Ministria e Punëve të Brendshme distancohet dhe nuk mban përgjegjësi për faktin se dje studentëve shqiptarë të nisur nga Tirana ju devijua rruga dhe nuk përfunduan në Shkup për ku ishin nisur për të protestuar por përfunduan në rrugët e Kumanovës.

Nga MPB-ja për TV Shenja thonë se ata nuk kanë marrë masa penguese ose për të kufizuar lëvizjen e personave që kanë hyrë në Maqedoni.

Ata shtojnë se përgjegjësi për këtë duhet të kërkojmë në institucionet tjera përgjegjëse, pa treguar se ku konkret duhet të drejtohemi.

MINISTRIA E PUNËVE TË BRENDSHME

“Ministria e Punëve të Brendshme respektivisht Policia Kufitare ka lejuar hyrjen në Maqedoninë e Veriut . MPB-ja nuk ka ndërmarrë asnjë masë për rikahëzim ose kufizim të lëvizjes së personave dhe autobusit pas hyrjes së tyre në shtetin tonë. Për informacione shtesë lidhur me lëvizjen dhe organizimin e transportit pas hyrje në shtet, duhet të drejtoheni tek institucionet tjera kompetente”.

Nga MPB-ja kanë dhënë detaje edhe për arrestimin e studentëve pas përleshjes fizike të ndodhur gjatë protestës.

MINISTRIA E PUNËVE TË BRENDSHME

“Para fillimit të protestës pranë Ministrisë së Drejtësisë, zyrtarët policorë nga Sektori për Punë të Brendshme Shkup kanë privuar nga liria, 28 vjeçarin me iniciale B.XH, 27 vjeçarin me iniciale R.A dhe 22 vjeçarin me iniciale S.D, të gjithë nga Shkupi, për shkak se kanë prishur rendin dhe qetësinë publike duke u përleshur mes vete. Ata po mbahen në një stacion policor dhe pasi rasti të dokumentohet plotësisht, kundër tyre do të ngrihet një padi përkatëse”.

Ndryshe, dje në Shkup mijëra student dhe qytetarë nga qytete të ndryshme nga vendi, por edhe nga Tirana dhe Prishtina protestuan duke kërkuar respektimin e ligjit për përdorimin e gjuhëve po edhe për të kërkuar që provimi i jurisprudencës të jetë në gjuhën shqipe.

Komandanti i Forca e Sigurisë së Kosovës, Gjenerallejtënant Bashkim Jashari, priti në takim Zëvendës Shefin e J5/8 të Komanda Evropiane e Shteteve të Bashkuara, Gjeneral Brigade Chris A. McKinney.

Në fokus të takimit ishte bashkëpunimi mes FSK-së dhe USEUCOM-it, si dhe angazhimi i FSK-së në kuadër të Forcës Ndërkombëtare Stabilizuese për Gazën (ISF), ku së shpejti pritet të dislokohet kontingjenti i parë i ushtarëve nga Kosova.

Gjithashtu, u diskutua edhe për zhvillimet dhe të arriturat e FSK-së, planet për të ardhmen dhe aspiratat për anëtarësim në NATO. Në fund, gjenerali McKinney shprehu mbështetjen e vazhdueshme të USEUCOM-it.

Ambasadori i Shqipërisë në Maqedoninë e Veriut, Denion Meidani, ka reaguar ashpër pas pengesave dhe vonesave me të cilat janë përballur studentët shqiptarë nga Tirana gjatë udhëtimit të tyre drejt Shkupit.

Studentët kishin udhëtuar për të shprehur solidaritetin e tyre me studentët shqiptar nga Maqrdonia që po mbronin shqipem.

Përmes një reagimi zyrtar në rrjetet sociale, ambasadori Meidani u shpreh se kur studentët ndalohen dhe intimidohen për të shprehur një solidaritet paqësor, çështja pushon së qeni thjesht procedurale.

“Ajo prek vetë mirëkuptimin demokratik dhe frymën europiane që synojmë të ndërtojmë si rajon,” theksoi Meidani, duke shoqëruar mesazhin me flamujt e Shqipërisë dhe Maqedonisë e Veriut.

Diplomati shqiptar sqaroi se qëllimi i vizitës së të rinjve nga Tirana nuk ishte përplasja, por mbështetja për një kërkesë elementare e legjitime: të drejtën për t’u testuar dhe për të ushtruar profesionin në gjuhën amtare.

Sipas Meidanit, këta të rinj nuk po kërkojnë privilegje, por dinjitet, barazi dhe respektim të të drejtave themelore njerëzore.

Në mbyllje të reagimit të tij, ambasadori dërgoi një porosi të qartë për autoritetet dhe opinionin publik në Maqedoninë e Veriut, duke nënvizuar se kërkesat për dinjitet nuk duhet të shihen si kërcënim.
Vlerat e përbashkëta: Rajoni synon bashkimin me familjen europiane.
E ardhmja: Ndërtimi i së ardhmes duhet të bazohet mbi parimet e demokracisë dhe barazisë. (INA)