Lajme

“16 arsye pse BDI dhe deputetët satelitë duhet të japin llogari ” – Bekim Qoku shtron pyetjen!

Koordinatori i Grupit Parlamentar të VLEN-it, deputeti Bekim Qoku, ka drejtuar akuza të ashpra ndaj BDI-së dhe deputetëve që, sipas tij, vazhdojnë ta mbështesin këtë parti.

Përmes një postimi publik, Qoku u bëri thirrje qytetarëve që t’i pyesin deputetët që ai i quan “satelitë të BDI-së” pse, sipas tij, kanë mbështetur një parti që është përballur me akuza për korrupsion dhe me zyrtarë të vendosur në listën e zezë të Shteteve të Bashkuara.

Ai i akuzoi gjithashtu se kanë mbështetur ndryshimet në Kodin Penal dhe se nuk kanë kërkuar përgjegjësi politike për një sërë ngjarjesh dhe tragjedish që kanë shënuar vendin gjatë 22 viteve të qeverisjes së BDI-së.

Në postimin e tij, Qoku përmend raste si “Monstra”, “Lagjja e Trimave”, “Alfa”, vrasjen e Almirit, rastin e Harun Aliut, enciklopedinë që ai e cilëson antishqiptare, tekstet shkollore, projektin “Shkupi 2014”, ngritjen e përmendores së Car Dushanit, ngjarjet e 27 prillit në Kuvend, tragjedinë në spitalin modular të Tetovës, aksidentet e “Durmo Tours” dhe “Besa Trans”, si dhe aferën “Magjar Telekom”.

Qoku përmendi edhe vendosjen e ish-zëvendëskryeministrit Artan Grubi në listën e zezë të SHBA-së, duke e përdorur këtë si argument në kritikat e tij ndaj BDI-së dhe liderit të saj, Ali Ahmeti.

Lajme

Vrasja në Duqanxhik të Shkupit, MPB jep detaje

Dy sulmues me motoçikletë hapën zjarr ndaj një grupi prej pesë banorësh të Shkupit, duke goditur 26-vjeçarin A.M., i cili më vonë ndërroi jetë në spital nga plagët e marra.

Të shtënat u raportuan më 6 shtator rreth orës 23:30, pranë kryqëzimit të rrugëve “Prohor Pcinski” dhe Vojdan Çernodrinski” në Shkup.
Nga MPB thonë se D.G. (29), A.Xh. (24), K.B. (36), E.B. (25) dhe A.M. (26), të gjithë nga Shkupi, po qëndronin para një dritareje biznesi në atë moment.

Një një motoçikletë që ishin dy persona ndaloi përpara tyre, pas së cilës u qëllua me armë zjarri ndaj grupit. Sulmuesit ikën menjëherë.

Një nga plumbat goditi A.M., i cili u dërgua me ambulancë në Kompleksin e Klinikës Nënë Tereza, ku dhe ndërroi jetë.

Nga policia ende nuk kanë njoftuar për identitetin e sulmuesve, dhe arsyet incidentit.

Lajme

Një 27-vjeçar nga Maqedonia qëllohet për vdekje në Berlin, autorët në arrati

Në orët e para të mëngjesit të së hënës, në rrugën Sonnenallee në Neukölln në Berlin të Gjermanisë u qëllua për vdekje një 27 vjeçar nga Maqedonia e Veriut, raportuan mediat gjermane.

Sipas policisë, ngjarja ndodhi rreth orës 02:40 në kryqëzimin e rrugëve Planetenstraße dhe Sonnenallee, ndërsa i vdekur mbeti një shtetas i Maqedonisë së Veriut i moshës 27 vjeçare.

Policia e Berlinit njoftoi se, pavarësisht përpjekjeve të menjëhershme për reanimim personi i plagosur ndërroi jetë në vendngjarje.

Mbi viktimën u qëlluan gjashtë plumba njoftoi policia gjermane, ndërsa autori apo autorët e e sulmit dyshohet se janë larguar me një automjet të markës Mercedes.

Autoritetet e sigurisë po hetojnë nëse në ngjarje kanë qenë të përfshirë disa persona dhe nëse rasti ka lidhje me krimin e organizuar. Me urdhër të Prokurorisë, ka nisur hetimet.

Lajme

Përparim Bajrami në arrati, Gjykata vendosi ta gjykojë në mungesë

Për shkak se i akuzuari Përparim Bajrami vazhdon të jetë i pakapshëm për organet e përndjekjes, Gjykata vendosi që ta gjykojë në mungesë.

Familjarët e ish drejtorit të Lotarisë Shtetërore, Bajrami, kanë angazhuar Avokatin Elenko Millanov, i cili dorëzoi te gjyqtarja listën me prova. Bajrami është i akuzuari i parë. /Alsat.mk