Lajme

Burkina Faso ndërpret marrëdhëniet diplomatike me Francën

Junta ushtarake e Burkina Fasos ka ndërprerë marrëdhëniet diplomatike me Francën, duke e akuzuar Parisin se ka vepruar vazhdimisht kundër interesave kombëtare të vendit.

Marrëdhëniet mes Burkina Fasos dhe ish-fuqisë koloniale u përkeqësuan pas ardhjes në pushtet të kapiten Ibrahim Traoré me një grusht shteti në vitin 2022, i cili ka ndjekur politika kryesisht anti-perëndimore.

Në një deklaratë televizive të premten, ministri i komunikimit Pingdwendé Gilbert Ouédraogo tha se Franca është fajtore për “aktivizëm të pandërprerë” kundër vendit dhe e akuzoi për “ambicie neokoloniale”.

Ministria e Jashtme franceze e cilësoi vendimin si “armiqësor dhe të pabazë” dhe deklaroi se ai “tregon prirjen shqetësuese të qeverisë së Burkina Fasos”.

Franca gjithashtu u bëri thirrje qytetarëve të saj në vend që të tregojnë “vigjilencë të shtuar”.

Burkina Faso, ashtu si fqinja Mali, ka më shumë se një dekadë që përballet me një kryengritje islamiste, shpesh në bashkëpunim me forcat franceze të dislokuara në rajon.

Menjëherë pas marrjes së pushtetit, kapiten Traoré dëboi trupat franceze. Qeveria e tij ka akuzuar Francën për “agjendë të fshehtë” dhe është orientuar drejt Kinës dhe Rusisë.

Deklarata e fundit e Burkina Fasos thekson se kushtet për respekt të ndërsjellë mes dy vendeve nuk ekzistojnë më. Ajo akuzon Francën për mbështetje të “rrjeteve subversive” dhe për përpjekje për të “margjinalizuar” vendin në arenën ndërkombëtare.

Po ashtu, në deklaratë thuhet se ndërprerja e marrëdhënieve “lidhet ekskluzivisht me kornizën institucionale të marrëdhënieve” dhe “nuk vë në pikëpyetje lidhjet historike, njerëzore, kulturore dhe sociale që bashkojnë popujt e Burkina Fasos dhe Francës”.

Junta ishte zotuar të rikthente demokracinë në vitin 2024, por e tërhoqi këtë premtim dhe në janar të këtij viti shpërndau zyrtarisht partitë politike.

Në janar 2025, Burkina Faso, së bashku me dy shtete fqinje të drejtuara nga ushtria – Mali dhe Nigeri – u larguan zyrtarisht nga blloku rajonal i Afrikës Perëndimore, ECOWAS, për të formuar një grup të ri, Aleancën e Shteteve të Sahelit.

Franca nuk ka më ambasador në Burkina Faso që nga janari 2023.

Në vitin 2024, vendi dëboi tre diplomatë francezë, duke i akuzuar për “veprimtari subversive”. Franca i ka mohuar këto pretendime.

Lajme

Në Maqedoni do të prodhohen pjesë për “Audi”! Mickoski: 2.000 vende të reja pune

Kryeministri i Maqedonisë së Veriut, Hristijan Mickoski, njoftoi sot një investim të ri të kompanisë gjermane “Kromberg & Schubert”, i cili, sipas tij, do të sjellë 2 mijë vende të reja pune.

Kompania pritet të prodhojë pjesë për industrinë automobilistike, përfshirë edhe për gjigantin gjerman “Audi”.

“Do të njoftojmë edhe një lajm të madh dhe të rëndësishëm për ekonominë maqedonase – një investim të ri të kompanisë gjermane ‘Kromberg & Schubert’, 2 mijë vende të reja pune dhe prodhim të pjesëve për gjigantin gjerman të automobilave ‘Audi’”, deklaroi Mickoski.

Sipas kryeministrit, investimi është pjesë e politikave të Qeverisë për tërheqjen e investimeve dhe hapjen e vendeve të reja të punës.

Lajme

Ndryshimet në postet e zv/ministrave dhe drejtorëve, Kasami: Javën tjetër takohemi me Mickoskin

Bashkëkryetari i VLEN-it, Bilall Kasami në një deklaratë për mediat, ka thënë se javën tjetër pritet të takohet me kryetarin e VMRO-së dhe kryeministër Hristijan Mickoski, ku do të diskutohet për ndryshimet në postet e zëvendës ministrave dhe drejtorëve.
“Edhe për zëvendës ministra, plotësimin dhe zëvendësimin e zëvendësministrave por njëherit edhe për eshalonët tjera, më konkretisht për drejtorët dhe zëvendës drejtorët aty ku duhet plotësuar dhe aty ku duhet të bëhet zëvendësimi i tyre”, tha Kasami.

Lajme

Rama: Nuk jap dorëheqje, Qeveritë ndryshohen me zgjedhje, jo me dhunë

Kryeministri i Shqipërisë, Edi Rama, ka përjashtuar mundësinë e dorëheqjes pas protestave të shoqëruara me përplasje dhe dëmtime në Tiranë, duke theksuar se qeveritë ndryshohen përmes zgjedhjeve demokratike dhe jo përmes dhunës.

Në një përgjigje për agjencinë ndërkombëtare të lajmeve Reuters, Rama është shprehur i gatshëm për dialog me studentët dhe për adresimin e kërkesave të tyre legjitime, ndërsa ka bërë dallimin mes protestave paqësore dhe akteve të dhunës.

“Ne respektojmë studentët e Shqipërisë dhe të drejtën e tyre themelore për të protestuar, për të sfiduar qeverinë e tyre dhe për të kërkuar arsim më të mirë, më shumë mundësi dhe llogaridhënie. Zëri i tyre është dëgjuar edhe në të kaluarën dhe do të dëgjohet gjithmonë. Jemi të gatshëm të angazhohemi dhe këtë e kemi thënë shumë qartë.

Korrupsioni duhet të luftohet dhe, siç e rikonfirmoi së fundmi edhe vetë Bashkimi Europian, Shqipëria po e lufton atë si kurrë më parë. Për herë të parë në historinë e saj, dhe falë Reformës së thellë në Drejtësi që unë drejtova dhe çova përpara, Shqipëria po sheh njerëz të fuqishëm të japin llogari përpara një gjyqësori të pavarur.
Kryeministri i Shqipërisë, Edi Rama, ka përjashtuar mundësinë e dorëheqjes pas protestave të shoqëruara me përplasje dhe dëmtime në Tiranë, duke theksuar se qeveritë ndryshohen përmes zgjedhjeve demokratike dhe jo përmes dhunës.

Korrupsioni duhet të luftohet dhe, siç e rikonfirmoi së fundmi edhe vetë Bashkimi Europian, Shqipëria po e lufton atë si kurrë më parë. Për herë të parë në historinë e saj, dhe falë Reformës së thellë në Drejtësi që unë drejtova dhe çova përpara, Shqipëria po sheh njerëz të fuqishëm të japin llogari përpara një gjyqësori të pavarur.
Ndoshta dikush, apo disa forca brenda dhe jashtë vendit, nuk duan që Shqipëria të shkëlqejë si një nga vendet pararojë drejt Bashkimit Europian, por unë nuk do të lejoj që dhuna të devijojë të ardhmen europiane të Shqipërisë. Po ashtu, nuk do të lejoj që zërat legjitimë të studentëve tanë të mbyten nga ata që zgjedhin shkatërrimin.

Sa u përket thirrjeve për dorëheqjen time, qeveritë ndryshohen përmes zgjedhjeve demokratike, dhe ne i zhvilluam ato vitin e kaluar, jo përmes dhunës. Përgjegjësia ime është të dëgjoj, të trajtoj shqetësimet legjitime dhe ta çoj Shqipërinë përpara. E kundërta do të ishte një tradhti ndaj të gjithë shqiptarëve që më dhanë një mandat shumë të fortë për të përmbyllur negociatat e anëtarësimit në BE”, ka thënë Rama.