Lifestyle
Hiti i perjetshem i te gjithe femijeve “qingji i vogel” vjen me nje version te ri zyrtar
Të gjithë e njohin projektin më të famshëm të fëmijerisë disa brezave, ka qëne këngë pjesëmarrëse në festival në RTSH dhe mbeti si hiti i preferuar i fëmijëve të të gjitha kohërave.
Kënga e kompozuar dhe shkruar nga Zef Lekaj tashmë vjen serisht në një version zyrtar nn orkestrimin e Alban Kondit dhe Fabian Bashes me interpretimin dhe performancën e vogelushes Sia Nini – Zëri më i ri në median shqip.
Në këtë version të freskuar, interpreton Sia Nini, një vogëlushe me zërin e saj të ëmbël dhe të veçantë, duke i dhënë këngës një energji të re dhe duke e bërë atë përsëri të dashur për të gjithë audiencën. Performanca e Sia Nini është tashmë duke tërhequr vëmendje të madhe në mediat shqiptare, duke e bërë atë zërin më të ri që po shpërndahet me ritëm të shpejtë në rrjetet sociale.
Projekti ka “rrëmbyer zemrat” e shikuesve, duke u shpërndarë në mënyrë të pakufizuar nëpër platforma si Instagram, TikTok dhe Facebook. Fansat e vjetër, po ashtu si dhe brezat e rinj, janë të emocionuar nga ky rikthim, duke e bërë këngën një hit që i bashkon të gjithë.
Ky rikthim është një kujtesë se muzika e fëmijërisë ka fuqinë të kapërcejë kohën dhe të krijojë emocione të përjetshme. Me orkestrimin modern dhe interpretimin e Sia Nini, kënga jo vetëm që ruan magjinë origjinale, por i jep edhe një jetë të re në skenën muzikore shqiptare.
Për të gjithë adhuruesit e muzikës së fëmijërisë, ky projekt është një mundësi e artë për të rikujtuar nostalgjinë dhe për të ndjerë emocionin e së kaluarës në një interpretim të freskët dhe modern.
Lifestyle
Kostovski: Nga deponi e egër në park të madh në Luboten, fshati po merr pamje krejtësisht të re
Hyrja e fshatit Luboten do të shndërrohet në një hapësirë të gjelbër dhe rekreative për banorët. Deponia e egër, e cila për vite me radhë kishte dëmtuar pamjen e kësaj zone, së shpejti do t’i takojë së kaluarës, pasi në vend të saj Komuna e Butelit do të ndërtojë një park të madh.
Kështu ka bërë të ditur kryetari i Komunës së Butelit, Darko Kostovski, i cili përmes një postimi ka njoftuar se tashmë kanë nisur ndryshimet në hyrje të Lubotenit, me synimin që një hapësirë e shndërruar në deponi të kthehet në një park të bukur dhe të gjelbër.
Kostovski theksoi se asnjëherë më parë nuk është punuar kaq shumë për Lubotenin, duke përmendur si projekte konkrete realizimin e rrjetit të ujësjellësit, një kërkesë e kahmotshme e banorëve, si dhe asfaltimin e të gjitha rrugëve dhe rrugicave të fshatit.
Ai rikujtoi se para banorëve kishte marrë edhe zotimin se deponia e egër në hyrje të fshatit do të largohej dhe në atë hapësirë do të ndërtohej një park i madh, ku banorët do të mund të kalojnë kohën e lirë dhe të rekreohen.
Ndërkohë, banorët e Lubotenit që ishin të pranishëm e falënderuan Kostovskin për angazhimin, duke shprehur pakënaqësi për mungesën e vëmendjes së kryetarëve të mëparshëm ndaj kësaj zone. Sipas tyre, është e turpshme që drejtuesit e kaluar të komunës as që kishin vizituar këtë pjesë të Butelit.
Ata vlerësuan angazhimin e kryetarit aktual dhe theksuan se investimet dhe kujdesi për komunën duhet të shtrihen në çdo vendbanim, pa dallim se për cilën pjesë të Butelit bëhet fjalë.
Nga një hapësirë e mbuluar me mbeturina, hyrja e Lubotenit synon të shndërrohet në një pikë të re gjelbërimi dhe rekreacioni për komunitetin.
Lifestyle
Afrona dhe Androna Thaçi, motrat e vogla nga Tetova që po sjellin emocion me këngën “Për çdo fëmijë” në “Akordet e Kosovës”
Talentet e reja nga Tetova po ngjiten në skenën muzikore! Afrona dhe Androna Thaçi marrin pjesë në edicionin e katërt të festivalit “Akordet e Kosovës” me këngën “Për çdo fëmijë”, një projekt muzikor që përcjell mesazh të veçantë për më të vegjlit.
Dy artistet e vogla nga Tetova, Afrona dhe Androna Thaçi, po prezantojnë talentin e tyre në edicionin e katërt të festivalit “Akordet e Kosovës”, me këngën “Për çdo fëmijë”, duke sjellë një paraqitje që i kushtohet fëmijërisë dhe rëndësisë së saj.
Kënga vjen me muzikë dhe orkestim nga Nexhat Mujovi – Wirus, ndërsa tekstin e ka shkruar Besarta Murtezani. Përmes këtij projekti, Afrona dhe Androna bëhen pjesë e një festivali që u jep hapësirë talenteve të reja për të shfaqur aftësitë e tyre dhe për të hedhur hapat e parë në skenën muzikore.
Pjesëmarrja e dy motrave nga Tetova është një moment i bukur për promovimin e talenteve të reja shqiptare, të cilat me pasionin dhe përkushtimin e tyre dëshmojnë se muzika nuk njeh moshë dhe se ëndrrat mund të fillojnë të marrin jetë që në fëmijëri.
Me këngën “Për çdo fëmijë”, Afrona dhe Androna Thaçi përfaqësojnë me krenari qytetin e tyre, Tetovën, duke sjellë në festival zërin dhe talentin e gjeneratës së re.
Skena e “Akordeve të Kosovës” është një mundësi e rëndësishme për artistet e reja që të fitojnë përvojë, të prezantojnë talentin e tyre para publikut dhe të ndërtojnë rrugëtimin e tyre artistik.
Suksese Afronës dhe Andronës! Tetova ka arsye të krenohet me talentet e saj të vogla!
https://www.facebook.com/reel/1771651417500702
Lajme
Blerim Destani pushton Zurich Film Festival 2026
Blerim Destani pushton Zurich Film Festival me premierën botërore të filmit “BLOOD MONEY”
Aktori i njohur shqiptar Blerim Destani rikthehet fuqishëm në qendër të vëmendjes ndërkombëtare. Filmi i tij i ri, drama aksion “BLOOD MONEY”, do të shënojë premierën e tij botërore në edicionin e sivjetmë të Zurich Film Festival (ZFF), më 2 tetor 2026.
Përveç shfaqjes së parë të projektit për publikun e gjerë, ky festival do të rezervojë një hapësirë të veçantë për ekipin krijues. Më 3 tetor, Blerim Destani së bashku me bashkëpunëtorët e tij do të jenë pjesë e panelit prestigjioz të diskutimit “ZFF Masters”, ku do të ndajnë prapaskenat e xhirimeve dhe sfidat e realizimit të këtij projekti madhor.

Një kast i jashtëzakonshëm dhe debutimi i Noizy-t si aktor
Filmi mban firmën e regjisorit të vlerësuar Visar Morina dhe sjell një bashkim interesant emrash në ekranin e madh. Përkrah Blerim Destanit, në rolet kryesore luan aktori i mirënjohur gjerman Moritz Bleibtreu, si dhe reperi i dashur për publikun shqiptar, Noizy, i cili me këtë rol shënon debutimin e tij të parë si aktor në një film të metrazhit të gjatë.

Çfarë ndodh në “BLOOD MONEY”?
Ngjarjet e kësaj drame të errët të arteve marciale zhvillohen në qytetin bregdetar të Durrësit. Filmi ndjek historinë e Arionit (luajtur nga Noizy), një ish-i burgosur që rikthehet në dyluftimet e paligjshme të njohura si “The Circle”. Ai pranon të ndeshet për llogari të Ilirit (Blerim Destani), një personazh i zhytur në borxhe të mëdha. Gjërat marrin një kthesë të rrezikshme kur të dy përfshihen pa dashje në një rrjet të madh dhe të paligjshëm bastesh, duke vënë në rrezik gjithçka.
Për të gjithë artdashësit dhe adhuruesit e kinematografisë në Zvicër, biletat dhe oraret e plota të shfaqjeve tashmë janë të disponueshme në faqen zyrtare të festivalit (https://zff.com/de).
/ Foto credits: Zürich Film Festival – Media zff.com /

-
Lajme12 months agoZbulohet Identiteti i Personit Të Vrarë Në Tetovë
-
Lajme2 years agoDetaje nga ngjarja tronditëse në Tetovë: Burri vrau gruan dhe vajzën 4 vjeçe, pastaj qëlloi djalin 9 vjeç dhe veten e tij
-
Lifestyle2 years agoTrashet miqësia me maqedonë në familjen e Adelina Tahirit
-
Lajme2 years agoKëto ministri dhe poste zv ministrash do ti takojnë VLEN-it
-
Lajme11 months agoAplikacion që zbulon kamerat radar, shoferët e shkarkojnë masivisht
-
Lajme3 years agoJa kush janë 13 deputetët e koalicionit “VLEN” (Lista)
-
Lajme3 years agoBurrin e Shkurte Fejzës e godet vetura (PAMJE)
-
Lajme3 weeks agoÇmimi i naftës shënon rënie
