Sport

Beqiri dhe Ibraimi: Ky është vit historik për ne, duam të vazhdojmë më tej

Shkëndija e Tetovës të enjten në Shkup përballet me kampionin e Sllovakisë, Slovan Bratislava në kuadër të raundit të pestë të UEFA Conference League, ndërsa për pritjet para mediave folën trajneri Jeton Beqiri dhe kapiteni Besart Ibraimi.

Jeton Beqiri: “Mendoj se është rasti i parafundit i Shkëndijës sa i përket kualifikimit në mesin e 24 skuadrave që do të vazhdojnë më tej. Unë jam i mendimit se kemi një kundërshtar jashtëzakonisht shumë cilësor që vitin e kaluar ishte edhe në grupet e Ligës së Kampionëve, por gjithmonë kur luajmë si vendas kur luajmë në Shkup kemi paraqitje pozitive. Edhe kundër ekipit të Slovan Bratislavës, shprsoj që ekipi të shprehet në mënyrën më të mirë të mundshme dhe jam me besim të lartë se i kemi të gjitha parakushtet dhe mundësitë të sigurojmë një rezultat, i cili pastaj në ndeshjen e fundit do të na jep një komoditet të mund të plasohemi në mesin e 24 skuadrave më të mira”.

Besart Ibraimi: “Sa u përket tifozëve, normal se ato janë një motiv shtesë për ne. Nesër pres që të jenë në një numër sa më të madh. Pres mbështetjen e “Ballistëve”, pasi ata janë numri jonë i 12-të dhe besoj që do të na i lehtësojnë që të vijmë deri te fitorja”.

Jeton Beqiri: “Sa i përket grupit të futbollistëve, kemi pengesa si gjithë skuadra në këtë fazë. Për ndeshjen e nesërme nuk do të kemi mundësi të llogarisim te mesfushori Al Hasan për arsyje të tre kartonave të verdhë dhe Tambën për shkak të dëmtimit”.

Besart Ibraimi: “Normal se jemi të kënaqur të gjithë ne, këtë vit shkruam historinë. Por, ne nuk duhet të ndalemi këtu, nesër duhet ta japim maksimumin dhe ta fitojmë ndeshjen dhe pse mos të kualifikohemi më tej”.

Jeton Beqiri: “Është një edicion historik për ne. Unë mendoj që në katër ndeshjet e kaluar, skuadra ka marrë më pak sa që ka dhënë në fushën e lojës. Konkretisht mendoj në dy ndeshjet e fundit, sipas mendimit tim meritonim diçka më shumë sa i përket pikëve. Por, futbolli e ka ashtu, në momente të veçanta jemi me fat, në momente të caktuara mund të penalizojë edhe fati. E rëndësishme është që të jemi akoma në lojë për kualifikim. E rëndësishme është që Shkëndija edhe në mesin e dhjetorit luan në Kupat Europiane. Ne duhet të bëjmë çmos që të marrim rezultate sa më të mira të mundshme në këto dy ndeshje që na kanë mbetur”.

Besart Ibraimi: “Normal ndikon kjo, kur të gjitha ekipet shkojnë në pushim, ne kemi ndeshje në Europë. Por, na jep fuqi kur e dimë rëndësinë e kësaj ndeshje dhe me një fitore mund të kualifikohemi më tej dhe ne jemi të gatshëm, jemi të motivuar, do të japim maksimumin. Në dy ndeshjet e fundit, fati ska qenë në anën tonë, besoj që me pak fat, nesër ta fitojmë këtë duel”.

Jeton Beqiri: “Është shumë e pazokontë, pasi viteve tjera, futbollistët menzi i pritnin të përfundojnë ndeshjet në kampionat dhe të shkojnë në pushimin e merituar, ndërsa këtë vit neve do të na duhet edhe disa ditë shtesë që ti luajmë këto dy ndeshje që janë shumë të rëndësishme si për ne si për klubin si për futbollistët, por edhe për opinionin dhe tifozët. Unë personalisht në emrin tim, do të kisha dëshiruar që Shkëndija çdo vit të ketë këtë eksperiencë dhe besoj që nëse kjo eksperiencë vijon të përsëritet edhe vitet e ardhshme, atëherë besoj se me kalimin e kohës, Shkëndija do ta ngrit nivelin dhe do të jetë diçka e zakonshme”.

Shkëndija ngadalë mbyll përgatitjet për ndeshjen e të enjtes me Slovan Bratislavën e Sllovakisë në kuadër të xhiros së pestë të UEFA Conference League. Kuqezinjtë sonte kanë seancën e fundit stërvitore. Dueli do të zhvillohet në arenën “Todor Proeski” të Shkupit të enjten me fillim në orën 18:45.

Sport

Adrian Hadribeaj, arkitekti i heshtur i MMA-së shqiptare

Adrian Hadribeaj po shfaqet si një nga figurat më intriguese të MMA-së shqiptare, një luftëtar që nuk dallohet për deklarata të bujshme, por për veprime të disiplinuara dhe përparim të padiskutueshëm. Duke përfaqësuar The Eagle MMA, ai është bërë pjesë e një brezi që po riformëson mënyrën se si atletët shqiptarë perceptohen në arenën globale të sporteve luftarake. Rrugëtimi i tij pasqyron durim, strukturë dhe një përkushtim të palëkundur për ta fituar çdo hap përpara.

Brenda kafazit, Hadribeaj lufton me një ekuilibër të rrallë mes intensitetit dhe kontrollit. Ai ushtron presion me qëllim, asnjëherë i nxituar, asnjëherë i pakujdesshëm. Çdo lëvizje duket e llogaritur, çdo shkëmbim i menduar. Kundërshtarët e kuptojnë shpejt se forca e tij nuk është vetëm fizike, por edhe psikologjike. Ai studion ritmin, distancën dhe kohën, duke e shndërruar çdo raund në një çmontim gradual, e jo në një stuhi të pakontrolluar. Kjo qasje i ka fituar respektin e trajnerëve dhe rivalëve njësoj, duke e veçuar si strateg po aq sa luftëtar.

Për Hadribeajn, stërvitja nuk është rutinë, por filozofi. Orët e gjata në palestër trajtohen si investim, jo si detyrim. Kondicioni, teknika dhe qëndrueshmëria mendore ndërtohen shtresë pas shtrese, të udhëhequra nga një vëmendje ndaj detajeve që lë shumë pak vend për rastësi. Ata që e njohin nga afër e përshkruajnë si një atlet që dëgjon më shumë sesa flet, që përthith udhëzimet dhe i shndërron ato në performancë. Disiplina e tij shtrihet edhe jashtë kampit të përgatitjes, duke ndikuar në mënyrën se si ushqehet, pushon dhe mendon.

Krenaria për rrënjët e tij shqiptare përshkon çdo kapitull të karrierës së tij. Hadribeaj e kupton se në çdo paraqitje ai mban mbi supe më shumë se ambicien personale. Ai përfaqëson një kulturë që ende po gdhend vendin e saj në MMA-në ndërkombëtare. Për luftëtarët e rinj që ndjekin ngjitjen e tij, ai ofron një model të ri suksesi, të bazuar në profesionalizëm dhe durim, e jo në rrugë të shkurtra. Arritjet e tij po e zgjerojnë në heshtje hartën e mundësive për atletët shqiptarë që ëndërrojnë nivelin më të lartë.

Jashtë vëmendjes së publikut, Hadribeaj mbetet i thjeshtë dhe i përqendruar. Ai i qaset njohjes me përulësi, i vetëdijshëm se dukshmëria sjell edhe përgjegjësi. Qoftë duke mentoruar sportistë më të rinj apo duke u përgatitur për kundërshtarin e radhës, fokusi i tij mbetet i ngushtë dhe i qartë. Rritja nuk matet me tituj mediatikë, por me përmirësimin e përditshëm. Ky mentalitet është bërë themeli i identitetit të tij, duke e dalluar nga ata që ndjekin vëmendjen përpara arritjes.

Ndërsa karriera e tij po fiton hov, Adrian Hadribeaj po shndërrohet në më shumë sesa një pretendent premtues. Ai po formëson një rrëfim për atë që mund të përfaqësojë MMA-ja moderne shqiptare: inteligjencë, qëndrueshmëri dhe respekt për mjeshtërinë. Çdo ndeshje shton një shtresë të re në një histori të shkruar me punë, jo me spektakël.

Në një sport shpesh të sunduar nga zhurma, Hadribeaj zgjedh thelbin. Ai e fiton besimin në mënyrën tradicionale — përmes përgatitjes, qetësisë dhe vazhdimësisë. Bota ka filluar ta vërejë, dhe udhëtimi i tij sapo ka nisur.

Sport

Regjim i veçantë trafiku nesër në Shkup, do ketë protesta

Nesër, duke filluar nga ora 12:00, në Shkup do të mbahet një marsh proteste “Ndalo Cementarën” me një itinerar nga para Qeverisë së Republikës së Maqedonisë së Veriut në bulevardin “Ilinden”, djathtas përgjatë bulevardit “VMRO”, duke vazhduar përgjatë rrugës “Vasil Glavinov”, majtas përgjatë rrugës “Dimitrije Çupovski”, duke vazhduar përgjatë rrugës “11-ti Oktomvri” deri para Kuvendit të RMV-së dhe majtas përgjatë rrugës “Filip II i Maqedonisë” deri para Ministrisë së Mjedisit, për Drejtorinë për Siguri Publike dhe Trafik.

Për këto arsye, Njësia e Sigurisë në Trafikun Rrugor të SPB Shkup do të marrë masa për një regjim të veçantë trafiku në zonën qendrore të qytetit të Shkupit.

“U bëjmë apel të gjithë qytetarëve që marrin pjesë në trafik që të respektojnë urdhrat e dhëna nga oficerët e policisë”, thonë nga MPB

Sport

Ski klub Dita shkëlqen në Kupën Alpike të Kodrës së Diellit

Ski klub Dita ka marrë pjesë me sukses në turneun e skijimit Kupa Alpike e Kodrës së Diellit, në disiplinën Slalomi i Madh, duke dëshmuar nivelin e lartë të përgatitjes dhe punës së vazhdueshme me skijatorët e rinj.

Në këtë garë prestigjioze, ski klubi Dita u përfaqësua me 9 garues, të cilët arritën rezultate shumë të mira dhe u ngjitën në podium në disa kategori. Donjeta Rexha (U14) dhe Kurtali Dauti (U8) fituan vendin e parë në kategoritë e tyre, duke treguar formë të shkëlqyer. Anila Rexha (U12) dhe Ylli Rexha (U8) u renditën në vendin e tretë, ndërsa Alea Bajrami (U12) përfundoi garën në vendin e katërt, duke kompletuar paraqitjen shumë pozitive të klubit.

Këto rezultate janë dëshmi e përkushtimit të vazhdueshëm të klubit dhe e talentit të jashtëzakonshëm të garuesve të rinj, të cilët po ndërtojnë një të ardhme premtuese për sportin e skijimit.

Ski klub Dita vazhdon të jetë një nga klubet më të suksesshme në zhvillimin e skijimit për moshat e reja, duke sjellë rezultate dhe krenari në çdo garë ku merr pjesë.