Lajme

Mickoski i çon selam BDI-së: Përmendin shqiponja…!

Kryeministri dhe lideri i VMRO-DPMNE-së, Hristijan Mickoski, në mitingun e mbajtur sot në Negotinë, ka drejtuar akuza të ashpra ndaj BDI-së, duke e cilësuar atë si një parti që përfaqëson krimin, pasurimin personal dhe dështimin politik.

Mickoski reagoi edhe ndaj etiketimit që, sipas tij, drejtuesit e BDI-së po i bëjnë në çdo paraqitje publike, duke e quajtur “albanofob”, njofton TS.

“Në çdo miting i dëgjoj drejtuesit e BDI-së, si më quajnë kështu e ashtu – përmendin shqiponja, lepuj, dhe në fund më quajnë albanofob. Ja ku po ju përgjigjem nga Negotina:
Nuk jam as albanofob, as ksenofob. Nuk kam asnjë problem me përkatësinë etnike të bashkëqytetarëve të mi në këtë atdhe të përbashkët që e quajmë Maqedoni.”, theksoi Mickoski.

Lideri i VMRO-sëe deklaroi se problemi i tij nuk janë shqiptarët, por politikanët e korruptuar që, sipas tij, e kanë përdorur pushtetin për t’u pasuruar në kurriz të popullit.

“Po, unë jam kriminalofob. I përçmoj ata politikanë që hynë në politikë si të varfër dhe dolën milionerë. Ata që blenë pallate, qendra tregtare, zyra luksoze dhe makina si Maybach me paratë e qytetarëve.
BDI është simbol i këtij degradimi. Nga i pari te i fundit, të gjithë do të përgjigjeni për krimin që keni bërë!” – u shpreh Mickoski.

Sipas tij, BDI nuk përfaqëson më shqiptarët, por vetëm një klientelë politike të pasuruar në mënyrë të paligjshme./TS

Lajme

Superlajm për tifozët e Shkëndijës së Tetovës

Tifozët e KF Shkëndijës dhe dashamirësit e futbollit do të kenë mundësinë të ndjekin sërish nga afër paraqitjen e kuqezinjve në skenën evropiane.

Televizioni Publik TVM2 ka siguruar të drejtat e transmetimit direkt për ndeshjen e rëndësishme të raundit të tretë kualifikues të Ligës së Konferencës.

Ekipi nga Tetova do të përballet në udhëtim me skuadrën skoceze Hibernian, në një duel që premton emocione të mëdha dhe rivalitet të lartë për kalimin në fazën tjetër.

Lajme

Shtrenjtohet edhe më shumë nafta në Maqedoninë e Veriut

Komisioni Rregullor për Energjetikë (KRRE) ka marrë vendim të ri për çmimet e derivateve të naftës, të cilat do të pësojnë ulje dhe ngritje, duke filluar nga mesnata.

Sipas vendimit të fundit, çmimi i benzinave do të ulet për 2 denarë për litër. Nga ana tjetër, çmimi i derivateve të tjera shënon rritje: nafta do të shtrenjtohet për 1 denarë, ndërsa vaji ekstra i lehtë për 0,5 denarë për litër.

Çmimet e reja të derivateve të naftës:

EUROSUPER BS-95: 91,0 denarë/litër

EUROSUPER BS-98: 93,0 denarë/litër

EURODIESEL (Nafta): 99,5 denarë/litër

Vaji ekstra i lehtë (EL-1): 98,5 denarë/litër

Çmimet e reja do të hyjnë në fuqi pas mesnate dhe do të vlejnë në të gjitha pikat e karburanteve në vend.

Lajme

Rrahja brutale në Gostivar, policia identifikon katër veta

Ministria e Brendshme përmes një njoftimi informoi se ka identifikuar tre persona të cilët, sipas një videoje në rrjetet sociale, kanë sulmuar dhunshëm dy të rinj në Gostivar.

Policia shpjegon se personat e identifikuar janë dy të mitur nga Gostivari dhe një 20-vjeçar nga Shkupi.

„Dy të mitur nga Gostivari janë thirrur në stacionin policor për bisedë zyrtare, ndërsa dokumentet e tyre të udhëtimit janë konfiskuar me urdhër të prokurorit publik. Personi i tretë është V.D. (20) nga Shkupi, për të cilin është dërguar njoftim zyrtar në Stacionin Policor në Shkup për procedurë të mëtutjeshme“, njoftoi policia.
Ata theksojnë se ndaj të treve do të zbatohet një procedurë e përshpejtuar para gjykatës sapo të kompletohet dokumentacioni i plotë për rastin. Sipas autoriteteve, sulmi ka ndodhur në orët e para të mëngjesit të 2 gushtit në rrugën „Borçe Jovanoski“, ku dy të rinj janë goditur me mjete dhe shkopinj druri.

Në rrjetet sociale u shfaq një video-incizim shqetësues nga Gostivari, në të cilin shfaqet një përleshje e ashpër fizike mes një grupi më të madh të rinjsh.

Sipas informacioneve të publikuara, gjatë rrahjes, njëri nga djemtë është goditur në pjesën e kokës, pas së cilës ka rënë në tokë dhe ka mbetur i palëvizshëm.
Përkundër faktit se po shtrihej në rrugë, në incizim shihet se sulmi ka vazhduar me goditje të shumta ndaj trupit të tij, gjë që ka shkaktuar reagime dhe dënime të ashpra në rrjetet sociale.(INA)