Sport

Indrit Çullhaj për 19 vite radhazi Kampion i Shqipërisë, një epokë e artë në xhudon shqiptare

Një arritje që rrallëherë shihet në sportin shqiptar. Indrit Çullhaj është shpallur kampion i Shqipërisë për 19 vite radhazi në peshën 81 kilogramë, duke ndërtuar një epokë të tërë dominimi në xhudon kombëtare. Për afro dy dekada, ai ka qenë emri që ka udhëhequr kategorinë e tij, duke mos lejuar askënd t’i rrëmbejë fronin.

Ky sukses nuk është thjesht një titull më shumë në karrierën e tij – është dëshmi e një vazhdimësie të jashtëzakonshme, e një pune të përditshme, sakrifice dhe disipline që kanë bërë diferencën vit pas viti. Të qëndrosh në majë për 19 vite kërkon më shumë se talent: kërkon karakter kampioni, përgatitje maksimale dhe forcë mendore për të përballuar çdo sfidë.

Çullhaj ka qenë jo vetëm dominues në arenën kombëtare, por edhe përfaqësues dinjitoz i Shqipërisë në garat ndërkombëtare, duke ngritur lart flamurin kuqezi dhe duke frymëzuar brezat e rinj të xhudistëve. Ai vazhdon të jetë një model profesionalizmi dhe përkushtimi për sportin.

Në fjalën e tij pas shpalljes kampion, ai e cilësoi këtë triumf si një krenari të madhe për familjen, trajnerin dhe klubin e tij, duke falënderuar gjithashtu institucionet sportive dhe sponsorët që e kanë mbështetur në çdo hap të rrugëtimit.

19 vite radhazi kampion – një rekord që flet vetë dhe që e vendos Indrit Çullhajn në mesin e sportistëve më të suksesshëm dhe më jetëgjatë në historinë e sportit shqiptar. Dhe historia e tij ende nuk ka përfunduar.

https://www.facebook.com/share/r/1AccxPz2rr/

Sport

Norvegjia “tremb” Francën, Haaland një “përbindësh”, shkëlqen me dygolësh

Norvegjia ka hedhur kandidaturën për të qenë një nga surprizat e mundshme të Kupës së Botës pas fitores 3-2 përballë Senegalit në ndeshjen e dytë në grup, duke u bërë gati për “finalen” përballë Francës që do të përcaktojë kreun, pasi të dy skuadrat kanë siguruar kualifikimin në turin tjetër.

Në një ndeshje të dominuar nga norvegjezët që në start, ishte Pedersen ai që u dha avantazhin në fundin e pjesës së parë.

Më pas, e kishte radhën Haland të shënonte dy herë, duke bërë të pavlefshme tentativat e ekipit afrikan për të marrë diçka nga kjo sfidë me dy golat e Sarr që shërbyen vetëm për statistikë.

Kështu, Norvegjia fitoi për herë të parë dy ndeshje në një edicion të Kupës së Botës dhe Haland mbeti në garë për “Këpucën e Artë” të turneut duke mos iu ndarë dyshes Mesi-Mbape. Kurse Senegali, mban ende gjallë shpresa për kualifikim mes të tretave më të mira nëse mund Irakun.

Sport

Francë – Irak, publikohen 11-shet zyrtare: Deschamps bën lëvizje në repartin ofensiv

Është gjithçka gati për ndeshjen mes Francës dhe Irakut, e vlefshme për javën e dytë të Grupit I në Kupën e Botës 2026.

Pas fitores së thellë në takimin e parë, Franca synon të vulosë kalimin në fazën me eliminim direkt, ndërsa Iraku hyn në këtë përballje me objektivin për të marrë pikët e para në kompeticion.

Trajneri Didier Deschamps ka zgjedhur formacionin më të mirë të mundshëm, duke i besuar vijës së sulmit të udhëhequr nga Kylian Mbappé, së bashku me Michael Olise, Ousmane Dembélé dhe Bradley Barcola.

Nga krahu tjetër, irakianët do ta kërkojnë befasinë me Basil në portë dhe me Hussein në sulm, përballë një prej skuadrave që konsiderohet favorite e turneut.

Francezët paraqiten në këtë duel me vetëbesim të lartë pas suksesit në debutim, aty ku u dalluan Michael Olise dhe Kylian Mbappé. Ndërkohë, Iraku do të përpiqet të përballojë presionin e “Les Bleus” dhe të mbetet në garë për kualifikim.

Formacioni i Francës: Maignan, Digne, Upamecano, Koundé, Saliba, Koné, Rabiot, Dembélé, Mbappé, Michael Olise, Barcola.

Formacioni i Irakut: Basil, Ali, Tahseen, Hashim, Doski, Bayesh, Iqbal, Alammari, Ismael, Qasem, Hussein.

Sport

Arijan Topallaj brutal para çekut, momneti kur e mposhti me “submission”

Kampioni shqiptar i MMA-së, Arijan Topallaj, ka shënuar një fitore të rëndësishme në karrierën e tij, sfidë ku i pranishëm ishte edhe ylli i Kosovës Fisnik Asllani.

Topallaj triumfoi ndaj çekut Jan Stanovsky në meçin e zhvilluar në Berlin të Gjermanisë, duke treguar edhe një herë cilësitë e tij në kafaz.

Përballja zgjati deri në raundin e dytë, kur shqiptari e detyroi kundërshtarin të dorëzohej pas një “submission”, duke siguruar kështu fitoren në mënyrë bindëse.

Me këtë sukses, “The Albanian Eagle” e çon bilancin e tij në 10 fitore, 2 humbje dhe 1 barazim në karrierën profesionale.