Lajme

Izet Mexhiti me mesazh prekës pas vdekjes së Ismail Toçit: “Liria mban edhe emrin tënd”

Kryetari i Komunës së Çairit, Izet Mexhiti, ka shprehur ngushëllimet e tij pas ndarjes nga jeta të Ismail Toçit, të cilin e ka përshkruar si simbol të sakrificës dhe guximit.

Mexhiti ka kujtuar kontributin e Toçit si invalid i luftës së vitit 2001, duke theksuar se ai do të mbetet në kujtesë për sakrificën dhe jetën e tij të përkushtuar ndaj idealeve në të cilat besonte.

“Me pikëllim të madh e mora lajmin për ndarjen nga jeta të Ismail Toçit.

Vdekja e tij më preku thellë. Ismaili ishte nga ata njerëz që peshën e luftës nuk e mbajtën vetëm në kujtime, por edhe në trup, deri në fund të jetës. Si invalid i luftës së vitit 2001, ai mbeti simbol i sakrificës, guximit dhe i fitores.

Jeta nuk e kurseu, por ai e jetoi atë me dinjitetin e një njeriu që kishte dhënë shumë për idealet në të cilat besonte. Për mua dhe për shumë të tjerë, Ismail Toçi do të kujtohet me nderim për atë që ishte, për sakrificën që bëri dhe për gjurmën që la pas.

Sot ndahemi prej tij me dhimbje, por edhe me krenari për jetën që jetoi. Jetën e një luftëtari. Jetën e një heroi.

Ngushëllimet më të sinqerta familjes Toçi, bashkëluftëtarëve, miqve dhe të gjithë atyre që e njohën dhe e deshën.

Lamtumirë Ismail. Liria mban edhe emrin tënd!”, ka shkruar Mexhiti.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk