Lajme

31 vjet nga Srebrenica – Kur heshtja bëhet bashkëfajtore

Ka data që nuk janë vetëm pjesë e kalendarit. Janë plagë të hapura të njerëzimit. Njëra prej tyre është 11 korriku – dita kur Evropa kujton Srebrenicën, vendin ku në zemër të kontinentit, para syve të botës, u krye gjenocidi më i rëndë në Evropë pas Luftës së Dytë Botërore.

Mbi tetë mijë burra dhe djem boshnjakë u vranë vetëm për shkak të identitetit të tyre. Brenda pak ditësh u shkatërruan familje të tëra, u zbrazën fshatra dhe u shuan breza të tërë. Ajo që e bën edhe më të rëndë këtë tragjedi nuk është vetëm numri i viktimave, por fakti se krimi ndodhi në një zonë që ishte shpallur \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\”e sigurt\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\” nga Kombet e Bashkuara.

Srebrenica nuk është thjesht histori. Ajo është një kujtesë e përhershme se çfarë ndodh kur urrejtja ushqehet, kur propaganda zëvendëson të vërtetën dhe kur komuniteti ndërkombëtar dështon të veprojë në kohë. Është dëshmi se paqja nuk mbrohet vetëm me deklarata, por me vendime, përgjegjësi dhe veprim.

Edhe pas tri dekadash, mijëra familje vazhdojnë të kërkojnë eshtrat e më të dashurve të tyre. Çdo identifikim i ri, çdo arkivol i gjelbër që përcillet drejt varrit, rikujton se pas çdo statistike fshihet një jetë, një emër, një familje dhe një histori e ndërprerë dhunshëm.

Mohimi i gjenocidit, relativizimi i krimeve dhe glorifikimi i autorëve përbëjnë një plagë të dytë për të mbijetuarit. Nuk mund të ndërtohet pajtim mbi mohimin e së vërtetës. Drejtësia dhe pranimi i fakteve janë themeli i vetëm mbi të cilin mund të ndërtohet një e ardhme pa konflikte.

Për Ballkanin, Srebrenica mbetet një provë e pjekurisë sonë kolektive. Nuk mjafton ta kujtojmë vetëm në përvjetor. Duhet të mësojmë prej saj. Shoqëritë që harrojnë krimet e së kaluarës rrezikojnë t\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\’i përsërisin ato. Brezat e rinj duhet të edukohen me të vërtetën, me respektin për jetën njerëzore dhe me refuzimin e çdo forme të urrejtjes etnike, fetare apo kombëtare.

Sot, 31 vjet më vonë, emri i Srebrenicës nuk është vetëm simbol i dhimbjes. Ai është edhe një thirrje për përgjegjësi. Për të mos heshtur përballë padrejtësisë. Për të mos lejuar që gjuha e urrejtjes të normalizohet. Për të mbrojtur dinjitetin njerëzor, pavarësisht kombësisë apo besimit.

Sepse kujtesa nuk është hakmarrje. Kujtesa është mbrojtja më e fortë që historia të mos përsëritet.

Lavdi dhe nderim të gjitha viktimave të gjenocidit të Srebrenicës. Qoftë i përjetshëm kujtimi për ta.

Lajme

Haxhiu në shtëpinë ku qëndroi refugjate: Faleminderit shqiptarë të Maqedonisë që në ditë të vështira na i hapët shtëpitë dhe zemrat e juaja

Kryetarja e Kuvendit të Kosovës, Albulena Haxhiu, në kuadër të vizitës së saj në Maqedoninë e Veriut, ka qëndruar edhe te familja Sinani, ku siç bënë të ditur, ka qenë refugjate gjatë luftës së Kosovës, përcjell TV21.

Haxhiu, këtë veprim, siç njofton ajo, e ka bërë për “t’u çmallur, për të kujtuar dhe për të falënderuar familjen Sinani dhe shqiptarët e tjerë të Maqedonisë së Veriut, të cilët, në ditët më të vështira të luftës, na i hapën dyert e shtëpive dhe zemrat e tyre”.

“Pas 27 vitesh, u ktheva aty ku kisha ardhur si fëmijë refugjat lufte.
U ktheva për t’u çmallur, për të kujtuar dhe për të falënderuar familjen Sinani dhe shqiptarët e tjerë të Maqedonisë së Veriut, të cilët, në ditët më të vështira të luftës, na i hapën dyert e shtëpive dhe zemrat e tyre.
Mirënjohje e përjetshme për solidaritetin, bujarinë dhe humanizmin e tyre”, shkruan Haxhiu.

Gjatë ditës, Haxhiu ka realizuar takime bilaterale dhe është takuar edhe me kryetarët e komunave me shumicë shqiptare në Maqedoninë e Veriut./TV21

Lajme

Bora e parë e këtij viti në Maqedoni, ja ku po bie

Reshjet e borës kanë nisur sonte në rajonet më të larta të Maqedonisë perëndimore, ndërsa sipas informacioneve nga terreni, reshjet më të dendura janë regjistruar në Kodrën e Diellit.

Një video e regjistruar rreth orës 18:00 në qafën malore të Strazhës, në aksin rrugor Gostivar–Kërçovë, tregon kushtet dimërore në këtë segment rrugor dhe nevojën për kujdes të shtuar nga drejtuesit e automjeteve.

Sipas dëshmive të shoferëve që kanë kaluar në këtë rrugë, bora deri më tani nuk po qëndron në asfalt, ndërsa trafiku po zhvillohet pa probleme të theksuara.

Megjithatë, drejtuesit e automjeteve këshillohen të përshtatin shpejtësinë me kushtet atmosferike, të ruajnë distancën e sigurisë dhe të tregojnë kujdes të shtuar gjatë qarkullimit në zonat malore.

Lajme

Adnan Azizi: Dhjetëra ministra të BDI-së nuk e hapën kurrë çështjen e jurisprudencës, ne sjellim zgjidhje

Deputeti i VLEN-it, Adnan Azizi, në një intervistë për Pollogu.news, ka folur për zgjidhjen ligjore që mundëson dhënien e provimit të jurisprudencës në gjuhën shqipe, duke theksuar se për dekada me radhë kjo çështje nuk është zgjidhur nga qeveritë e kaluara.

Azizi tha se, ndonëse problemi i provimit të jurisprudencës ekziston prej shumë vitesh, vetëm tani po ndërmerren hapa konkretë për të garantuar përdorimin e gjuhës shqipe në këtë proces.

“Dhjetëra ministra të BDI-së nuk e kanë hapur kurrë këtë çështje për ta zgjidhur problemin e jurisprudencës. Nuk është 84 për qind zgjidhja e jurisprudencës siç pretendon BDI-ja. Për mua, kjo është zgjidhja më e mirë”, deklaroi Azizi.

Duke komentuar protestat studentore kundër zgjidhjes së propozuar, deputeti i VLEN-it vlerësoi se ato kanë motive politike, duke nënvizuar se zgjidhja e ofruar synon të kapërcejë pengesat shumëvjeçare për përdorimin e gjuhës shqipe në provimet profesionale.

Sipas Azizit, nuk ekziston një alternativë tjetër që do të mundësonte funksionalizimin e provimit të jurisprudencës në gjuhën shqipe.

“Po i heqim barrierat për provimet profesionale dhe po ndërtojmë një ligj me themel. Pas këtij ligji, të gjitha provimet profesionale do të jepen në gjuhën shqipe”, thekson Azizi.