Lajme

VLEN: Për BDI-në, Kosova ishte vetëm “Kosovë”, jo “Republika e Kosovës”

Komunikata e VLEN-it

Dokumenti zyrtar i vitit 2022, i publikuar dhe shpërndarë aso kohe edhe nga vetë Bujar Osmani, tregon qartë se si BDI-ja dhe kuadrot e saj e trajtonin Kosovën gjatë kohës kur ishin në pushtet.

Në aktin zyrtar të Kuvendit, në titullin e ligjit për garancinë shtetërore për huanë për financimin e projektit TEN-T për autostradën Shkup–Prishtinë, Kosovës i referohet vetëm si “Kosovë”, pa formulimin “Republika e Kosovës”.

Ky nuk është thjesht një detaj formal. Për VLEN-in, ky dokument është pasqyrë e politikës së BDI-së ndaj Kosovës dhe dëshmi e hipokrizisë së atyre që sot përpiqen të shfaqen si mbrojtës të interesave kombëtare.

Bujar Osmani, i cili sot përpiqet të japë leksione për patriotizmin dhe raportet me Kosovën, duhet t’u përgjigjet qytetarëve se si është e mundur që gjatë mandatit të tij si ministër i Jashtëm, në dokumente zyrtare të shtetit Kosovës t’i referohej pa emërtimin “Republika e Kosovës”.

Edhe më paradoksale është se Osmani, si ministër i Jashtëm, shpesh krijonte përshtypjen se Beogradi ishte destinacion më i rëndësishëm diplomatik se Prishtina zyrtare. Sot, i njëjti person përpiqet të na shitet si zëri kryesor për marrëdhëniet me Kosovën.

Kjo është fytyra e vërtetë e BDI-së: shumë fjalë për patriotizëm kur janë në opozitë, por dokumentet e tyre zyrtare flasin vetë për mënyrën se si kanë vepruar kur kanë qenë në pushtet.

VLEN nuk do të lejojë që ata që për dy dekada patën mundësi të dëshmojnë me vepra përkushtimin ndaj shqiptarëve dhe Kosovës, sot të rishkruajnë historinë dhe të paraqiten si patriotë të rinj.

Dokumentet mbeten. Fjalët e tyre ndryshojnë.

Bujar Osmani dhe BDI-ja duhet t’u japin përgjigje qytetarëve: pse në dokumentin zyrtar të vitit 2022, të cilin vetë Osmani e kishte publikuar, Kosova nuk figuron si “Republika e Kosovës”?

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk