Sportisti i ri nga Tetova, Muhammed Dauti, ka nisur me fitore rrugëtimin e tij në Kickboxing & MMA, duke triumfuar në ndeshjen e tij të parë kundër garuesit nga Kumanova, Lorik Alia. Në një përballje mjaft interesante dhe me ritëm të lartë, ai arriti të mposhtë garuesin nga Kumanova, Lorik Alia, duke dëshmuar talent, përgatitje fizike dhe disiplinë taktike.Që nga fillimi i ndeshjes, Dauti u paraqit me vetëbesim dhe vendosmëri, duke kontrolluar zhvillimet në ring dhe duke zbatuar me përpikëri udhëzimet e trajnerit të tij.

Falë teknikës së mirë, forcës fizike dhe përgatitjes intensive, ai arriti të sigurojë një fitore të merituar, duke lënë përshtypje shumë të mira te të pranishmit dhe dashamirët e sporteve luftarake.Ky triumf shënon një fillim shumë premtues për Muhammed Dautin, i cili synon të vazhdojë rrugëtimin e tij me suksese të reja në garat vendore dhe ndërkombëtare. Fitorja ndaj një kundërshtari të fortë si Lorik Alia është dëshmi e punës së vazhdueshme dhe përkushtimit që ai ka treguar gjatë stërvitjeve.Pas përfundimit të ndeshjes, Muhammed Dauti ia dedikoi këtë fitore trajnerit të tij dhe klubit ku stërvitet, duke shprehur mirënjohje të veçantë për trajnerin Naim Samiu, drejtues i klubit Wolf Kickboxing & MMA.\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\”Kjo fitore nuk është vetëm e imja. Dua ta falënderoj nga zemra trajnerin tim, Naim Samiu, për përkushtimin, profesionalizmin dhe mbështetjen e vazhdueshme.

Çdo stërvitje, çdo këshillë dhe çdo motivim i tij kanë qenë vendimtare për të arritur këtë rezultat. Gjithashtu falënderoj klubin Wolf Kickboxing & MMA, familjen dhe të gjithë ata që më kanë mbështetur. Kjo fitore më motivon të punoj edhe më shumë për sfidat që më presin,\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\” deklaroi Dauti.Nga ana tjetër, trajneri Naim Samiu u shpreh krenar për paraqitjen e sportistit të tij, duke theksuar se kjo fitore është rezultat i punës së vazhdueshme, disiplinës dhe përkushtimit që Muhammedi ka treguar gjatë përgatitjeve.

Klubi Wolf Kickboxing & MMA vazhdon të nxjerrë sportistë të talentuar dhe të promovojë vlerat e sportit, disiplinës dhe punës së palodhur, ndërsa fitorja e Muhammed Dautit përbën një tjetër sukses që i shtohet rezultateve pozitive të klubit.Ky është vetëm hapi i parë në rrugëtimin sportiv të Muhammed Dautit, i cili me përkushtimin dhe punën që po tregon pritet të jetë një emër me perspektivë në arenën e Kickboxing & MMA. Urime për fitoren dhe suksese të reja në garat e ardhshme.

Ajo që ishte paralajmëruar disa ditë më parë tashmë është bërë edhe zyrtare. Adis Emruli është futbollisti më i ri i Jadran Dekanit, duke i dhënë fund përfundimisht pas pesë vitesh aventurës së tij te Beltinci dhe, pas një sezoni në Ligën e Tretë të Sllovenisë (3. SNL), rikthehet në konkurrencën e Ligës së Dytë (2. SNL).

Për sulmuesin 25-vjeçar me shtat të lartë, kjo është një histori që u realizua me vonesë. Që gjatë përgatitjeve dimërore ai kishte bindur stafin teknik të Jadranit, por në atë kohë nuk u arrit nënshkrimi i kontratës për shkak të rregulloreve të Federatës së Futbollit të Sllovenisë (NZS), të cilat penguan regjistrimin e lojtarit, pasi Emruli kishte qenë i regjistruar më parë te dy klube.

Tashmë pengesat janë tejkaluar dhe, pas përfundimit të angazhimit të tij te Beltinci, Emruli është prezantuar zyrtarisht me fanellën e skuadrës bregdetare të Ligës së Dytë, ku do të synojë të dëshmojë sërish vlerat e tij.

Gjatë karrierës së tij në Slloveni, Emruli ka zhvilluar 60 ndeshje kampionale në Ligën e Dytë, duke shënuar gjashtë gola, të gjithë me fanellën e Beltincit.

Sezonin e kaluar ai luajti si i huazuar te Čarda Martjanci në Ligën e Tretë – Grupi Lindje, ku fitoi minutat e nevojshme për të ruajtur formën konkurruese.

Te Jadran besojnë se me forcën fizike, gjatësinë dhe lojën e tij brenda zonës së rreptësisë, Emruli do të jetë një armë e rëndësishme në repartin ofensiv. Pas dështimit të transferimit gjatë afatit kalimtar të dimrit, ai tani do të ketë mundësinë të dëshmohet me fanellën e Jadran Dekanit dhe të rikthehet në fushat e Ligës së Dytë të Sllovenisë.

Erling Haaland ka reaguar pas eliminimit të Norvegjisë nga Kupa e Botës 2026, duke shprehur zhgënjim për humbjen 2-1 ndaj Anglisë pas vazhdimeve në çerekfinale dhe duke kritikuar disa vendime të gjyqtarëve që, sipas tij, ndikuan në rezultatin përfundimtar.

Sulmuesi norvegjez tha se skuadra e tij meritonte më shumë nga kjo përballje dhe se diferenca u bë nga detajet e vogla.

“Është shumë e vështirë ta përshkruaj atë që ndiej tani. Mendoj se meritonim më shumë. Ishim vetëm një hap larg eliminimit të Anglisë”, deklaroi Haaland.

Ai theksoi se Norvegjia duhet të jetë krenare për paraqitjen në turne, pavarësisht eliminimit.

“Ka një ndjenjë boshllëku, por njëkohësisht jemi krenarë që luajtëm një çerekfinale kundër Anglisë dhe i dhamë një betejë të fortë”, u shpreh ai.

Haaland u ndal edhe te episodet e diskutueshme të ndeshjes, duke thënë se vendimet në situatat 50-50 shkuan në favor të kundërshtarit.

“Këto janë momentet e vogla që vendosin fatin e ndeshjeve në Kupën e Botës. Kundër Brazilit patëm fatin në anën tonë, por sot vendimet shkuan kundër nesh. Kur përballesh me një ekip si Anglia, kjo e vështirëson gjithçka”, tha sulmuesi.

Ai iu referua edhe golit të anuluar të Norvegjisë, i cili u anulua pas ndërhyrjes së VAR-it për një faull të tij ndaj Elliot Anderson gjatë një goditjeje nga këndi.
“Më shtyjnë në pothuajse çdo duel të tillë. Është zhgënjyese, por këto janë pjesë e futbollit”, deklaroi Haaland.

Pavarësisht eliminimit, ylli i Manchester Cityt beson se Botërori 2026 ka ndryshuar perceptimin për Norvegjinë në skenën ndërkombëtare.

“Mendoj se ky turne e ka ndryshuar Norvegjinë. Jam krenar për skuadrën dhe shpresoj që edhe norvegjezët të jenë krenarë për ne. Ajo që kemi arritur është një sukses i madh”, përfundoi ai.

Haaland e mbylli Botërorin 2026 me shtatë gola në pesë ndeshje, duke qenë një nga lojtarët më të dalluar të turneut.