Njëri nga liderët e VLEN, Izet Mexhiti në intervistën për Kanal 5 ka folur edhe për rastin e Haqim Ramadanit, i cili është angazhuar me punë në komunën e Çairit.

Mexhiti ka thënë se Haqimi ka përvojë në sferën e pushtetit lokal, është jurist i njohur dhe se me një përvojë të tillë nuk do ta linte në rrugë.

“Pas asaj betejë nuk kishte logjikë që të kthehet aty ku kryetar komune është kundërkandidati i tij. Unë Haqim Ramadanin me atë përvojë dhe si një politikan i shkëlqyeshëm, nuk do ta lë në rrugë.

Atë e mora nga komuna e Bërvenicës në komunën e Çairit që të angazhohet për atë që e di më mirë, pushtetin lokal. Ai ka qenë drejtor i Inspektoratit për pushtet lokal, për momentin vetëm është i punësuar. Nëse dikush mendon se një kuadër të tillë do ta lë në rrugë, mashtrohet”, ka thënë Mexhiti.

Zëdhënësi i Qeverisë, Arlind Manxhuka, ka deklaruar mbi 400 mijë euro pasuri në formularin vjetor pranë Agjencisë për Parandalimin e Korrupsionit.

Në raport bie në sy shuma prej 57 mijë euro para të gatshme në emër të prindërve, si dhe mijëra euro të tjera të mbajtura në banka në Kosovë dhe Slloveni.

Pasuritë e paluajtshme të familjes përfshijnë një lokal, shtëpi dhe toka me vlerë qindra mijëra euro, ndërsa është deklaruar edhe një veturë e vitit 2018.

Të hyrat vjetore të Manxhukës arrijnë mbi 13 mijë euro, ndërsa prindërit përfitojnë të ardhura nga një biznes jashtë vendit.

Në deklarim përfshihet edhe një kredi familjare prej 50 mijë euro, me mbi 33 mijë euro ende për t’u shlyer.

Presidenti turk, Rexhep Taip Erdogan e priti presidenten Gordana Siljanovska-Davkova në Zyrën Presidenciale në Dolmabahçe me një ceremoni zyrtare. Sipas njoftimit të Presidencës turke, dy liderët prezantuan delegacionet e tyre dhe më pas zhvilluan një takim.

Në takim morën pjesë edhe kreu i shërbimit inteligjent turk (MIT), İbrahim Kalın, drejtori i komunikimeve të Presidencës, Burhanettin Duran, si dhe këshilltari kryesor për politikë të jashtme dhe siguri i presidentit, Akif Çagatay Kılıç.