Lajme

Gostivari ende pa ujë të pijshëm! Institucionet përgatisin kthimin e furnizimit

Ekipet profesionale të NPK të Gostivarit dhe të NP “Ujësjellësi dhe Kanalizimi” – Shkup po hartojnë një plan për rikthimin në funksion të ujësjellësit të Gostivarit. Plani parashikon kontrolle të vazhdueshme të cilësisë së ujit në disa pika publike, ndërsa Ministri i Shëndetësisë, Sasho Klekovski thekson se furnizimi me ujë do të rikthehet vetëm pasi të konfirmohet se ai është plotësisht i sigurt për përdorim. Ndërkohë, Ministria e Shëndetësisë ka kërkuar nga Qendra për Shëndet Publik të dorëzoje të gjitha mostrat e ujit të marra gjatë vitit, së bashku me datat dhe lokacionet përkatëse.

“Ndërmarrja Publike Komunale si dhënëse e shërbimit është e obliguar me ligi për
cilësinë e ujit. Pyetja është se nëse NPK e ka kryer atë punë sepse Qendra për Shëndet Publik-Tetovë, njësia në Gostivar e ka marrë raportin për kryerjen e kontrolleve, mirëpo ajo është me një numër të kufizuar mostrash në nivel vjetor. Në kuadër të atyre mostrave në nivel vjetor QShP i ka marrë mostrat dhe ne tani po analizojmë vendet ku janë marrë ato, sepse kjo do të na duhet për te planifikuar hapat e mëtejmë”, tha Klekovski.

Kryeministri Hristijan Mickoski, lidhur me gjendjen e krizës së shpallur në Gostivar dhe mekanizmat e mbështetjes institucionale që do të ndërmarrë Qeveria, tha se prioritet është sigurimi i ujit teknik për banorët, e më pas edhe furnizimi me ujë të pijshëm për amvisëritë në Gostivar.

“Është e rëndësishme që tani, pasi situata po merret gradualisht, por me siguri, në dorë pas periudhës së neglizhencës që kishte komuna, institucionet shtetërore fillimisht të sigurojnë ujë teknik, e më pas edhe ujë të pijshëm. Për pjesën tjetër po vepron Prokuroria. Të gjithë ata që mbajnë përgjegjësi për këtë rast do të merren në pyetje dhe, natyrisht, do të ndërmerren masa ndaj tyre. Deri më tani janë identifikuar tre persona si përgjegjës. Sipas informacioneve që kam, tashmë janë caktuar masa sigurie. Institucionet, si rrallëherë më parë, kanë reaguar në kohën më të shpejtë të mundshme”, tha Mickoski.

Autoritetet apelojnë deri te qytetarët qü të të vazhdojnë të ndjekin rekomandimet e institucioneve kompetente.

Lajme

E dhimbshme, tifoz i Fenerbahçes ndërron jetë gjatë ndeshjes

Një tifoz i Fenerbahçes, Yaşar Gerçek, ka ndërruar jetë gjatë ndeshjes pas një sulmi në zemër.

Klubi e ka konfirmuar lajmin me dhimbje, duke shprehur ngushëllime për familjen, të afërmit dhe gjithë komunitetin e Fenerbahçes.

Në të njëjtën ndeshje, Fenerbahçe u mposht në shtëpi nga Beşiktaşi me rezultat 2-1.

Lajme

Skandal në Tetovë! I akuzuari pengoi mjekët teksa po shpëtonin të lënduarin

Tetovë – Incident gjatë një ndërhyrjeje të Ndihmës së Shpejtë në Tetovë. Një 40-vjeçar nga qyteti është shoqëruar në polici pasi dyshohet se ka penguar ekipin mjekësor teksa po i jepte ndihmë një këmbësori të lënduar në një aksident trafiku.

Ngjarja ka ndodhur më 5 shtator, rreth orës 19:10, në rrugën “Ilinden” në Tetovë.

Sipas denoncimit të bërë në SPB Tetovë nga një punonjës i Shërbimit të Ndihmës së Shpejtë, gjatë ofrimit të ndihmës mjekësore, R.U. (40) nga Tetova dyshohet se ka prishur rendin dhe qetësinë publike me bërtitje, ngritje zëri dhe sjellje të papërshtatshme ndaj ekipit mjekësor.

Policia e ka shoqëruar personin në stacion dhe ndaj tij është përgatitur parashtresa përkatëse.

Lajme

163 km/h në rrugë ku lejoheshin 80!

Rumuni “fluturon” nëpër Maqedoni, kapet në Tabanoc

Shpejtësi marramendëse në autostradën A1! Një shtetas rumun është ndaluar nga policia pasi është kapur duke drejtuar automjetin me 163 kilometra në orë, në një pjesë të rrugës ku shpejtësia maksimale e lejuar ishte vetëm 80 km/h.

Ngjarja ka ndodhur më 4 shtator 2026, rreth orës 06:30, në autostradën A1, pranë Demir Kapisë.

Sipas policisë, 49-vjeçari H.V.S. nga Rumania po drejtonte një automjet tip Audi, me targa rumune, kur sistemi i mbikëqyrjes “Qyteti i Sigurt” regjistroi shkeljen.

Ai u identifikua si person që dyshohet se ka kryer veprën penale “drejtim i pamatur i automjetit”, sipas nenit 297-a të Kodit Penal.

Rreth orës 11:20, kur automjeti po dilte nga vendi përmes pikës kufitare Tabanoc, policia e ndaloi dhe e arrestoi shtetasin rumun.

Ai u dërgua në Stacionin Policor të Negotinës për procedurë të mëtejshme, ndërsa ndaj tij pritet të ngrihet kallëzim penal përkatës.

Nga 80 në 163 km/h – më shumë se dyfishi i shpejtësisë së lejuar!