Edhe pas shkrirjes së pesë subjekteve politike në një parti VLEN, mbeten të ngrira raportet me dy funksionarët Arben Fetai dhe Fatmir Limani. Ministri për qeverisje të mirë Arben Fetahu, vazhdon me ekskursionet jashtë shtetit, ndërsa Limani vazhdon të mos pyet për asgjë VLEN-in.

Zëvendëskryeministri i parë Bekim Sali tha se rikonstruimi i ekzekutivit pritet nga mesi i qershorit, në më shumë resorë qeveritare.

“Për kuadrot, të cilët do të merren me resorë të caktuar ende nuk e kemi diskutuar, është temë e hapur, përkatësisht a do të jetë kjo ministri në kuadër të VLEN-it është temë diskutimi por nuk ka ndonjë vendim. Nëse e vlerësojmë të gjithë se është resor i duhur dhe a do të mbetet, pavarësisht cila parti politike e merr një resor të caktuar, politikat janë të definuara dhe faktori njeri nuk e luan rolin kyç për ta ndryshuar politikën”, tha Bekim Sali, zëvendëskryeministër i parë.

Njëri nga kryetarët e VLEN-it Bilall Kasami tha seduke i ditur raportet e Limanit me Mickoskin, ka pasur shumë telefonata e shumë porosi, duke i kërkuar sqarime nga vetë strukturat partiake.

“Nga momenti i vete përjashtimit të z.Limani nga Lëvizja BESA dhe rrjedhimisht edhe nga VLEN-i, ai veçse e ka përjashtuar veten edhe nga qeverisa si propozim i VLEN-it. Tash çfarë mund të ndodh në të ardhmen politikisht për atë çështje duhet ta pyesni zotërinë në fjalë apo eventualisht do të ketë ndonjë kombinatorikë me ndonjë parti tjetër politike. Por, siç e përmenda hisen e shqiptarëve në qeveri do vazhdoj ta përfaqësoj VLEN-i sipas marrëveshjes fillestare që e kemi pas me kryeministrin”, u shpreh Bilall Kasami, njëri nga kryetarët e VLEN-it.

Ditë më parë Ministër i politikës sociale dhe demografisë Fatmir Limani tha se aktualisht është ministër i popullit, në pushtetin ndërmjet partnerëve të koalicionit të VLEN dhe VMRO. Por, ai nuk e pohoi e as nuk e mohoi që në rikonstruimin e qeverisë a do të vazhdoj të mbaj post ministror si kuadër i ndonjë partie. Limani është parë së fundmi edhe i afruar nëpër evenimente me BDI-në.

“Krahas dëftesave të shtypura në letër në fund të këtij viti shkollor, nxënësit nga klasa e parë deri në të tretë për herë të parë do të pranojnë edhe dëftesa digjitale, si rezultat i përkushtimit të Ministrisë së Arsimit dhe Shkencës për digjitalizimin e arsimit”. Kështu thonë në një njoftim nga Ministria e Arsimit dhe Shkencës.

“Këtë vit shkollor fillojmë me vendosjen graduale të dëftesave digjitale. Ato do të kenë vlefshmëri të njëjtë me dëftesat në letër, të cilat gradualisht do të zëvendësohen, gjë që do të lehtësojë punën administrative të shkollave, do të ulë shpenzimet për shtypje dhe do të mundësojë qasje online në dokument në çdo kohë. Vazhdojmë me digjitalizimin e sferës së arsimit. Jam e kënaqur me intensitetin e këtij procesi, sepse pothuajse të gjitha procedurat për realizimin e të drejtave dhe shërbimeve janë thjeshtësuar dhe realizohen në mënyrë elektronike. Mbetet edhe regjistrimi në arsimin e lartë, ndërsa me implementimin e dëftesave digjitale hapet mundësia për realizimin edhe të këtij qëllimi”, deklaroi ministrja Vesna Janevska.
Një operator i Telekomunikacionit në vend ka dhuruar nënshkrime elektronike për të gjitha 368 shkollat fillore në vend, me ç’rast do të mundësohet realizim më i thjeshtë, më i shpejtë dhe më efikas i procesit të lëshimit të dëftesave digjitale.

Me vendosjen e dëftesave digjitale, nxënësit dhe familjet e tyre do të kenë qasje më të lehtë dhe më të shpejtë në dokumente, ndërsa shkollat do të përfitojnë proces më efikas administrativ dhe arkivë të përhershme elektronike.

Çdo dëftesë digjitale ruhet në arkivë të përhershme elektronike dhe sipas nevojës dhe kërkesës së nxënësit ose familjes së tij, mund të shtypet nga shkolla. Në vitet në vijim, dëftesat digjitale do të fillojnë të zbatohen gradualisht edhe për nxënësit e klasave më të larta.

Prokuroria Themelore Publike ka zbuluar një vrasës serik i cili dyshohet për veprën penale “Femicid”. Në brifingun me gazetarë, prokurori i lëndës Lubomir Llape, njoftoi se bëhet fjalë për një djalë të ri nga Staro Nagoriçani, i cili nuk është i martuar, nuk ka fëmijë dhe me profesion është bari dhe i njejti dyshohet të ketë vrarë 4 gra dhe ka pasur dy tentime për vrasje. Viktimat e përzgjedhura janë që të gjitha gra, por jo pjesëtare të familjes, por që të gjitha nga Staro Nagoriçani. Motivet për vrasjet, se a e ka prauar ai fajin në bisedën para prokurorit, a ka mbajtur maskë gjatë kryerjes së veprave penale, prokurori tha se nuk mund t’i zbuloj në këtë fazë të procedurës. Por, zbuloi senga ekspertiza psikiatrike që i është bërë të dyshuarit është vërtetuar se ai ka qenë plotësisht i vetëdijshëm për veprat e kryera penale dhe se gjithëçka e ka përllogaritur.
Prokurori Llape tha se për një muaj pritet të paraqitet edhe aktakuza.
Sinkron: Lubomir Llape, prokuror
“Me sa kam njohuri unë, bëhet fjalë për rastin e parë, për të cilin nga provat del se bëhet fjalë për një vrasës serik, i cili ka kryer edhe vepër penale ‘femicid’, gjegjësisht kryerje të veprës penale bazuar në dhunë gjinore. Hetimi do të vazhdoj dhe presim për një kohë reale, të paraqesim edhe aktakuzë”.