Kuvendi i Republikës së Maqedonisë së Veriut miratoi ndryshimet dhe plotësimet e Statutit të Universitetit “Nënë Tereza” në Shkup, një hap i rëndësishëm për konsolidimin dhe zhvillimin e mëtejmë të këtij institucioni të arsimit të lartë në gjuhën shqipe.

Megjithatë, deputetët e BDI-së nuk e mbështetën këtë vendim. BDI zgjodhi të mos votojë për ndryshimet statutore të universitetit.

Ndryshimet e miratuara zyrtarizojnë Fakultetin Juridik, Fakultetin Ekonomik dhe Fakultetin e Shkencave Humane, mundësojnë lëshimin e diplomave dhe shtojcave të diplomës në gjuhën shqipe, maqedonase dhe angleze, si dhe harmonizojnë funksionimin e universitetit me legjislacionin në fuqi.

Është skandaloze që një parti e cila shet patriotizëm të rremë, nuk gjeti forcën të mbështesë një vendim që forcon pozitën institucionale të Universitetit “Nënë Tereza” dhe krijon kushte më të mira për studentët.

Qytetarët dhe studentët shqiptarë meritojnë të dinë të vërtetën: kur erdhi momenti i votimit për Universitetin “Nënë Tereza”, VLEN dhe shumica parlamentare votuan PËR, ndërsa BDI nuk e mbështeti vendimin.

Dallimi është i qartë: ne punojmë për forcimin e institucioneve shqiptare, ndërsa të tjerët mjaftohen me retorikë.

Drejtori i ESHPI-së, Eljesa Neziri, është nderuar me mirënjohje të veçantë nga ministrja e Energjetikës, Minierave dhe Burimeve Minerale, Sanja Bozhinovska, për kontributin dhe mbështetjen e dhënë në procesin e mbrojtjes së rubinit si gur gjysmë i çmuar kombëtar.

Gjatë ndarjes së mirënjohjes, ministrja Bozhinovska theksoi se ky proces përfaqëson një hap të rëndësishëm në ruajtjen dhe promovimin e trashëgimisë natyrore dhe minerale të vendit.

“Dëshiroj të falënderoj drejtorin Eljesa Neziri për bashkëpunimin e shkëlqyer institucional dhe përkushtimin që tregoi gjatë gjithë procesit. Mbështetja e ESHPI-së ishte kyçe për finalizimin me sukses të kësaj nisme me rëndësi të veçantë kombëtare”, deklaroi Bozhinovska.

Ajo shtoi se mbrojtja zyrtare e rubinit është rezultat i punës së përbashkët dhe koordinimit ndërinstitucional, duke vlerësuar se ky sukses dëshmon rëndësinë e bashkëpunimit në mbrojtjen e vlerave autentike të vendit.

Nga ana e tij, drejtori Neziri e cilësoi mbrojtjen e rubinit si një arritje të rëndësishme për shtetin dhe për ruajtjen e trashëgimisë natyrore.

“Ishte nder dhe përgjegjësi për ESHPI-në të japë kontributin e saj në këtë proces me rëndësi kombëtare. Rubini është një pasuri unike që meriton mbrojtje institucionale dhe promovim të denjë. Falënderoj Ministrinë e Energjetikës, Minierave dhe Burimeve Minerale, si dhe ministren Sanja Bozhinovska për bashkëpunimin e shkëlqyer”, deklaroi Neziri.

Sipas tij, ky sukses dëshmon se përmes angazhimit dhe bashkëpunimit institucional mund të mbrohen dhe promovohen vlerat që e veçojnë vendin.

https://www.facebook.com/share/p/1Gu3DJUyqu/

Kryetari i Komunës së Çairit, Izet Mexhiti, realizoi vizitë në Kampusin e Universitetit “Nënë Tereza”, ku nga afër inspektoi ecurinë e punimeve që po zhvillohen në kuadër të këtij projekti të rëndësishëm për arsimin e lartë.

Gjatë vizitës u konstatua se punimet po zhvillohen sipas dinamikës së paraparë, ndërsa kampusi po merr formë çdo ditë e më shumë.

“Kampiusi i Universitetit ‘Nënë Tereza’ është investim në dije, arsim dhe në të ardhmen e gjeneratave të reja. Është kënaqësi të shohësh se ky projekt po avancon me ritëm të mirë,” u shpreh Mexhiti.