Lajme

Agron Demiri: Unë nuk e kam parë LSDM-në si parti maqedonase, ne jemi parti qytetare

Në emisionin “Debat në Shenja”, Agron Demiri, përfaqësues i LSDM-së, foli për përfshirjen e tij në politikë dhe proceset e brendshme në parti.

Demiri tha se LSDM-në e sheh si një parti qytetare dhe jo si një parti të një etnie të caktuar. Ai u shpreh se mundësitë që i janë dhënë brenda LSDM-së nuk beson se do t’i kishte pasur në ndonjë subjekt tjetër politik.

Sipas tij, që nga zgjedhjet lokale, partia ka ndërmarrë reforma të brendshme dhe ka zhvilluar procese për zgjedhjen e forumeve partiake. Ai tha se pret që të rinjve t’u jepen më shumë hapësira reale për përfshirje dhe vendimmarrje.

Demiri theksoi gjithashtu se është pjesë e Bordit Ekzekutiv të LSDM-së, nën udhëheqjen e kryetarit Venko Filipçe, duke shtuar se ndan vlera të përbashkëta me partinë.

Duke folur për përvojën e tij politike, ai tha se ka arritur të fitojë mbështetje edhe në zona me shumicë shqiptare, duke përmendur se në Zhelinë ka marrë mbi 1.000 vota.

“Unë nuk e kam parë LSDM si parti maqedonase, ne jemi parti qytetare. Mundësia që më është dhënë në LSDM, jam i sigurt se nuk do të më ishte dhënë në ndonjë parti tjetër. Nga zgjedhjet lokale e këndej, dukshëm, kemi reforma dhe kemi zgjedhje të forumeve dhe uroj që të rinjve tu jepen hapësira reale. Argumenti i dytë, unë me liderin e ri Venko Filipçe, jam në bordin ekzekutiv. Unë ndaj vlera me këtë parti dhe kam thyer barriera. Mu banorët e fshatit Zhelinë më kanë dhënë mbi 1000 vota. LSDM i theu gjithë ato barriera, nuk kishte tensione ndëretnike. ky është një faktë i pamohueshëm”, tha Demiri.

Lajme

Kasami për protestën: BDI “hedh gurin dhe fsheh dorën”

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në “TV Koha” duke komentuar protestën e së nesërmes në Tetovë thotë se BDI në një farë forme luan rolin e saj në stilin “hedh gurin dhe fsheh dorën”!

Sipas tij, bëhet fjalë për situatë absurd.

“BDI nuk deklarohen se qëndrojnë zyrtarisht pas protestës. Këshilltarët e BDI-së para një kohe kërkuan seancë të jashtëzakonshme të Këshillit komunal dhe kur morën informatë se kjo nuk është çështje e Këshillit komunal dhe në situatë kur Këshilli komunal mund të përsërisë gabimin që është bërë në 2007, me automatizëm Këshilli komunal shkon në zgjedhje në bazë të Ligjit dhe Kushtetutës dhe e heshtën atë çështje. Duke e ditur që faji më shumë është i atyre, sepse nuk kemi ne aspak faj si VLEN as në pushtetit qendror e as në atë lokal, ata po mundohen edhe një herë të ‘hedhin gurin dhe të fshehin dorën’. Konkretisht ata duhet të tregojnë se cili është faji i kësaj qeverise aktuale të komunës dhe kësaj qeverie aktuale në pushtetin qendror”, ka thënë Kasami.

Lajme

Kasami: Vendimi i Gjykatës Kushtetuese nuk do të ndryshojë asgjë

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha ka thënë se vendimi i Gjykatës Kushtetuese për emrat e rrugëve në Tetovë, nuk do të ndryshojë asgjë.

I pyetur se çfarë do të ndodhë me fatin e rrugës “Dervish Cara”, Sheshin “Iliria” dhe cili do të jetë epilogu, Kasami shprehet i prerë:

“Vendimi i Gjykatës Kushtetuese nuk do të ndryshojë asgjë. Komuna do të vazhdojë të përdorë emërtimet e vitit 2007 e këndej, institucionet do të vazhdojnë të përdorin emërtimet si gjithmonë, ndërkohë Komuna e Tetovës do të vazhdojë me procesin e emërtimit të rrugëve. Ky proces do të përfundojë konform Ligjit dhe Kushtetutës dhe nga ai moment edhe këta rrugë dhe shumë rrugë tjera do të kenë emërtime shqiptare”, ka thënë mes tjerash Kasami.

Lajme

Kasami: BDI dhe Gjykata Kushtetuese të sinkronizuar dakorduan vendimin

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha duke komentuar protestën e nesërme tha se qytetarët nuk do t`i përgjigjen pozitivisht protestës së BDI-së, duke pranuar se integristët megjithatë kishin harxhuar kohën e tij, siç tha ai, “për të trajtuar një problem inekzistent”.

Ai tha se le të tregojnë se cila është përgjegjësia e Tetovës, cila është përgjegjësia e kësaj qeverie që ne siç tha, “të dalim e t`u përgjigjemi”.

“E vetmja përgjegjësi këtu është e Gjykatës Kushtetuese dhe e BDI-së që në mënyrë të sinkronizuar dakordojnë një vendim për abrogim të këtij vendimi në momentin kur jemi në fazën finale të emërtimit të rrugëve konform Kushtetutës dhe Ligjit. Dhe një herë duhet të pyes publikisht BDI-në ‘A është edhe një tentim i BDI-së, për të ndalur procesin e emërtimit të rrugëve në Tetovë?”, ka thënë Kasami.