Presidenti i Autoritetit Palestinez, Mahmoud Abbas, ka shpallur 28 nëntorin si datën e mbajtjes së zgjedhjeve parlamentare në territoret palestineze, duke i hapur rrugën procesit të parë zgjedhor në rreth dy dekada.

Sipas dekretit presidencial, qytetarët në Jerusalemin Lindor, Bregun Perëndimor dhe Rripin e Gazës do të thirren të votojnë për zgjedhjen e anëtarëve të Këshillit Legjislativ Palestinez.

“Dekreti presidencial u bën thirrje popullit palestinez në Jerusalem, Bregun Perëndimor dhe Rripin e Gazës që të marrë pjesë në zgjedhje të lira dhe të drejtpërdrejta parlamentare”, thuhet në dekretin e publikuar nga agjencia zyrtare palestineze Wafa.

Zgjedhjet e fundit parlamentare u zhvilluan në vitin 2005, ndërsa në vitin 2007 Hamasi mori kontrollin e Rripit të Gazës pas përplasjes me lëvizjen Fatah të Mahmoud Abbasit.

Që prej asaj kohe, Fatah ka administruar Bregun Perëndimor, ndërsa Hamasi ka qeverisur Gazën.

Ministri i Mjedisit Jetësor dhe Planifikimit Hapësinor, Muamet Hoxha, sot ishte për vizitë pune në Komunën e Bogovinës, ku së bashku me kryetarin Feti Abazi dhe zëvendësministren e Transportit dhe Lidhjeve, Kaltrina Zekolli Shaqiri, inspektuan projektet infrastrukturore që po realizohen me mbështetje financiare nga Ministria.

Me mjete në vlerë prej rreth 60 milionë denarëve, MMJPH-ja mbështet tri projekte të rëndësishme në këtë komunë: ndërtimin e kanalit për ujërat atmosferikë në vendbanimin Pirok, rregullimin e shtratit të lumit Kusha në Pallçisht të Poshtëm dhe rregullimin e shtratit të lumit në Kamjan, që do të fillon së shpejti.

Me këto projekte sigurohet mbrojtje më e mirë nga ujërat atmosferikë dhe ato të rrëmbyeshëm, zvogëlohen rreziqet nga përmbytjet dhe krijohen kushte më të sigurta jetese për popullatën lokale.

Ministria e Mjedisit Jetësor dhe Planifikimit Hapësinor vazhdon të investojë në projekte infrastrukturore në mbarë vendin, sepse pikërisht investimet e këtilla kapitale vendosin themelet e kthesës së gjelbër dhe kontribuojnë në zhvillimin e qëndrueshëm, në qëndrueshmëri më të madhe ndaj sfidave klimatike dhe në një mjedis më cilësor jetësor për të gjithë qytetarët.

Një burrë dyzet e katër vjeçar nga Ohri vdiq mbrëmë pasi gëlltiti një pako me narkotikë gjatë një kontrolli policor të automjetit në të cilin ishte pasagjer, njofton Sektori i Punëve të Brendshme në Ohër. Shoferi i makinës, i cili paraprakisht u përpoq t’i shpëtonte policisë, është privuar nga liria. Me urdhër të prokurorit publik, sot do të kryhet autopsia mbi trupin e të ndjerit në Spitalin e Përgjithshëm në Manastir, ndërsa, ndërkohë, me udhëzime të prokurorit, policia po merr masa për sqarimin e rastit.
Sipas detajeve të rastit të njoftuara nga SPB Ohër, mbrëmjen e djeshme, një ekip policor u përpoq të ndalonte një automjet Range Rover me targa kombëtare çeke. Megjithatë, pavarësisht sinjalit të dhënë nga patrulla policore, shoferi vazhdoi të voziste dhe iku, ndërsa pas aktiviteteve shtesë u ndalua dhe në orën 22:30 në bulevardin Turistiçka në Ohër u ndalua. Siç informon SPB Ohër, bëhet fjalë për një banor tridhjetë e dy vjeçar të qytetit me inicialet I. M.

Gjatë ndërhyrjes, zyrtarët e policisë vunë re një person tjetër në automjet, S. P. (44), i cili menjëherë gëlltiti një pako me narkotikë, pas së cilës gjendja e tij shëndetësore u përkeqësua.

“Zyrtarët e policisë thirrën Shërbimin e Urgjencës Mjekësore, me automjetin e të cilit S. P. u transportua në Spitalin e Përgjithshëm në Ohër. Atje, pavarësisht masave të marra mjekësore, ai vdiq. Me urdhër të prokurorit publik, sot do të kryhet autopsia në Spitalin e Përgjithshëm në Manastir. Me udhëzimet e prokurorit publik, po merren masa për sqarimin e plotë të incidentit”, thuhet në deklaratë.