Ribalanci i Buxhetit për vitin 2026, i cili u miratua në Kuvend të hënën, është një zgjidhje e mirë dhe një nga ribalancet e rrallë të Buxhetit gjatë këtyre viteve, i cili ka rritje të zërave të shpenzimeve kapitale. Këtë e potencoi ministrja e Financave Gordana Dimitrieska-Koçoska gjatë intervistës në ditarin e RTM-së.

“Ky ribalanc është një zgjidhje e mirë, duke marrë parasysh gjendjen e përgjithshme në ekonomi, jo vetëm në Maqedoni, por duke e parë në përgjithësi situatën gjeopolitike dhe duke marrë parasysh pasiguritë që janë para nesh. Ky është një nga të paktët ribalance buxheti ku kemi rritje të zërit të shpenzimeve kapitale. Para së gjithash duhet të themi se bëhet fjalë për rritjen e shpenzimeve kapitale që drejtpërdrejt nënkupton investime të caktuara. Ne këtu nuk flasim për transferime të rregullta, avance, transferime në ndërmarrjet publike dhe kështu me radhë, ku në të kaluarën ishin evidentuar si shpenzime kapitale dhe ku nuk shihnim asnjë investim. Domethënë, kjo më gëzon. Për herë të parë, ka korrigjim në anën e shpenzimeve ose rritje prej rreth gjashtë miliardë denarësh”, tha ministrja.

Ajo shtoi se gati në të gjitha ministritë ka rritje të mjeteve, por pjesa më e madhe e rritjes së planifikuar të shpenzimeve kapitale është në Programin AA, ku ka një përqindje vërtet të lartë të realizimit të investimeve kapitale dhe se puna në terren shihet vërtet se po përparon me një ritëm të përshpejtuar. Më tutje, në Ministrinë e Mjedisit Jetësor dhe Planifikimit Hapësinor, ku ka rritje të më shumë zërave, pjesa më e madhe është te shpenzimet kapitale, me më shumë se 700 milionë denarë, mjete të paraparë për stacionin e filtrimit të ujërave të zeza në Shkup. Në Ministrinë e

Mjedisit Jetësor dhe Planifikimit Hapësinor ka disa projekte që lidhen me financimin e siguruar nga IPA. Ka rritje edhe në zërat e Ministrisë së Mbrojtjes gjithmonë në pjesën e shpenzimeve kapitale.

Ministrja sqaroi se me ribalancin, të hyrat e përgjithshme të projektuara mbulojnë shpenzimet rrjedhëse, ndërsa diferenca e mbetur është destinuar për shpenzimet kapitale. Ajo theksoi se i gjithë deficiti buxhetor, në thelb, shkon për financimin e shpenzimeve kapitale, ose ajo që qytetarët e njohin si investime. \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\”Besoj se duhet të pajtohemi të gjithë se çdo ditë shohim vënien në shfrytëzim të ndonjë projekti të ri pothuajse në çdo vendbanim. Kjo tregon se projektet po realizohen realisht në terren dhe çdo qytetar mund ta vërejë këtë me sytë e tij. Nga ana tjetër, sipas parametrave ekonomike, përmes prodhimit të brendshëm bruto dhe rritjes së PBB-së dëshmojnë qartë se edhe Qeveria ka kontribut në këtë rritje, përmes rritjes së PBB-së edhe pse nuk është rezultat vetëm i veprimeve të Qeverisë, por Qeveria ka pjesërisht kontribut në rritjen e prodhimit të brendshëm bruto.\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\”

Gjatë intervistës, ministrja u ndal edhe te realizimi i të hyrave në Buxhet, duke theksuar se mbushja e buxhetit po zhvillohet rregullisht dhe se të dhënat e publikuara tregojnë arkëtim të mirë në të gjitha kategoritë tatimore. Sipas saj, e vetmja kategori ku është regjistruar nivel më i ulët i arkëtimit janë akcizat, gjë që lidhet drejtpërdrejt me masat e ndërmarra nga Qeveria.

Lidhur me borxhin publik dhe huamarrjen, ministrja theksoi se borxhi publik deri më tani është menaxhuar me sukses dhe situata është nën kontroll, ndërsa huamarrjet krijojnë rritje ekonomike.

Një 29-vjeçar nga Gjevgjelia është ndaluar nga policia pasi është kapur duke drejtuar automjetin me shpejtësi prej 204 kilometra në orë, në një pjesë të autostradës ku kufizimi i lejuar ishte 120 km/h.

Sipas njoftimit të Ministrisë së Punëve të Brendshme, ngjarja ka ndodhur më 29 korrik 2026, në orën 21:26, në autostradën A1, te kyçja Smokvicë, në rajonin e Gjevgjelisë.

“Gjatë kontrollit të komunikacionit rrugor me radar, punonjësit policorë kanë konstatuar se J.D. (29) nga Gjevgjelia drejtonte automjet të udhëtarëve ‘BMW’ me targa të Gjevgjelisë me shpejtësi prej 204 kilometra në orë, në vend ku me shenjë komunikacioni shpejtësia e lëvizjes është kufizuar në 120 kilometra në orë”, thuhet në njoftimin e policisë.

Nga MPB bëjnë të ditur se shoferi është përjashtuar nga komunikacioni dhe është njoftuar prokurori publik nga Prokuroria Themelore Publike në Gjevgjeli.

“Pas dokumentimit të plotë të rastit do të parashtrohet kallëzim përkatës sipas nenit 297-a të Kodit Penal – ‘drejtim i pakujdesshëm i automjetit motorik’”, njoftoi policia.

Në tetor të vitit 2025 një grua nga Tetova me mbesën e saj shkoi në zyrën e gjendjes civile në Tetovë për të caktuar termin për kurorëzimin e mbesës së saj në një restorant. Pasi e bënë pagesën prej 10.500 denarësh për shërbimin në llogarinë e Buxhetit të Republikës së Maqedonisë së Veriut, ata u ndeshën me një surprizë të pakëndshme, ofiqari u tha se do duhej të jepnin edhe 50 euro për të, në restorant në ditën e dasmës. Kërkesa e tillë për para është e paligjshme dhe përbën një kërkesë për ryshfet. Përveç tarifës për shtetin, nuk ka ligj ose rregullore në Maqedoninë e Veriut ku thuhet se ofiqari duhet të marrë para shtesë nga çifti i ri, shkruan Slloboden Peçat, transmeton Portalb.mk.

“Ofiqari na tha se mbesa duhej t’i paguante 50 euro në dorë, sepse atij nuk i paguhet puna gjatë fundjavës. Ai e tha këtë kaq lehtë, sikur të ishte diçka më se normale. Ikëm që andej. Kur e ngrita çështjen në një nivel më të lartë në kuptimin që fillova të pyesja se për çfarë ishin ato para, se kjo që nuk thuhej në asnjë dekret apo ligj, ofiqari na zbuloi dhe e thirri dhëndrin për t’i thënë që ta tërheqë kërkesën për kurorëzim dhe se nuk ai do t’i martonte. Ai shtoi edhe se asnjë nga ofiqarët nuk do t’i martonte, se askush përveç tij nuk donte të dilte në terren”, tha gruaja.

Pastaj, në ditën e dasmës në restorant ofiqari mori 50 euro në dorë. Por kjo nuk ishte as hera e parë dhe as e fundit që ky ofiqar bënte një gjë të tillë. Një burim i dytë tha se kur ai kishte caktuar kurorëzim në zyrë, i njëjti ofiqar i kishte thënë se “do duhej të jepte para edhe për atë, në restorant”.

“I thashë se e dija se duhet, sepse e dija që tarifa e tij tani ishte rritur në 4.000 denarë. Kjo po ndodh në Tetovë për të paktën një vit dhe të gjithë e dinë dhe bëjnë sikur nuk e dinë. Por ditën e dasmës nuk i dhashë para në restorant, kështu që ai më shkaktoi probleme më vonë – deri në fund nuk më dha certifikatën e martesës. Më duhej ta kontrolloja shtesë për t’u siguruar që ai nuk kishte bërë ndonjë gabim në librat amë, e të më duhej të zhvilloja një procedurë administrative më vonë”, na tha burimi.

Një punonjës i Drejtorisë për Udhëheqjen e Librave Amë (DULA) Tetovë, që dëshiroi të mbetet anonim, tha se nuk e kishte parë kurrë me sytë e tij ofiqarin në fjalë duke marrë para, por kishte dëgjuar shumë herë njerëz që vinin të ankohen. Edhe gruaja së cilës i kërkoi 50 euro u ankua, por sipas fjalëve të saj, udhëheqësja edhe pse ishte në dijeni të situatës, e toleronte abuzimin.

“Madje filluan të flisnin për mua se isha e shtrënguar sepse nuk doja t’i jepja para ofiqarit. Por unë paguaj me një fletëpagesëgjith, ndërsa për gjithçka tjetër nuk mund të më detyrojnë ose të ma imponojnë”, tha ajo.

Imërzate Dauti, udhëheqëse e degës së Drejtorisë për Udhëheqjen e Librave Amë në Tetovë tha se nuk kishte dëgjuar kurrë për një gjë të tillë, ndryshe nga pretendimi i qytetares e cila tha se e kishte informuar personalisht udhëheqësen për problemin në fund të vitit 2025.

!Ne gjithmonë u dalim në ndihmë qytetarëve dhe punojmë në përputhje me ligjin. Për momentin në terren kurorëzime bën një ofiqar”, tha Dauti.

Në pyetjen se çfarë e motivon këtë person që të dalë dhe të bëjë kurorëzime gjatë fundjavave në Tetovë, ndërsa ofiqarët e tjerë edhe pse kanë të drejtë të dhënë nga drejtori Faton Fazliu për të bërë kurorëzime, nuk duan të dalin terren, ajo nuk kishte përgjigje.

Ditë më parë u publiku një aspekt tjetër të skandalit me Drejtorinë për Udhëheqjen e Librave Amë për ekzistencën e një rrjeti kriminal në Drejtorinë për Udhëheqjen e Librave Amë, të përbërë nga ofiqarë ligjorë, të cilët kryejnë kurorëzime në mënyrë të paligjshme në hotele dhe restorante të Shkupit dhe fitojnë përfitime materiale për veten e tyre. Buxheti i shtetit, por edhe kolegët e tyre ofiqarë që punojnë ligjërisht, dëmtohen nga abuzimi i tyre me pozicionin dhe autoritetin e tyre zyrtar. Abuzimi ndodh në atë mënyrë që ofiqarët në Shkup marrin para në dorë dhe kryejnë kurorëzime pa e paguar ndërkohë tarifën prej 10.500 denarësh që derdhet në Buxhetin e shtetit.