Lajme

Komuna e Tetovës publikon gjithë korrespodencën me Gjykatën Kushtetuese

Komuna e Tetovës ka publikuar sot gjithë korrespodencën me Gjykatën Kushtetuese për procedurën e ndryshimit të emrave të rrugëve, deri sa thotë se e gjithë procedura është zhvilluar në kohë dhe pa vonesë. Kreu i komisionit Albi Qamili, thotë se në arkivin shtetëror dhe në arkivin e komunës nuk ekziston dokumenti me të cilin komuna njofton Qeverinë me vendimin për ndryshimin e emrave të rrugëve. Ai shton se këshilli komunal në vitin 2007 ka bërë lëshime procedurale. Korrespondenca me Gjykatën publikohet me kërkesë të BDI-së të cilët thonë se kanë ndjekur deri në fund procedurën për ndryshimin e emrave të rrugëve kur kishin pushtetin lokal në Tetovë.

“Ne iu përgjigjëm Gjykatës se brenda afatit ligjor parashikuar me Nenin 73 nga Qeveria nuk është dërguar asnjë mendim, pëlqim apo qëndrim, pra ia sugjeruam edhe këtë çështje Gjykatës, se nëse Qeveria nuk sjell përgjigje, këshilli i komunës duhet të sjell pëlqim se ky vendim hyn në fuqi. Problemi është se në vitin 2007, këshilli i asaj kohe kur ka marr vendim pas dërgimit të listës në qeveri siç thonë ata sepse fakt nuk ka se kanë dërgu, por nëse e kanë këtë kërksë le të na tregojnë, por edhe nëse e kanë bë këtë ata nuk janë thirrur në Nenin 73 por janë bazuar në nenin 4 të përcaktimit të emrave të rrugëve ku parashihet mendim pozitiv nga Qeveria e vendit”, U shpreh Albi Qamili, Kryetar i komisionit për emërtim të rrugëve.

Por edhe përkundër kësaj përplasje të krijuar për emrat e rrugëve, Qamili thotë se komisioni po harton listën përfundimtare të emrave, ndërsa në këtë listë do të jenë edhe emrat e vitit 2007

“Po edhe këta emra që kanë qenë në vendimin e 2007 ajo listë do ti përmbaj, por ne jemi të kujdesshëm që kjo të mos hasë në lëshime procedurale, por në momentin që do kemi propozimin përfundimtar të listës, do të thirrim mbledhjen dhe do e miratojmë atë listë dhe do e dërgojmë në Qeverinë e Maqedonisë së veriut”, u shpreh Albi Qamili, Kryetar i komisionit për emërtim të rrugëve

Sipas Qamilit, për listën e re me emrat e ri të rrugëve, shesheve, urave etj., ka marrëveshje paraprake me partnerin e koalicionit VMRO-në, dhe ajo pritet të kryhet brenda dy muajsh. /alsat.mk

Lajme

Haxhiu në shtëpinë ku qëndroi refugjate: Faleminderit shqiptarë të Maqedonisë që në ditë të vështira na i hapët shtëpitë dhe zemrat e juaja

Kryetarja e Kuvendit të Kosovës, Albulena Haxhiu, në kuadër të vizitës së saj në Maqedoninë e Veriut, ka qëndruar edhe te familja Sinani, ku siç bënë të ditur, ka qenë refugjate gjatë luftës së Kosovës, përcjell TV21.

Haxhiu, këtë veprim, siç njofton ajo, e ka bërë për “t’u çmallur, për të kujtuar dhe për të falënderuar familjen Sinani dhe shqiptarët e tjerë të Maqedonisë së Veriut, të cilët, në ditët më të vështira të luftës, na i hapën dyert e shtëpive dhe zemrat e tyre”.

“Pas 27 vitesh, u ktheva aty ku kisha ardhur si fëmijë refugjat lufte.
U ktheva për t’u çmallur, për të kujtuar dhe për të falënderuar familjen Sinani dhe shqiptarët e tjerë të Maqedonisë së Veriut, të cilët, në ditët më të vështira të luftës, na i hapën dyert e shtëpive dhe zemrat e tyre.
Mirënjohje e përjetshme për solidaritetin, bujarinë dhe humanizmin e tyre”, shkruan Haxhiu.

Gjatë ditës, Haxhiu ka realizuar takime bilaterale dhe është takuar edhe me kryetarët e komunave me shumicë shqiptare në Maqedoninë e Veriut./TV21

Lajme

Bora e parë e këtij viti në Maqedoni, ja ku po bie

Reshjet e borës kanë nisur sonte në rajonet më të larta të Maqedonisë perëndimore, ndërsa sipas informacioneve nga terreni, reshjet më të dendura janë regjistruar në Kodrën e Diellit.

Një video e regjistruar rreth orës 18:00 në qafën malore të Strazhës, në aksin rrugor Gostivar–Kërçovë, tregon kushtet dimërore në këtë segment rrugor dhe nevojën për kujdes të shtuar nga drejtuesit e automjeteve.

Sipas dëshmive të shoferëve që kanë kaluar në këtë rrugë, bora deri më tani nuk po qëndron në asfalt, ndërsa trafiku po zhvillohet pa probleme të theksuara.

Megjithatë, drejtuesit e automjeteve këshillohen të përshtatin shpejtësinë me kushtet atmosferike, të ruajnë distancën e sigurisë dhe të tregojnë kujdes të shtuar gjatë qarkullimit në zonat malore.

Lajme

Adnan Azizi: Dhjetëra ministra të BDI-së nuk e hapën kurrë çështjen e jurisprudencës, ne sjellim zgjidhje

Deputeti i VLEN-it, Adnan Azizi, në një intervistë për Pollogu.news, ka folur për zgjidhjen ligjore që mundëson dhënien e provimit të jurisprudencës në gjuhën shqipe, duke theksuar se për dekada me radhë kjo çështje nuk është zgjidhur nga qeveritë e kaluara.

Azizi tha se, ndonëse problemi i provimit të jurisprudencës ekziston prej shumë vitesh, vetëm tani po ndërmerren hapa konkretë për të garantuar përdorimin e gjuhës shqipe në këtë proces.

“Dhjetëra ministra të BDI-së nuk e kanë hapur kurrë këtë çështje për ta zgjidhur problemin e jurisprudencës. Nuk është 84 për qind zgjidhja e jurisprudencës siç pretendon BDI-ja. Për mua, kjo është zgjidhja më e mirë”, deklaroi Azizi.

Duke komentuar protestat studentore kundër zgjidhjes së propozuar, deputeti i VLEN-it vlerësoi se ato kanë motive politike, duke nënvizuar se zgjidhja e ofruar synon të kapërcejë pengesat shumëvjeçare për përdorimin e gjuhës shqipe në provimet profesionale.

Sipas Azizit, nuk ekziston një alternativë tjetër që do të mundësonte funksionalizimin e provimit të jurisprudencës në gjuhën shqipe.

“Po i heqim barrierat për provimet profesionale dhe po ndërtojmë një ligj me themel. Pas këtij ligji, të gjitha provimet profesionale do të jepen në gjuhën shqipe”, thekson Azizi.