Lajme

Rritet interesimi për skijim te fëmijët! Kurse të përballueshme dhe për të rriturit

Gjithnjë e më e lartë dëshira e fëmijëve për të mësuar të skijojnë!

Në Tetovë ka shumë kurse skijimin. Vizituam një prej tyre në Kodrën e Diellit, për të parë se sa kohë u duhet që të mësojnë këtë sport dimëror.

“Jam këtu tre vite. Skijimi më pëlqen shumë, më duket interesant, skijoj vetë kur jam me prindërit, kam hypë edhe në gjashtë-ulëse, nuk kam hypë në “Teteks” apo “Celipashinë” po në ski ashensorët të tjerë shkojë vetë”, tha një skijatore.

“Unë jam dy vite te shkolla e skijimit, deri më tash kemi shku te gjashtë-ulësja, dy-ulësja dhe aerodrom dhe më ka pëlqyer shumë skijimi”, u shpreh një skijator.

“Unë jam viti tretë dhe më pëlqen shumë të skioj. Jam mësuar t’i çoj skitë edhe shumë kënaqem dhe mezi pres që dimri të vijë që të shkojë të skioj”, tha një skijatore tjetër.

Interesimi është shtuar sidomos pas pandemisë, kur familjet kalonin kohë të gjatë në fshatra dhe male.

Një nga instruktorët, Plarent Salihi, na tregoi për moshën e përshtatshme për të nisur skijimin për më të vegjlit.

“Mosha gjashtëvjeçare është moshë adekuate për mësimin e skijimit pasi që fëmija këtu vinë nga mëngjesi dhe duhet ta kalojë ditën vetë. Duhet të jetë i ambientuar paraprakisht dhe realisht kurset për fillestarë janë 10 ditë dhe 7 ditë ri poshtë pa ski-liftë edhe e mëson ata hapat e parë edhe tre ditë hipën në ski-liftë dhe viti i dytë i njëjti grup nëse vinë është tre ditë rri poshtë sa ti kujtohen edhe shtatë ditë hipën në ski-liftë, kjo do me thënë afërisht dy vite fëmija mund të skijon pa problem dhe pa pengesë”, u shpreh Plarent Salihi – instruktor skijimi.

Por si janë çmimet?

“Çmimet në vendin tonë në Kodër të Diellit janë më ulët, mos bisedojmë në Ballkan ose në rajon, realisht për një kurs tek në është 175 euro ku përfshihet, rruga nga Tetova, kursi dhe skitë me qira. Ky është një çmim ku të shkon në vende tjera mund ta paguash për dy orë ose një orë, faleminderit që ma bëre këtë pyetje, pasi që kisha dëshirë për ta shpreh këtë problematik pasi që thuhet diçka që nuk merret informata paraprake”, tha Plarent Salihi – instruktor skijimi.

Shkollat e skijimit në Tetovë ofrojnë mësime ditore apo javorë edhe për të rritur, ku çmimet variojnë nga 20 euro dita për mësime individuale, deri në 150 euro për mësime javore.

Lajme

Elezi: VLEN po e kthen përfaqësimin e drejtë dhe adekuat në ligj

Përfaqësuesi i VLEN-it, Afan Elezi, ka deklaruar se përfaqësimi i drejtë dhe adekuat nuk është dhuratë politike, por parim kushtetues që buron nga Marrëveshja Kornizë e Ohrit dhe një nga shtyllat kryesore të karakterit multietnik të shtetit.

Sipas tij, për më shumë se dy dekada kjo çështje ka mbetur pa një zgjidhje ligjore të qëndrueshme, duke u trajtuar përmes mekanizmave të përkohshëm dhe interpretimeve të ndryshme, por pa një ligj të veçantë.

“Për gati 23 vite kjo çështje mbeti pa ligj të veçantë. Arsyet i dimë, kishim arnime, mekanizma të përkohshëm dhe interpretime të ndryshme, por asnjëherë ligj”, ka theksuar Elezi.

Ai ka vlerësuar se me ardhjen e VLEN-it në përfaqësimin e shqiptarëve janë hapur procese që, sipas tij, nuk janë iniciuar gjatë dy dekadave të kaluara.

“Për vetëm 24 muaj ne sollëm ligj dhe po e avancojmë Marrëveshjen e Ohrit. Ky është një hap historik dhe një përgjigje serioze ndaj boshllëkut institucional që u krijua pas shfuqizimit të balancuesit”, ka deklaruar Elezi.

Në fund, ai ka bërë thirrje që të gjitha subjektet politike të mbështesin këtë proces, duke theksuar se tashmë është koha për vendime konkrete dhe jo për retorikë politike.

“Ky është momenti kur secili duhet të tregojë nëse është në anën e historisë. Nuk ka më vend për patriotizëm të rrejshëm. VLEN nuk bën zhurmë për të drejtat e shqiptarëve, por i kthen ato në ligj. VLEN shqiptarët po i bën ligj”, ka përfunduar Elezi.

Lajme

Deputetja e VLEN Mimoza Musa merr pjesë në Konferencën e 5-të në Parlamentin Evropian në Bruksel

Deputetja e Kuvendit të Republikës së Maqedonisë së Veriut nga koalicioni VLEN, Mimoza Musa, mori pjesë më 23 dhe 24 qershor në Konferencën e 5-të me temë “Kapërcimi i hendekut ndërmjet pjesëmarrjes politike të të rinjve dhe politikave rinore”, e mbajtur në Parlamentin Evropian në Bruksel.

Në këtë aktivitet, së bashku me deputetë dhe përfaqësues të shoqërisë civile nga vendet e Ballkanit Perëndimor, u diskutuan tema të rëndësishme që lidhen me politikat rinore dhe përfshirjen e të rinjve në proceset vendimmarrëse.

Gjatë punimeve të konferencës, u trajtuan çështje si avancimi i politikave për të rinjtë, sfidat e shëndetit mendor te gjeneratat e reja, si dhe nevoja për rritjen e pjesëmarrjes së tyre në jetën publike dhe politike. Po ashtu, u theksua rëndësia e perspektivës evropiane për vendet e rajonit dhe forcimi i bashkëpunimit ndërmjet Ballkanit Perëndimor dhe Bashkimit Evropian.

Pjesëmarrësit shkëmbyen përvoja dhe ide mbi mënyrat se si mund të krijohen më shumë mundësi për të rinjtë, duke synuar politika më gjithëpërfshirëse dhe më afër nevojave të tyre.

Deputetja Musa vlerësoi rëndësinë e këtyre forumeve ndërkombëtare si hapësira ku ndërtohen ura bashkëpunimi dhe ku forcohet dialogu për të ardhmen e gjeneratave të reja në rajon.

https://www.facebook.com/share/p/1HGPU1rqzd/

Lajme

Ali Ahmeti priti në selinë e BDI-së të riun nga Gostivari, Naser Veliun

Kreu i Bashkimit Demokratik për Integrim (BDI), Ali Ahmeti, priti sot në selinë e partisë Naser Veliun nga Gostivari, nipin e bashkëveprimtarit të tij të hershëm, të ndjerit Naser Veliu.

Gjatë takimit, Veliu u prezantua si elektroinxhinier i diplomuar në universitete prestigjioze në Mbretërinë e Bashkuar. Takimi u vlerësua si një mundësi për bashkëbisedim me të rinj të arsimuar dhe me përgatitje profesionale, të cilët, sipas Ahmetit, përfaqësojnë një brez me potencial për të kontribuar në zhvillimin shoqëror dhe institucional.

Ahmeti theksoi rëndësinë e përfshirjes së të rinjve në procese shoqërore dhe profesionale, duke vlerësuar se kapitali njerëzor i arsimuar jashtë vendit është një vlerë e shtuar për komunitetin dhe vendin.

Në përfundim të takimit, ai i uroi Naser Veliut suksese të mëtejshme në rrugëtimin e tij profesional dhe personal.

Ja postimi plotë:

Sot kisha kënaqësinë ta pres në selinë e BDI-së Naser Veliun, të riun nga Gostivari, nipin e bashkëveprimtarit tim të hershëm, të ndjerit Naser Veliu.

Naseri është elektroinxhinier, i diplomuar në universitete prestigjioze në Angli. Takime me të rinj të arsimuar, të përgatitur profesionalisht dhe me vizion për të ardhmen janë gjithmonë të këndshme dhe japin shpresë se brezat e rinj do të vazhdojnë të kontribuojnë me dije, përkushtim dhe përgjegjësi për zhvillimin e shoqërisë sonë.

I uroj suksese të mëtejshme në rrugëtimin e tij profesional dhe personal.