Të dashur mërgimtarë,

Mirësevini në vendlindje.

Jam i vetëdijshëm se kësaj rradhe do të ballafaqoheni me shumë befasi të pakëndshmë dhe trishtuese, por ky është realiteti jonë. Për shumë pak kohë – për 2 vjet shumë gjëra kanë ndryshuar për së mbrapshti.

Që në kufi do ta ndjeni arrogancën dhe cinizmin e realitetit të ri, sepse bota serbe po e kthen Maqedoninë te maqedonasit. Mos u ankoni kur ti shifni shumicën e tabelave të reja në rrugë pa gjuhën shqipe, sepse për cdo ankesë, mund të ju keqtrajtojnë dhe nuk ka kush të ju mbrojë.Ato që duhet të ju mbrojnë, janë përulur në mënyrë të turpshme dhe nuk guxojnë as zërin ta nxjerrin para padronëve te tyre.

Kur të hyjni në Tetovë, mos u çuditni kur të shifni se te Monopoli, ku duheshte të jetë një memorial për të kujtuar masakrat më çnjerëzore ndaj stërgjyshërve tonë, sot bëhet biznes. Ato prona përreth që kanë një vlerë mbi 5 milion Euro, komuna i ka shitur për 7000 Euro. Nuk kam bërë gabim te zerot pra ( shtatë mijë Euro ). Nga 1 Euro për metër katëror.

Bulevardi që do të ju dërgojë deri ne shesh, nuk quhet më ILIRIA , por ja kanë kthyer Marshall Tito. Më trishton fakti që cfarë emocionesh mund të ju zgjojë ky ndryshim, sepse do të ju kthej mbrapa kujtimet kur na vrisnin për flamur, për universitet, kur një pjesë e madhe e juaja keni dergjur për dekada të tëra burgjeve, vetëm pse ishi shqiptarë. Kur shteti donte që ne mos të ekzisostojmë, dhe të na zhduk të gjithëve.

Mos kërkoni vendparkim sepse është e vështirë të gjeni. Ato i kanë uzurpuar hajdutët.Dhe, e di që duke kërkuar një vendparkim me siguri do kaloni te rruga “ Jugoslovenska Narodna Armija”… ufff rrënqethem kur e mendoj se juve më të moshuarve cfarë trishtimi do ju ringjall ky emër. Prindër apo familjarë të kthyer në arkivol, masakra si ajo e Tivarit, Monopolit, gjenocidit të Kosovës, apo plane të pafundme shfarosëse për ne.

Kur të mbërini në shtëpi , mos u habitni kur të gjeni letrat e përmbaruesve, apo se mund të ju kenë bllokuar pasuritë, sepse shërbimin e mbeturinave e kanë shitur. Edhe nga cmimet mos u befasoni se janë rritur në nivele drakonike, në ndërkohë që kur të dilni në qytet kundërmon era e mbeturinave dhe papastërtisë.

Planet mos i bëni që të keni ujë pa ndërprerje, mund të ju ndodh që mos të këni aspak. Edhe kanalizimet mund ti keni të bllokuara, sepse kycjet e reja qe behën te ujësjëllësi dhe kanalizimi nuk janë bërë në bazë të ndonjë plani që llogarit kapacitetet e tyre, sepse planifikimin nuk e bëjnë njerëz profesionist, por hajdutët. As gjelbërim mos kërkoni, sepse drunjtë po i presin cdo ditë dhe qyteti po betonizohet.

Nëse nuk e keni patjetër, mos shkoni të kërkoni ndonjë shërbim në administratë, sepse trajtimi atje do të jetë tejet armiqësor. Ju ruajt zoti që mos të sëmureni sepse edhe në spitali po i largohjnë cdo ditë mjekët e mirë.

Shmangni sa të mundeni që të dilni me veturë nëpër qytet, sepse kjo do të jetë tmeruese për ju. Mund të shijoni bukuritë e perfiresë së qytetit, atje ku hajdutët nuk kanë arritur ende ta shkatërrojnë, por sikur të ju bie rruga në Kodër të Diëllit, pamja e parë që do ju del përpara është një kryq I madh, të cilin e ka vendosur bota serbe në koordinim me komunën e Tetovës.
Nëse shifni ndonjë asfalt që e kanë shtruar, vitin e ardhshëm nuk do jetë i njëjti, sepse është vetëm 1-2 cm, dhe ky asfalt është ekzemplari më i qartë i kamuflazhit të hajnisë së tyre. Ambalazh i një brendësie të kalbur e të kriminalizuar. Këtë e kanë bërë me para nga Hungaria, Kina e Rusia vetëm për të gënjyer dhe fshehur nijetin e tyre të vërtetë antishqiptar. Por , ato para do ti paguajm ne të gjithë dhe me një kosto maramendëse.

Të dashur mërgimtarë, ju do të ballafaqoheni edhe me shumë anomali dhe çmenduri tjera këtu , si këto më sipër që po ndodhin viteve të fundit dhe që nuk mund ti rradhisim të gjitha, por në vend të kësaj liste të gjatë unë dua të ju them se edhe ne ndjejmë përgjegjësi për shumë punë që nuk kanë përfunduar dhe shumë gabime që edhe Bashkimi Demokratik për Integrim ka bërë në të kaluarën, por kthim prapa sic ndodh sot dhe kështu keq, nuk ka qenë asnjëherë.

Ju uroj pushim të mbarë

Kosova ka shpallur *persona non grata* ministren serbe të Administratës Publike dhe Vetëqeverisjes Lokale, Snezana Paunović, pas deklaratave të saj të cilësuara nga autoritetet e Prishtinës si nxitëse të urrejtjes dhe në mbështetje të politikave të spastrimit etnik ndaj shqiptarëve.

Vendimi u bë publik nga ministri i Punëve të Brendshme të Kosovës, Xhelal Sveçla, i cili njoftoi se ka firmosur urdhrin që ndalon përfundimisht hyrjen dhe tranzitin e ministres serbe në territorin e Republikës së Kosovës.

Sipas Sveçlës, deklaratat e Paunović përfaqësojnë vazhdimësinë e politikave shtetërore serbe ndaj shqiptarëve dhe rikthejnë retorikën e përdorur gjatë regjimit të ish-presidentit serb Slobodan Millosheviq.

“Snezana Paunović ka rikonfirmuar atë nga e cila Serbia nuk ka hequr dorë asnjëherë, projektin e spastrimit etnik të shqiptarëve. Kjo gjuhë nuk është e re. Ajo është vazhdimësi e një politike shtetërore që për dekada ka prodhuar dhunë, krime dhe përpjekje për zhdukjen e shqiptarëve nga trojet e tyre,” deklaroi Sveçla.

Ai theksoi se retorika e ministres serbe përbën kërcënim për rendin kushtetues dhe sovranitetin e Kosovës dhe duhet të dënohet nga të gjitha shtetet demokratike.

“Si Ministër i Punëve të Brendshme i Republikës së Kosovës, kam nxjerrë vendimin përmes të cilit Snezana Paunović shpallet *persona non grata*, me ndalim të përhershëm të hyrjes dhe tranzitit në Republikën e Kosovës,” u shpreh Sveçla.

Ministri i Brendshëm shtoi se epoka e spastrimit etnik ndaj shqiptarëve ka marrë fund dhe se institucionet e Kosovës do të reagojnë ndaj çdo përpjekjeje për të cenuar sovranitetin dhe integritetin territorial të vendit.

“Republika e Kosovës është një shtet sovran dhe demokratik me institucione të forta që mbrojnë rendin kushtetues. Çdo përpjekje për të ringjallur ideologjitë e spastrimit etnik apo për të kërcënuar Republikën e Kosovës do të përballet me përgjigje të vendosur, ligjore dhe institucionale,” deklaroi ai.

Ndërkohë, Shqipëria ka reaguar përmes një deklarate të ministrit për Evropën dhe Punët e Jashtme, Ferit Hoxha, i cili kritikoi deklaratat e ministres serbe, por pa ndërmarrë masa të ngjashme diplomatike si ato të autoriteteve të Kosovës.

Deri më tani, Tirana zyrtare është mjaftuar me dënimin verbal të deklaratave të Paunović, ndërsa nuk ka njoftuar për ndonjë vendim lidhur me statusin diplomatik të ministres serbe./NOA.al

Kryetari i Shkupit, Orce Gjorgjievski, dhe ministri i Mjedisit Jetësor dhe Planifikimit Hapësinor, Muhamet Hoxha, sot zhvilluan takim pune kushtuar disa temave të rëndësishme që lidhen me mbrojtjen dhe përmirësimin e mjedisit jetësor në kryeqytet.

Kryetari përmes një postimi në Fejsbuk sonte informoi se në takim ishin konfirmuar sfidat dhe mangësitë konkrete për çka në periudhën e ardhshme do të punohej bashkë dhe të koordinuar.

“Ne i kushtuam rëndësi të veçantë përfundimit të impiantit të trajtimit të ujërave të zeza, një nga projektet më të rëndësishme mjedisore për Shkupin, i cili do të mundësojë lum Vardar më të pastër, mbrojtje më të mirë të ujërave nëntokësore dhe mjedis më të shëndoshë për brezat e tanishëm dhe të ardhshëm” theksoi kryetari i komunës.

Në takim u bisedua edhe për projekte të reja të përbashkëta që përfshijnë rregullimin dhe pastrimin e shtretërve të lumenjve, kanaleve dhe pikave kritike përgjatë qytetit, me qëllim të mbrojtjes më të mirë nga vërshimet, siguri më e madhe dhe Shkup më i pastër, më i rregulluar dhe më i shëndoshë.

Gjorgjievski theksoi se me rëndësi të jashtëzakonshme është mbështetja që merret nga kryeministri Hristijan Mickoski dhe nga Qeveria.

“Jam i bindur se përmes punës së përbashkët, të përgjegjshme dhe të koordinuar do të arrijmë rezultate konkrete dhe të dukshme në interes të të gjithë banorëve të Shkupit. Një mjedis i shëndoshë është detyrimi ynë ndaj çdo njeriu dhe ndaj brezave që vijnë”, përfundoi kryetari i komunës.