Lajme

Vendoset një kryq gjigant në Draçevë të Shkupit

Është vendosur edhe një kryq gjigant në Draçevë të Shkupit. Sipas të dhënave kryqi është i lartë 63.5 metra i gjërë 4 metra, i dyti për nga madhësia pas atij të Vodnos. Investitor është Kongresi Botëror Maqedonas, ndërsa donator janë kompanitë Dabar, Prototip dhe Fakom.

Faqja në Facebook e Kongresit Botëror Maqedonas, ka shpërndarë postimin e Orce Gjorgjievskit, kryetarit të Komunës së Kisella Vodës, nga radhët e VMRO-së, i cili ka shpërndarë videon e vendosjes së kryqit të shoqëruar me një mesazh me gjuhën e një besimtari. “Kryqi është rojtari i gjithë universit. Kryqi është fuqia e mbretërve, Kryqi është një plagë për demonët”, ka shkruar ndër të tjera kryetari i Komunës së Kisella Vodës.

Vendosja e kryqeve gjigande në venbanimet e përziera etnikisht shkakton vazhdimisht reagime. Në fund të vitit të kaluar, një kryq i tillë është vendosur në hyrje të tregut të gjërave të vjetra në lagjen Kojnare të Kumanovës. Pas, këtij akti ka pasur disa reagime në rrjetet sociale.

Ndërkohë, vendosja e një kryqi të tillë gjigant në Kodrën e Diellit ka shkaktuar gjithashtu një përplasje të ashpër verbale ndërmjet komunitetit shqiptar dhe atij maqedonas.

Në Shkup, përveç kryqit me 80 metra të lartë në malin Vodno, do të ka 4 kryqa gjigant me nga 55 metra, një në qendër në lagjen Aerodrom, dhe tre tjerë nga të tre hyrjet në kryqytet, në lindje, perëndim dhe veri. /SHENJA/

Lajme

Ministri izraelit i Mbrojtjes: Lufta me Iranin mund të rifillojë “së shpejti”

Ministri i Mbrojtjes i Izraelit, Israel Katz, ka paralajmëruar se lufta me Iranin mund të rifillojë “së shpejti”, transmeton Anadolu.

“Është e mundur që së shpejti të na duhet të veprojmë përsëri për të siguruar arritjen e objektivave”, tha Katz gjatë një aktiviteti ushtarak në selinë e Ministrisë së Mbrojtjes në Tel Aviv.

“Irani ka pësuar goditje jashtëzakonisht të rënda gjatë vitit të kaluar, goditje që e kanë kthyer vite prapa në të gjitha fushat”, shtoi ai në deklaratat e tij të raportuara nga gazeta Yedioth Ahronoth.

Kërcënimet izraelite për një rifillim të mundshëm të sulmeve ndaj Iranit shihen nga vëzhguesit si pjesë e përpjekjeve për të shtyrë SHBA-në drejt një veprimi të ri ushtarak.

Javën e kaluar, Katz tha se Izraeli po pret një “dritë jeshile” nga SHBA-ja për të rifilluar luftën kundër Iranit.

Sipas Axios, Komanda Qendrore e SHBA-së (CENTCOM) ka përgatitur plane që mund të përfshijnë sulme ndaj infrastrukturës iraniane, si dhe opsione më të gjera si rritja e presionit detar në Ngushticën e Hormuzit.

Propozimet thuhet se synojnë ta detyrojnë Iranin të kthehet në negociata me më shumë fleksibilitet, veçanërisht për çështjen bërthamore.

SHBA-ja dhe Izraeli nisën sulme ndaj Iranit më 28 shkurt, duke nxitur kundërpërgjigje nga Teherani ndaj aleatëve të SHBA-së në Gjirin Persik dhe duke mbyllur Ngushticën e Hormuzit.

Një armëpushim u shpall më 8 prill përmes ndërmjetësimit të Pakistanit, i ndjekur nga bisedime në Islamabad më 11 prill, por nuk u arrit marrëveshje. Presidenti amerikan, Donald Trump, më vonë e zgjati armëpushimin pa një afat të ri, me kërkesë të Pakistanit.

Lajme

Qeveria: Ulja e çmimeve të karburanteve vazhdon deri më 18 maj

Qeveria informon opinionin se, pas diskutimeve me kompaninë OKTA dhe me qëllim të zbutjes së presioneve të çmimeve mbi qytetarët dhe ekonominë, zbritja e karburanteve vazhdon deri më 18 maj 2026.

Kjo është një masë që siguron ulje të çmimeve me pakicë, me zbritjen që arrin në 3 denarë për litër për naftën dhe 2 denarë për litër për benzinat me 95 dhe 98.

Nga Qeveria thonë se mbesin të përkushtuar për të marrë masa në kohë dhe efektive për të mbrojtur standardet e jetesës së qytetarëve, veçanërisht përballë një krize çmimesh të importuara dhe sfidave globale të energjisë.

“Në koordinim me institucionet kompetente dhe operatorët ekonomikë, ne do të vazhdojmë të monitorojmë situatën dhe të reagojmë në përputhje me rrethanat, me qëllim sigurimin e stabilitetit dhe parashikueshmërisë në treg. Kujdesi për qytetarët dhe mbështetja e ekonomisë mbeten përparësia jonë kryesore”, njoftojnë nga Qeveria.

Lajme

Nga pragu i shuarjes në shkëlqim: Sulejmani për ringjalljen e Ansamblit shqiptar

Ansambli i Këngëve dhe Valleve Popullore Shqiptare në RMV ka mbajtur koncertin e tij në Tetovë, duke shënuar një moment të rëndësishëm për këtë institucion.

I pranishëm në aktivitet ishte zëvendësministri i Kulturës, Sedat Sulejmani, i cili theksoi se ansambli ka kaluar një periudhë të vështirë, por është rikthyer fuqishëm.

“Një ekip që ishte drejt shuarjes, të përbuzur dhe pa vendime pune e të harruar totalisht. Luftuam, u sfiduam, duruam dhe IA DOLËM. Ansamblin e rikthyem, e ringjallëm, po kompletohet ekipi dhe sonte si në çdo aktivitet, ato e dëshmojnë se ky mund i joni ia vlejti”, deklaroi Sulejmani.

Koncerti “Me plis në zemër” u mbajt në Pallatin e Kulturës në Tetovë, me pjesëmarrjen e shumë artistëve dhe artdashësve.