Beogradi mbrëmë, si Shkupi me 27 prill (FOTO)

Beogradi kaloi një natë të vështirë për shkak të protestave të dhunshme që shpërthyen menjëherë pasi presidenti Vuçiç deklaroi rikthimin e masave shtrënguese për shkak të valës së rëndë të infektimeve koronare.

Turma të mëdha iu drejtuan Kuvendit të Serbisë në një tentativë për të hyrë brenda e pushtuar atë, ç’ka solli përplasje të ashpra me policinë.

Policia arriti të “marrë kontrollin” në rrugët e Beogradit pak para orës 2 të mëngjesit.

Trembëdhjetë oficerë policie dhe shtatë civilë u plagosën, ku të gjithë ata u transportuan në spital, raporton Tanjug.

Kryeministrja Ana Brnabiç, dha prapavijë politike në atë që ndodhi.

“Meqenëse nuk mund të hynin në Kuvend në zgjedhje, ata treguan përsëri fytyrën e tyre të dhunshme, duke u përpjekur të fitojnë pikë politike në krizën më të madhe në planet që nga Lufta e Dytë Botërore,” deklaroi Brnabiç në një deklaratë.

Ajo theksoi se numri i personave të infektuar në botë rritet çdo ditë, kjo është arsyeja pse është e rëndësishme që të gjithë të bashkohen dhe të ofrojnë mbështetjen e nevojshme për punonjësit e shëndetit, të cilët, thotë ajo, janë të përkushtuar për të luftuar për çdo jetë në Serbi.

Ndërsa Zv/kryeministrja Zorana Mihajloviç tha se fakti që pothuajse të gjitha spitalet në Beograd, si dhe në qytete të tjera, janë plot me pacientë me COVID-19, flet vëllime se sa serioze është situata.

“Unë kërkoj nga të gjithë që ta marrin situatën më seriozisht dhe të mos e bëjnë më të vështirë për mjekët dhe stafin mjekësor që luftojnë për shëndetin e qytetarëve tanë 24 orë në ditë duke vepruar në mënyrë të papërgjegjshme”.

Ajo gjithashtu deklaroi se çdo përpjekje për të “abuzuar politikisht situatën me epideminë nuk do të jetë asgjë tjetër përveç bixhoz e shëndetin e qytetarëve”, duke shtuar se organizimi i çdo proteste “politike” në një kohë kur spitalet janë plot me njerëz të infektuar do të ishte kulmi i papërgjegjësisë.