Lajme

Të rinjtë gjithnjë e më shumë po dëmtojnë shëndetin duke përdorur nargjile

Përdorimi i nargileve po bëhet gjithnjë e më i shpeshtë tek të rinjtë, me idenë e gabuar se është më pak i dëmshëm se duhani. Toksikologu, Isa Muça, thekson se në fakt ai është edhe më i rrezikshëm, pasi përmban substanca toksike dhe dëmton kryesisht mushkëritë dhe sistemin nervor, duke sjellë pasoja që shpesh nuk vihen re menjëherë.

“Gjatë përvojës time 10 vjeçare në këtë klinikë, në qoftë se bëjmë një krahasim viteve të fundit kemi raste shumë të shfaqura nga helmimi me nargile. Kjo ndodhë më shumë në orët e mbrëmjes, kemi raste që na vijnë në kujdestari…1:09 Ajo përmban shumë substanca të dëmshme, konkretisht përmban metale të rënda, arsenin, përmban plumb, njëkohësisht përmban nikotinë që të bënë të varur”, deklaroi Isa Muça, toksikolog Besim.

Të rinjtë shpesh nuk janë të informuar për përbërjen e nargjiles dhe janë përfshirë në përdorimin e pakontrolluar. Ka raste kur disa prej tyre përfundojnë në kolaps për shkak të helmimit.

“Po, kemi pas raste shumë të rënda. Pasojat gjatë helmimit me nargile, janë se tek disa pacientë mbarojnë me pasqyrë të rëndë klinike, kemi pas disa që kanë pas marramendje, të vjellura, disa kanë përfunduar edhe në kolaps, kanë humb vetëdijen, ku pastaj duhet të intervenohet në shumë klinika të tjera duhet të konsultojmë neurolog, pulmolog….a pas pacientë që i kemi shtrirë në spital, janë hospitalizu dhe kanë qëndruar disa ditë”, theksoi Isa Muça, toksikolog.

Mjekët apelojnë që të rinjtë të jenë më të kujdesshëm dhe të informohen për rreziqet reale të nargjiles, duke e shmangur përdorimin e saj për të mbrojtur shëndetin./Alsat.mk.

Lajme

Ahmeti: Populli nuk mund t’i dënoj çlirimtarët e vet!

Kryetari i BDI-së, Ali Ahmeti nga protesta për çlirimtarët në Shkup, deklaroi se populli nuk mund t’i dënoj çlirimtarët e vet.
Ahmeti tha se këto aktivitetet do të vazhdojnë në tërë Kosovën por edhe në tërë hapësirat ku jetojnë shqiptarët në Maqedoni.
“Sot në Sheshin Skënderbeu është vetëm fillimi dhe shqiptarët në Maqedoni, krahas shqiptarëtve të Kosovës do të demonstrojnë pakënaqësinë e tyre, revoltën e tyre se në emër të popullit shqiptarë nuk mund të dënohen çlirimtarët”, deklaroi Ahmeti, raporton SHENJA.
Ai tha se kjo çështje nuk është dashur të filloj fare me aktin e, siç e cilësoi ai, të turpshëm të Dik Martit.
“Për të njollosur tërë popullin shqiptar, dhe përderisa kemi ardhur këtu, sigurisht që duhet një aktivitet dhe punë e palodhur e institucioneve të Kosovës edhe të Shqipërisë në aktivitete të forta diplomatike për të sqaruar, shpjeguar tërë situatën para kancelarive të Evropës si financuese të kësaj Gjykata Speciale dhe shpalljen e tyre si të pafajshëm”, tha Ahmeti.

Lajme

Aliti: Kjo gjykatë është marrë me gjithçka përpos se me drejtësi

Rafiz Aliti, gjatë fjalimit të tij para protestuesve tha se gjykata e formuar me motive politike pa asnjë argument dënoi krerët e UÇK-së.
“Krerët e UÇK-së dhe njëkohësisht liderët janë mbajtur peng në Hagë për vite me radhë larg familjeve të tyre. Janë regrutuar dëshmitarë të rrejshëm nga BIA serbe dhe gjykatësi Jack Smith. Pikërisht dëshmitë e tyre të kafeneve luajtën rol në shqiptimin e dënimit”, tha Rafiz Aliti, komandant Mësuesi, raporton SHENJA.
Ai tha se nuk duhet të harruar kurrë se që çmimi që pagoi Kosova për lirinë është mbi 15 mijë të vrarë dhe mbi 1 milionë të zhvendosur nga shtëpitë e tyre.
Mësuesi tha se kriminelet serb nuk u përballën me drejtësinë dhe janë të lirë dhe lëvizin lirshëm nëpër botën.

Lajme

Sot në Shkup marsh protestues në mbështetje të ish-krerëve të UÇK-së

Sot, më 27 shtator, në Sheshin “Skënderbeu” në Shkup do të mbahet një marsh protestues në mbështetje të ish-krerëve të UÇK-së.

Ngjarja është thirrur për në ora 14:00, me qëllim të shprehjes së solidaritetit dhe qëndrimit qytetar përballë vendimeve të Gjykatës Speciale. Organizatorët bëjnë thirrje për një pjesëmarrje të qetë, dinjitoze dhe të bashkuar, për të dëshmuar se sakrifica, kujtesa dhe dinjiteti i luftës së Ushtrisë Çlirimtare të Kosovës nuk harrohen.

Në këtë marsh ftohen të marrin pjesë të gjithë qytetarët, familjet e dëshmorëve, veteranët, të rinjtë, studentët, intelektualët, shoqëria civile dhe gjithë personat që ndjejnë se kjo çështje i bashkon.