Lajme

Më pak doktoratura, master dhe specialistë në RMV gjatë vitit 2023 krahasuar me 2022

Përqindja më e madhe (21.2) e numrit të përgjithshëm të personave të doktoruar punojnë në arsim.

Në vitin 2023 titullin doktor shkencash e kanë marrë 174 persona, që paraqet një rënie prej 11,7% krahasuar me vitin 2022. Më shumë se gjysma, 91 ose 52,3%, nga numri i përgjithshëm i atyre që kanë doktoruar vitin e kaluar janë gra.
Siç njofton Enti Shtetëror i Statistikave, numri më i madh (22.4%) kanë doktoruar në fushën e biznesit, administratës dhe drejtësisë, 20.7% në shëndetësi dhe mbrojtje sociale, 13.8% në fushën e shkencave sociale, gazetarisë dhe informacionit në art dhe shkencat humane 12.1%, dhe pjesa tjetër e fushave kanë një përqindje më të ulët të përfaqësimit.

Përqindja më e madhe (21.2) e numrit të përgjithshëm të personave të doktoruar punojnë në arsim.
Sipas të dhënave të Entit Shtetëror të Statistikave, titullin Master i Shkencave dhe Specialist në vitin 2023 e kanë marrë gjithsej 1828 persona, që është 2,9 për qind më pak krahasuar me një vit më parë 2022.

Vitin e kaluar, 1624 ose 89% janë bërë master dhe 204 ose 11% janë specialistë. Nga numri i përgjithshëm, 59.8% janë gra.

Numri më i madh i temave të magjistraturës, 624 ose 38,4%, janë nga fusha e biznesit, administratës dhe drejtësisë, 21,6% janë nga fusha e inxhinierisë, prodhimit dhe ndërtimit, pasuar nga shkencat sociale me 11,9 për qind. Pjesa tjetër e rretheve kanë përqindje më të ulët përfaqësimi.

Lajme

19 vjeçari humb jetën në aksident trafiku në Maqedoninë e Veriut

Një aksident i rëndë trafiku ka ndodhur këtë mëngjes në Prilep, njoftoi Ministria e Punëve të Brendshme.

“Këtë mëngjes në orën 06:23 në Njësinë e Punëve të Brendshme të Prilepit, është raportuar se në rrugën “Lece Kotevski” në Prilep, ka ndodhur një aksident trafiku midis një autobusi me targa të Prilepit, të drejtuar nga G.K. (62) nga Prilepi dhe një motoçiklete “Honda” pa targa, të drejtuar nga V.B. (19) nga fshati Konjarë e Madhe, Prilep.

Pas aksidentit, V.B. është transferuar në Spitalin e Qytetit – Prilep, ku një mjek e ka shpallur të vdekur. Hetimet janë kryer nga ekipi hetimor i Njësisë së Punëve të Brendshme të Prilepit”, thuhet në një njoftim të Ministrisë së Punëve të Brendshme.

Lajme

“Maqedonët kanë probleme mes vete”, Hasani: Duan të na e lënë kopilin te dera!

I ftuar në emisionin debativ Click Plus, në Tv21, deputeti i BDI-së. Ilir Hsani aadresoi kritika ndaj palës maqdonase për çështjen e shtetësisë. Ai tha mes tjerash se shumë njerëz kanë shtetësi të dyfishtë, të të gjitha nacionaliteteve në të gjitha pjesët e Maqedonisë që kufizohen me vendet fqinje.

Sipas Hsanit partitë maqedone kanë probleme mes vete dhe siç u shpreh ai, duan të na e lënë kopilin te dera.

Të diskriminohen tanë ky numër i qytetarëve që duan të kontribuojnë për të mirën e këtij vendi është e paparë. Maqedonët mes vete kanë hy në konflikt neve kopilin te dera duan me na e lënë, po nuk shkon ashtu”, shpreh Ilir Hasani.

Lajme

Mickoski: Nuk do të lejojë manipulime me ndjenjat e shqiptarëve!

Kryeministri, Hristijan Mickoski, në seancën e sotme për pyetje deputetësh theksoi se askush në vend nuk është kundër përdorimit të gjuhës shqipe dhe se kjo qeveri nuk do të lejojë, siç u shpreh ai, që BDI të bëjë populizëm të vogël mbi tema etnike. Ai shtoi se të gjithë qytetarët vlerësohen njësoj, jo sipas përkatësisë etnike, duke theksuar se “kjo është një Maqedoni e re e projekteve dhe reformave”.
“Askush nuk është kundër përdorimit të gjuhëve në Maqedoni që i përdorin pjesë të popujve në territore të caktuara apo në gjithë territorin, në këtë rast gjuha shqipe, dhe askush nuk e ka kontestuar ndonjëherë këtë”, theksoi Mickoski, duke iu përgjigjur pyetjes së deputetit të BDI-së, Blerim Bexheti.
Mickoski shtoi se politika etnocentrike sjell vetëm rezultate negative dhe se duhet të fokusohet në politika që ndikojnë realisht në jetën e qytetarëve.
“Për 20 vite nuk keni bërë asgjë, para së gjithash për shqiptarët. Edhe ata janë të vetëdijshëm – duan jetë më të mirë, shëndetësi më cilësore, paga, pensione dhe arsim më të mirë. Nuk u duhen këto tema. Kjo qeveri nuk do të lejojë manipulime me ndjenjat e shqiptarëve. Njerëzit në shekullin XXI kanë arritur deri në Mars, ndërsa ju mendoni se me populizëm të vogël do të fitoni pikë politike – ajo kohë ka përfunduar. Kjo është një Maqedoni ndryshe, ku çdo qytetar kontribuon për të ardhmen, jo mbi baza etnike, por me më shumë projekte, politika dhe reforma”, theksoi kryeministri Mickoski.