Lajme

Kasami: Ata që e shitën gjysmën e Tetovës, më akuzojnë mua për shitje të pronës publike

Kryetari i Komunës së Tetovës, Bilall Kasami, në një intervistë për “Ora24” ka folur për çështjen e Monopolit, ku tha se ajo tokë është privatizuar nga Qeveria e BDI-së.

Kasami tha se akuzohet nga BDI, me qëllim që opozita të mbulojë dështimet dhe keqmenaxhimin e tyre.

“Ata që e shitën gjysmën e Tetovës më akuzojnë mua se kam shitur prona publike. Atë që e bëra unë në rastin e Monopolit është procedurë normale që e ka bërë çdo kryetar komune dhe do ta bëjë në të ardhmen. Është procedurë e formësimit të tokës, nëse partneri privat ka një pjesë të konsiderueshme brenda një parcele ndërtimore, nëse në atë parcelë ka edhe tokë shtetërore, në bazë të ligjit je i detyruar që t’ia shesësh atë parcelë. Por, pyetja duhet të bëhet se kush ia shiti fillimisht tokën pronarit që sot ndërton tek Monopoli, që më pas të më detyrojë mua t’ia formësojë atë tokë për të mund të ndërtuar”.

“Ai fillimisht ka bërë privatizimin e asaj toke në vitin 2014 kur BDI ishte në pushtet, pastaj ligjërisht kam qenë i detyruar që ta formësojë atë tokë. Kjo është çështje e pushtetit qendror, pasi privatizimin e bënë Ministria e Financave. Edhe ky është një rast tipik se akuzojnë me gjëra të paqena. Ata ia shitën Shik Jellakun një biznesmeni kontroversi, dhe nëpërmjet akuzave ndaj meje mundohen ta mbulojnë veten e tyre. Procedura sikur Monopoli janë bërë me dhjetëra”, tha Kasami.

Ai u përgjigj edhe për çështjen e kryqin në Kodrën e Diellit, ku tha se është vendosur me marrëveshje LSDM-BDI pa lejen e Komunës së Tetovës.

Lajme

Ulen çmimet e derivateve të naftës në Maqedoni

Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturina Komunale i Republikës së Maqedonisë së Veriut (KRRE) solli vendimin, me të cilin bëhet ulja e çmimeve të shitjes me pakicë të derivateve të naftës mesatarisht 1,89% në raport me vendimin e datës 19.10.2026.

Çmimet e shitjes me pakicë të benzinës EUROSUPER BS-95 dhe EUROSUPER BS-98 ulen për 5,00 den/litër.

Çmimi i shitjes me pakicë i ЕURODIZELIT (D-Е V) nuk ndryshon.

Çmimi i shitjes me pakicë i Vajit Ekstra të Lehtë për Amvisëri (ЕL-1) ulet për 0,50 den/litër.

Çmimi i shitjes me pakicë i Мazutit М-1 SU rritet për 0,694 den/kg dhe tani do të jetë 54,273 den/kg.

Nga data 27.10.2026, nga ora 00:01, çmimet maksimale të derivateve të naftës do të jenë:

EUROSUPER BS – 95 do të shitet për 91,00 (denarë/litër)

EUROSUPER BS – 98 do të shitet për 93,00 (denarë/litër)

EURODIZEL BS (D-E V) do të shitet për 99,00 (denarë/litër)

Vaj për Djegie Ekstra i Lehtë 1 (EL-1) do të shitet për 110,00 (denarë/litër)

Mazut М-1 SU do të shitet për 54,273 (denarë/kilogram).

Lajme

Filipçe, Mickoskit: Shpalli vetë zgjedhjet, ne nuk të bëhemi alibi!

Kryetari i LSDM-së, Venko Filipçe sot e përsëriti qëndrimin e tij për shpalljen e zgjedhjeve të parakohshme parlamentare në vend dhe siç tha nuk do të jenë alibi i kryeministrit Hristijan Mickoski për shpalljen e zgjedhjeve.

“Ne e kemi thënë dhe do ta përsëris qëndrimin tonë, nuk do të jemi alibi për Hristijanin për zgjedhje, ai ka shumicën prej dy të tretash, le t’i shpallë zgjedhjet. Po presim që ai të japë rezultate, të japë një standard më të mirë, një jetë më të mirë, kjo është ajo që premtoi. Kushte më të mira në shkolla, në spitale, për fermerët, për pensionistët, një jetë më të mirë për punëtorët, nuk ka asgjë nga kjo. Pozicione më të mira negociuese, nuk ka asgjë, lufta kundër korrupsionit, krimit, nuk ka asgjë”, thotë Filipçe.

Ai theksoi se korrupsioni po lulëzon, e përmendi edhe rastin me Lotarinë Shtetërore dhe Artan Grubin, si dhe se 3.000 familje të reja me fëmijët e tyre janë shpërngulur, dhe tani janë 3.000 nxënës të klasës së parë më pak.

I pyetur nëse anëtarët e “Platformës 12.05” ishin të ftuar në bisedime, Filipçe u përgjigj se të gjithë janë të blerë nga qeveria dhe punojnë për interesat e saj. Lideri i LSDM-së theksoi se anëtarët e Platformës ishin të ftuar, dhe siç tha ai, ata ende janë të ftuar të vijnë dhe të bisedojnë.

Ai vuri re se në këtë mënyrë, ndërsa siç tha ata njerëz po punonin për një agjendë tradhtare.

“Sa të mjerë duhet të jenë këta njerëz që të punojnë për një agjendë kaq të pabesë? Absolutisht, nuk do t’ia dalin mbanë. Të gjithë janë blerë nga qeveria dhe po punojnë për interesat e saj”, thotë Filipçe.

Lajme

Shpallet në kërkim i dyshuari që ia mori jetën Arlinda Zekajt

Policia e Kosovës ka shpallur në kërkim Albert Sylajn, i dyshuar për vrasjen e Arlinda Zekajt, në fshatin Vitomiricë të Pejës.

Sipas njoftimit të Drejtorisë Rajonale të Policisë në Pejë, shpallja e tij në kërkim është bërë me autorizimin e Prokurorisë Themelore në Pejë, me qëllim të lokalizimit dhe arrestimit të tij.

I dyshuari Albert (Sylejman) Sylaj ka lindur më 12 dhjetor 1984 në Deçan.

Policia ka kërkuar bashkëpunimin e qytetarëve, duke ftuar të gjithë ata që kanë informacione për vendndodhjen e tij që të njoftojnë Policinë e Kosovës ose të paraqiten në stacionin më të afërt policor.