot hapim gurëthemelin i një tempulli të ri të dijes, dhe humanizmit në zemër të Shkupit. Universiteti jonë mbanë me krenari emrin e shenjëtores tonë Nënë Terezë, një figurë midis më influencuese ne aspect global të shëkullit të kaluar’’.

Ky universitet sipas kryetarit të komunës së Cairit Izet Mexhiti, nuk ka rëndësi vetëm për arsimin shqip, por për të ardhmen akademike të shqiptarëve.

IZET MEXHITI-KRYETARË I KOMUNËS SË CAIRIT

‘’Sot po vendosim gurthemelin, e kampusit të Universitetit Nënë Tereza ky është një moment historik sepse sot po vendosim themelet e një kapitullit të ri për arsimin shqip dhe për të ardhmen akademike të shqiptarëve. Me një vlerë prej 42 milion eurosh ky projekt është investimi më i madhë, në arsimin shqip në Maqedoninë e Veriut dhe një nga investimet më të mëdha në rajon’’.

Objekti i Universitetit “Nënë Tereza”, pritet të përfundoj brenda 5 viteve. /SHENJA/

Lajme

Mexhiti: Çështja e liderit të VLEN-it, ende nuk është zgjidhur

Çështja e lidërit të VLEN-it, ende nuk është zgjidhur. Njëri nga liderët e VLEN-it dhe njëherit kryetari i komunës së Çairit Izet Mexhiti, u pyetur nëse po shkojnë në Prekaz për të finalizuar çështjen e liderit të VLEN-it, Mexhiti u shpreh se atje shkojnë për të bërë homazhe dhe te varrezat e familjes Jashari, raporton SHENJA. Ndërsa siç u shpreh, sa i përket VLEN-it, nuk kanë ndonjë zhvillim të ri dhe se në momentin që do të ketë opinioni do të jetë i informuar.

“Sa i përket VLEN-it, po punohet, nuk ka diçka jashtë asaj që e kemi thënë deri tash, dmth momentin e duhur dhe do ju njoftojmë… nuk është vetëm çështja e liderit, po flasim për ideologji, për programin, për platformën, për mënyrën më të mirë se sit ë funksionoj VLEN-i”, deklaroi Mexhiti.