Lajme

VLEN: BDI duhet të tregojë se në xhepat e kujt përfunduan fondet e BE-së për kanalizimin në Kërçovë

Deklarata e ambasadorit të Bashkimit Evropian në vend, Michalis Rokas, se sipas evidencave të Zyrës së BE-së në Shkup projekti i kanalizimit nga Zajazi deri në Kërçovë figuron si i përfunduar në vitin 2024, ndërsa në terren ai nuk është funksional, përbën një nga skandalet më të rënda që lidhen me menaxhimin e fondeve evropiane në Kërçovë.

Përderisa në dokumentet zyrtare të Bashkimit Evropian projekti rezulton i realizuar, qytetarët vazhdojnë të jetojnë pa kanalizimin që u ishte premtuar.

BDI e drejtoi Komunën e Kërçovës për tre mandate radhazi.

Pikërisht gjatë qeverisjes së BDI-së ky projekt duhej të përfundonte në vitin 2024 me fonde të Bashkimit Evropian.

Sot nuk ka projekt funksional, nuk ka përgjegjësi politike dhe nuk ka asnjë shpjegim bindës nga BDI-ja se ku mbetën fondet dhe pse qytetarët u lanë pa këtë investim jetik.

Nëse Bashkimi Evropian e ka evidentuar projektin si të përfunduar, ndërsa ai nuk ekziston në realitet, atëherë BDI ka detyrimin t\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\’u përgjigjet qytetarëve:

Kush i mori përgjegjësitë për realizimin e këtij projekti?

Pse nuk u përfundua projekti brenda afatit të paraparë?

Ku përfunduan fondet e ndara nga Bashkimi Evropian?

Kush përfitoi nga një projekt që në letra figuron i realizuar, ndërsa qytetarët nuk kanë asgjë?

BDI nuk mund të fshihet pas deklaratave boshe.

Heshtja e tyre vetëm sa i shton dyshimet dhe e thellon bindjen se dikush duhet të japë llogari.

VLEN kërkon që Prokuroria Publike dhe të gjitha institucionet kompetente të hapin menjëherë hetim për këtë rast, të verifikojnë çdo denar të shpenzuar dhe të zbulojnë se kush mban përgjegjësi për këtë dështim të rëndë.

Qytetarët e Kërçovës meritojnë përgjigje.

Ata duhet ta dinë se ku përfunduan fondet e Bashkimit Evropian dhe pse një projekt që figuron i përfunduar në dokumente nuk ekziston në realitet.

Çdo tentativë për t\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\’i ikur përgjegjësisë do të jetë një pranim se BDI nuk ka argumente për të shpjeguar këtë skandal.

Koha e pandëshkueshmërisë ka marrë fund.

Për çdo euro të taksapaguesve evropianë dhe për çdo mashtrim ndaj qytetarëve duhet të ketë përgjegjësi.

Lajme

Kush është Valdrin Uka, drejtori i ri ekzekutiv i Shkëndijës

Më shumë se shtatë vite pjesë e klubit, Uka është një nga kuadrot e rritura dhe të përgatitura brenda strukturave të Shkëndijës, ndërsa ndryshimet e fundit pasqyrojnë planin e klubit për të ndërtuar një menaxhment të qëndrueshëm me njerëz nga brenda.

Ndryshimet e fundit në strukturën e KF Shkëndija nuk janë të rastësishme. Përtej emërimeve të reja në pozita drejtuese, ato pasqyrojnë një filozofi të qartë të klubit për të përgatitur kuadro nga brenda dhe për t’u besuar atyre përgjegjësi gjithnjë e më të mëdha.

Në qendër të këtij riorganizimi është Valdrin Uka, i cili është emëruar Drejtor Ekzekutiv i Shkëndijës. Uka është pjesë e klubit prej më shumë se shtatë vitesh dhe gjatë kësaj periudhe ka qenë pranë strukturave drejtuese, duke ndjekur nga afër funksionimin dhe zhvillimin e klubit. Vitet e kaluara në menaxhmentin e Shkëndijës e kanë shërbyer si një proces i gjatë përgatitjeje dhe kalitjeje për përgjegjësinë e re.

Në të njëjtën linjë janë edhe ndryshimet në Departamentin Sportiv. Erhan Selimi, deri tani Drejtor i Shkollës së Futbollit, avancon në pozitën e Drejtorit Sportiv, ndërsa Festim Ademi, pas rolit të Team Menaxherit, emërohet Drejtor Teknik i Departamentit Sportiv.

Të tre emërimet kanë një të përbashkët: bëhet fjalë për njerëz që tashmë njohin nga afër klubin, strukturën dhe mënyrën e funksionimit të tij. Kjo tregon se Shkëndija prej kohësh ka punuar në krijimin dhe përgatitjen e kuadrove të veta për pozita udhëheqëse.

Me vizionin dhe mbështetjen e drejtuesve dhe sponsorit të klubit, ndryshimet janë pjesë e një plani për një organizim më të balancuar dhe më profesional, duke ndjekur modelin e klubeve moderne ku investimi nuk bëhet vetëm te skuadra, por edhe te njerëzit që e drejtojnë dhe e zhvillojnë organizatën.

Në këtë drejtim, Shkëndija po tregon se kuadrot nuk kërkohen vetëm jashtë klubit, por ndërtohen, zhvillohen dhe përgatiten edhe brenda tij.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.