Në emisionin “IMPAKT” në TV Shenja, kryetari i LSDM-së, Venko Filipçe, foli edhe për mënyrën se si partia e tij do t’i ndërtojë koalicionet e ardhshme politike.
“Çdo koalicion që do ta bëjmë më tej do të bazohet në vlera politike dhe në atë se cila parti politike do të pajtohet që të realizojmë bashkarisht, normalisht sugjerimet që do t’i pranojmë bashkarisht, nuk është ajo beton që nuk mund të ndryshohet, por ky është skeleti ynë i atij programi. Çdo sugjerim qëllim mirë dhe në kontekst të politikave me vlerë do të jetë i mirëseardhur por vetëm me parti politike dhe individë të cilët, organizata qytetare, intelektualë të shquar, aktivistë qytetarë e kështu me radhë do të duan ta zbatojnë programin dhe ai zbatim i programit do të kontrollohet nga ana e qytetarëve, është mënyra se si ne do t’i bëjmë koalicionet tona të ardhshme. Do të zgjedhim njerëz siç jemi tani që i dëgjojnë”, deklaroi Filipçe.

Burri dhe gruaja shkaktuan zjarr në fshatin Gorno Sonje ndërsa po bënin ajvar, pasi hirit nga soba me thëngjill e derdhën pranë shtëpisë. Policia intervenoi dhe zjarri u shua pa të lënduar.

Sipas informacioneve të MPB-së, dje rreth orës 19:50 në polici u raportua se në fshatin Gorno Sonje, pranë Shkupit, kishte filluar zjarr, ku ishte djegur një vilë dhe bari.

“Policët e SPB Shkup dolën në vendngjarje dhe biseduan me D.M. (74), pronarin e vilës, i cili shpjegoi se me bashkëshorten po bënin dimërishte dhe pranë shtëpisë kishin derdhur hirin nga soba, në të cilën ka të ngjarë të kishte thëngjill, dhe ishin larguar, pas së cilës kishte filluar zjarri», thonë nga MBP-ja.

Nuk pati të lënduar, ndërsa ekipi i Brigadës së Mbrojtjes nga Zjarri Shkup e shoi zjarrrin.

Vazhdon seria e deklaratave publike në mbështetje të Artan Grubit. Pas reagimeve të Asllan Kokës dhe Uka Shaqirit, edhe Blero Arifi nga Velesi ka bërë të ditur se është i gatshëm të vendosë në dispozicion të gjithë pasurinë e tij si garanci për lirimin e Grubit informon Tetovasot.

Përmes një postimi në rrjetet sociale, Arifi ka shkruar se, me mirëkuptimin e familjes, është i gatshëm të vendosë në garanci edhe pasurinë e saj.

“Edhe unë jam gati të vë në garanci gjithçka që kam — pasurinë time dhe, me mirëkuptimin e familjes, edhe pasurinë e saj për lirimin e Artan Grubit,” ka shkruar Blero Arifi.

Ai ka sqaruar se këtë qëndrim e merr për shkak të bindjes së tij personale.

“E bëj këtë sepse besoj në pafajësinë e tij dhe besoj se ndaj tij po zhvillohet një përndjekje politike,” është shprehur Arifi.

Në fund të postimit, ai shton se bindjet duhet të mbështeten me veprime.

“Kur beson te drejtësia, nuk mjafton vetëm të flasësh. Duhet të jesh i gatshëm të qëndrosh pas bindjes tënde edhe kur kjo të kushton,” ka përfunduar ai.

Deklarata e Blero Arifit vjen pas disa reagimeve të ngjashme të mbështetësve të Artan Grubit, të cilët ditët e fundit kanë shprehur publikisht gatishmërinë për të ofruar pasurinë e tyre si garanci.

Ndërsa, tetovari Asllan Koka ka bërë një deklaratë publike, duke shprehur gatishmërinë që pasurinë e tij të paluajtshme ta vendosë si garanci pasurore për ish-zëvendëskryeministrin Artan Grubi.

Përmes një postimi në rrjetet sociale, Koka ka shkruar se është i gatshëm ta japë shtëpinë e tij si garanci me qëllim që Grubit t’i kthehet pasaporta.

“Edhe pasuria e paluajtshme e ime është në dispozicion të Artan Grubit për t’u vendosur si garanci pasurore, me qëllim që t’i kthehet pasaporta,” ka shkruar Asllan Koka.(INA)