Lajme

Gëzim Ostreni: Ali Ahmeti pranoi që gjuha shqipe mos të figurojë në Kushtetutë, por të zëvendësohet me termin 20%

Ish gjenerali i UÇK-së, Gëzim Ostreni në emisionin “Rishtazi” që emetohet në gazetën Koha, ka rikthyer në vëmendjen në një prej çështjeve më të debatueshme që lidhen me negociatat politike pas konfliktit të vitit 2001.

Ostreni pretendon se Ali Ahmeti, i cili në atë kohë ishte përfaqësues politik i UÇK-së, kishte bërë kompromise, pa e njoftuar atë dhe kishte pranuar që në Kushtetutën e Maqedonisë të mos përdorej përcaktimi i drejtpërdrejtë për gjuhën shqipe, por formulimi që lidhej me pragun prej 20 për qind.

“Neve gjatë UÇK-së kemi qenë të ndarë në detyra, pjesën politike Ali Ahmeti dhe pjesën e luftës Gëzimi. Unë shumë vonë e kam parë, mendoja se është gjuha shqipe. Në komunikatën numër gjashtë kërkohet që Maqedonia të jetë shtet shqiptaro-maqedon. Aty nuk ishte gjuha shqipe e shqiptarëve, por gjuha e një populli që ka mbi 20%. Edhe ajo e le të hapur një dritare për diskutim. Ta zëmë se nëse pranohen bullgarët dhe pranohen se janë 25% këtu në Maqedoni, atëherë gjuha bullgare do të jetë zyrtare, ndërsa gjuha shqipe do të bie poshtë. Është dashur të ndikohet politikisht që të mos jetë me përqindje, por me emër dhe mbiemër, gjuha shqipe”, u shpreh gjeneral Ostreni.

Lajme

Stuhia në Shkup detyron avionin nga Cyrihu të devijojë drejt Prishtinës

Avioni i kompanisë ajrore Edelweiss, i cili u nis nga Cyrihu në orën 18:00, për shkak të motit të keq në Shkup nuk mundi të ulej në Aeroportin Ndërkombëtar të Shkupit.
Pas rreth 20 minutash duke qarkulluar mbi zonë, piloti vendosi ta devijojë fluturimin dhe të ulet në Aeroportin e Prishtinës.

Një pjesë e madhe e pasagjerëve në bord janë shtetas të Maqedonisë së Veriut.
Avioni ishte planifikuar të mbërrinte në Aeroportin e Shkupit rreth orës 20:00.

Lajme

Gashi: Rroga nuk duhet të jetë motiv për t’u bërë deputet

Kryetari i Kuvendit, Afrim Gashi, në Click Plus në TV21, tha se paga nuk duhet të jetë motivi kryesor për të ushtruar funksionin e deputetit. Ai e krahasoi këtë me futbollistët, duke theksuar se pas përfundimit të karrierës jo të gjithë mund të bëhen trajnerë, ndërsa deputetët përballen me një “etiketë” që i shoqëron edhe në profesionet e tjera.

“Dikush që bëhet deputet, pastaj e ka vështirë pjesë tjetër të jetës. Në çfardo profesioni që kthehet mënyra e veprimit të tij në jetën publike vazhdon duke qene me nje etiket pas, duke e ditur se ky person ka qenë deputet. Është si puna e futbollistëve luajn futboll marrin shuma shumë të mëdhaja të të ardhurave për shkak se pjesën tjetër të jetës ato duhet ta jetojnë me ato të ardhura. Jo të gjithë futbollistët bëhen trajnerë. Kështu që nuk mendoj se rroga duhet të jetë motiv për tu bërë deputet dhe paga nuk duhet të jetë asnjëherë motiv për një punë. Pasioni, dëshira, dhe dashuria për një profesion duhet të jetë primare”, deklaroi Afrim Gashi – kryetar i Kuvendit të Maqedonisë së Veriut.

Lajme

Gashi: Politikanët duhet t’i lënë rahat: mjekët, arsimtarët, hoxhallarët e gazetarët

Kryetari i Kuvendit, Afrim Gashi, në emisionin “Click Plus” tha se politikanët duhet t’i lënë të qetë mjekët, arsimtarët, hoxhallarët dhe gazetarët, pa ndërhyrje politike.

Ai kritikoi edhe kushtëzimin e qytetarëve për vota, duke thënë se shpesh politika premton asfaltimin e një mahalle në këmbim të votës: “Nëse kjo mahalla na jep votën, e shtrojmë me asfalt”.

‘’Unë jam idhtar i idesë për depolitizim të qytetarëve. Unë mendoj se çdo qytetar e ka për borxh të jetë aktiv në jetën publike sepse në fund të fundit jemi qenie njerërore dhe jemi krijuuat të bashkëveprojmë me njerëzit’’, theksoi Gashi