Lajme

Dauti: Edhe pak ditë na ndajnë nga çlirimi i komunave

Zëvëndësdrejtori i Doganave të Maqedonisë së Veriut, Mustafa Dauti, ka shkruar se VLEN po çliron komunat duke aluduar për komunat që qeverisen nga BDI si streha e fundit për ta. Sipas, Dautit, kudo që shkon VLEN vërehet energji e ndryshimit dhe në këto zgjedhje përfundimisht ndryshimi do të ndodhë edhe në pushtetin lokal.

„Shqiptarët ia kanë marrë dorën ndryshimit! Aty ku dikur mbizotëronte apatia sot frymon shpresa dhe vendosmëria e dominon energjia. Siç shkaktuam tërmet në pushtetin qendror duke përmbysur të vjetrën, tani po vjen radha e komunave si streha e fundit për keqpërdëruesit, të cillët kishin harruar se kujt duhet t’i shërbejnë.

Kudo që shkojmë, nevoja për ndryshim po jehon si kushtrim. Në çdo qytet e fshat, në çdo lagje e institucion lokal, qytetarët po kërkojnë çlirimin e komunave nga duart e uzurpimit. Ka ardhur koha që komunat shqiptare të marrin frymë lirë, të bëhen sërish pronë e qytetarëve, jo pronë e klaneve interesave apo partive që me vulë amerikane janë non-grata“, ka shkruar zëvëndësdrejtori, Mustafa Dauti.

Ai tutje ka shtuar që VLEN-i ka dëshmuar rezultate të prekshme për vetëm një vit e gjysmë qeverisje. Në këtë drejtim, Dauti përmend konkretisht punët që ka bërë VLEN-i, që sipas tij me të njëjtin ritëm do të vazhdojnë edhe në pushtetin lokal.

„VLEN gjatë periudhës së qeverisjes ka arritur rezultate të prekshme në shumë fusha, duke vendosur standarde të reja për përfaqësim, transparencë dhe integritet. Është miratuar Ligji për përfaqësim të drejtë dhe adekuat, janë bërë punësime meritore në institucione publike, është fuqizuar përdorimi i gjuhës shqipe dhe është zgjidhur statusi i Medresesë “Isa Beu”, si simbol i trashëgimisë arsimore e fetare si dhe kuptohet për herë të parë pas kaq viteve fuqizohen komunat shqiptare me buxhet të lartë, gjë që mundëson që të sigurohen mjete të cilat do të shërbejnë për nxitjen e zhvillimit lokal dhe përmirësimin e kushteve të jetesës së qytetarëve në komunat shqipare. Për herë të parë, shqiptarët kanë përfaqësim real në vendimmarrje, ndërsa administrata e drejtuar nga VLEN është bërë shembull i profesionalizmit dhe efikasitetit.Në të njëjtën kohë, si VLEN kemi dëshmuar se qeverisja pa korrupsion është e mundur, duke mbajtur zero afera korruptive për më shumë se një vit e gjysmë. Është forcuar transparenca financiare, janë zbatuar reforma për llogaridhënie dhe është përmirësuar imazhi i institucioneve shqiptare. Me një qasje unifikuese dhe vizion zhvillimor, kemi avancuar pozitën politike dhe ekonomike të shqiptarëve në Maqedoninë e Veriut, duke dëshmuar se përfaqësimi dinjitoz dhe efikas është rruga drejt barazisë dhe progresit“, ka përfunduar zëvëndësdrejtori, Dauti.

Lajme

Fetai: Nesër takohemi me Mickoskin! Sali do të propozohet për zv/kryeministër, Ministria e Ambientit i mbetet LD-së së Mexhiti

Arben Fetai nga VLEN thotë se koalicioni ka dakordim që Bekim Sali të emërohet zëvendëskryeministër i parë, si zëvendësim i Izet Mexhitit, i cili tashmë ka marrë funksionin e kryetarit të komunës së Çairit, përcjell TV21. Fetai tha se Ministria e Ambientit Jetësor dhe Planifikimit Hapësinor i mbetet Lëvizjes Demokratike të Izet Mexhitit.

“Tani Izet Mexhiti dhe Lëvizja Demokratike do të propozojnë sigurisht edh enjë emër për ministër të Mjedisit. Dhe besoj brenda kësaj jave, nesër më së largu, do të ulemi me kryeministrin si mandatar dhe do i shtrojmë këto çështje, të gjejmë një zgjidhje në bazë të asaj që është dakorduar si partnerë të koalicionit”, shtoi mes tjerash Fetai. /tv21.tv

Lajme

Feti Abazi zyrtarisht merr detyrën e Kryetarit të komunës së Bogovinës

Sot, në një atmosferë solemne dhe plot emocion, Feti Abazi ka pranuar zyrtarisht detyrën si Kryetar i Komunës së Bogovinës. Në fjalën e tij të parë pas marrjes së mandatit, Abazi theksoi se ky moment është një rikthim mes njerëzve dhe mjedisit nga i cili vjen, për të vazhduar misionin e shërbimit publik me përulësi dhe nder.

“Komuna e Bogovinës ka qenë vendi ku kam mësuar se shërbimi publik nuk është vetëm një punë e zakonshme, por një mision dhe obligim i përditshëm për të përmirësuar jetën e njerëzve,” deklaroi ai.

Kryetari i ri i Bogovinës theksoi se do të punojë çdo ditë me përkushtim, dashuri dhe vizion për qytetarët, duke u zotuar se do ta çojë përpara komunën me energji të re dhe entuziazëm.

“Ky është premtimi ynë ndaj jush – ta kthejmë komunën në punë. Ju më keni dhënë një besim të madh, dhe askush nuk guxon ta nëpërkëmbë këtë besim, duke filluar nga unë i pari,” shtoi Abazi.

Ai u shpreh i bindur se përpara komunës qëndron një periudhë e re zhvillimi dhe përparimi, e cila do të përballet me shumë sfida, por edhe me mundësi të mëdha për ndryshim.

“Nga sot fillon koha jonë – koha e gjeneratës së re,” përfundoi Feti Abazi, duke u bërë thirrje qytetarëve që bashkërisht t’i kthehen punës për të mirën e komunës së Bogovinës.

https://www.facebook.com/share/p/1Cd3eeVR8q/

Lajme

Grabitje me armë në Prishtinë, Kolumbianes i merren 10 mijë euro

Një rast i rëndë grabitjeje është raportuar mbrëmjen e së hënës në kryeqytet. Sipas informacioneve, ngjarja ka ndodhur dje, në intervalin kohor 20:00–20:40, në rrugën “Halil Alidemaj” në Prishtinë.

Viktima, shtetasja kolumbiane A. J. Z.O., rreth 26-vjeçare, ka raportuar se është grabitur nën kërcënimin e armës së zjarrit nga tre persona të panjohur, të cilët, sipas saj, kanë vepruar pa maska. Ajo ka deklaruar se autorët i kanë marrë shumën prej 10 mijë eurosh.

Menjëherë pas raportimit, në vendin e ngjarjes kanë dalë njësitet patrulluese, hetuesit e rajonit të Prishtinës, Njësia e Hetimeve të Krimeve të Rënda (NJHP) si dhe forenzika rajonale, për sigurimin e provave materiale dhe gjurmëve të mundshme.

Rasti është konfirmuar për Prokurorin Kujdestar të Krimeve të Rënda dhe është iniciuar hetimi për veprën penale “Grabitje”. Hetimet janë në zhvillim dhe policia po punon në identifikimin e autorëve.