Connect with us

Lajme

Gjorgjievski prezanton bilancin e një viti në krye të Qytetit të Shkupit: Borxhet në ulje, 100 autobusë të rinj, ura dhe rrugë nëntokësore

Ulja e borxheve, zhbllokimi i projekteve kapitale dhe investimet e reja në transportin publik dhe infrastrukturë. Këto janë disa nga rezultatet që kryetari i Qytetit të Shkupit, Orce Gjorgjievski, i prezantoi në raportin e tij njëvjeçar, duke vlerësuar se administrata e qytetit ka arritur të vendosë bazat për stabilizim financiar dhe zhvillim të mëtejshëm të kryeqytetit.

Sipas Gjorgjievskit, kur mori detyrën, kishte trashëguar borxhe prej afro 300 milionë eurosh, ndërmarrje publike të ngarkuara financiarisht dhe disa projekte infrastrukturore të ndërprera.

Ai bëri të ditur se gjatë vitit të kaluar detyrimet rrjedhëse të Qytetit të Shkupit janë zvogëluar për 322 milionë denarë, ndërsa janë paguar edhe 743 milionë denarë për kredi, shpronësime, procedura gjyqësore, subvencione dhe detyrime të tjera.

Sipas të dhënave të prezantuara, ulje të konsiderueshme të borxheve ka edhe te ndërmarrjet publike. Zvogëlimi më i madh është evidentuar në NP “Ujësjellësi dhe Kanalizimi”, me 1.66 miliardë denarë, ndërsa detyrimet e Ndërmarrjes së Transportit Publik (NTP) janë ulur për 634 milionë denarë.

Në fushën e infrastrukturës, kryetari i Shkupit tha se po vazhdojnë punimet në disa projekte të rëndësishme rrugore, ndër të cilat zgjerimi i bulevardit “Boris Trajkovski”, nyja rrugore te Momin Potok, bulevardi “Maqedonia” dhe ura që lidh rrugët “Lubjanska” dhe “Skupi”.

Po ashtu, po punohet në rrugët lidhëse drejt urës “Gjeneral Mihajlo Apostollski”, ndërsa në disa komuna të Shkupit janë rikonstruktuar rrugë dhe janë vendosur rreth 2.000 shtylla mbrojtëse për rritjen e sigurisë në komunikacion.

Një nga prioritetet kryesore mbetet transporti publik. Gjorgjievski paralajmëroi blerjen e 100 autobusëve të rinj ekologjikë, si dhe vazhdimin e aktiviteteve për realizimin e sistemit të transportit të shpejtë me autobusë – BRT.

Ai theksoi se nga shtatori ka filluar të funksionojë treni urban në relacionin Zelenikovë–Shkup. Sipas të dhënave të tij, NTP-ja gjatë gjashtë muajve të parë të këtij viti ka kursyer rreth gjysmë milioni euro për karburant, krahasuar me të njëjtën periudhë të vitit të kaluar.

Në fushën e mjedisit jetësor, kryetari informoi se është zhbllokuar ndërtimi i stacionit për trajtimin e ujërave të ndotura në Trubarevë, realizimi i të cilit ka tejkaluar 40 për qind. Ky projekt pritet të kontribuojë ndjeshëm në uljen e ndotjes së lumit Vardar.

Paralelisht po realizohen aktivitete për përmirësimin e higjienës komunale, përfshirë blerjen e 3.300 kontejnerëve të rinj dhe automjeteve të specializuara për grumbullimin e mbeturinave.

Ndër projektet e paralajmëruara ekologjike është edhe transformimi i hapësirës së ish-deponisë së Vardarishtes në një park të madh me sipërfaqe prej rreth 600.000 metrash katrorë, si dhe krijimi i korridoreve të reja të gjelbra dhe hapësirave parku.

Gjorgjievski paralajmëroi edhe projekte të reja infrastrukturore, përfshirë ndërtimin e një ure dhe një rruge që do të lidhin Gjorçe Petrovin me Sarajin, si dhe një urë të re mbi lumin Vardar, ndërmjet Novo Lisiçes dhe Maxharit.

Deri në përfundim të mandatit, sipas paralajmërimeve të tij, Shkupi duhet të bëhet me rrugën e parë nëntokësore.

Në fushën e digjitalizimit, administrata e qytetit po punon për krijimin e një kopjeje digjitale të Shkupit, e cila do të mundësojë planifikim më të mirë urbanistik dhe menaxhim më efikas të qytetit. Gjithashtu janë vendosur shërbime elektronike për pagesën e tatimit në pronë, si dhe platforma “EkoShkupi” për raportimin e problemeve mjedisore.

Në raportin njëvjeçar u përfshinë edhe investimet në mbrojtjen kundër zjarrit, ndër të cilat ndërtimi i një stacioni të ri zjarrfikës në Aerodrom dhe blerja e një automjeti të specializuar. Po ashtu, janë realizuar investime në shkolla përmes pajisjes së kabineteve dhe laboratorëve modernë.

“Para një viti kërkova të besoni se mundemi. Sot ju prezantoj veprat me të cilat e arsyetojmë atë besim. Do të vazhdojmë me vendosmëri edhe më të madhe, derisa ndryshimi të arrijë në çdo lagje të Shkupit”, deklaroi Gjorgjievski.

Kryetari vlerësoi se viti i parë ishte përkushtuar rimëkëmbjes financiare dhe nisjes së projekteve të rëndësishme, ndërsa në periudhën e ardhshme fokusi do të jetë përfundimi i tyre dhe realizimi i investimeve të reja.

Sipas tij, synimi përfundimtar është që Shkupi të ketë infrastrukturë më të mirë, transport publik më efikas, mjedis më të pastër dhe shërbime publike më cilësore për qytetarët.

Click to comment

Leave a Reply

Your email address will not be published. Required fields are marked *

Lajme

GTA 6 ka gjeneruar mbi 1.5 miliardë euro ende pa e luajtur askush

Grand Theft Auto VI pritet të jetë një prej lansimeve më të mëdha në historinë e industrisë së video-lojërave, kur të publikohet më 19 nëntor (nesër).

Versioni i ri i serisë së famshme Grand Theft Auto (GTA) është përballur me disa shtyrje gjatë rrugës, por pas 13 vjetësh – intervali më i gjatë mes dy versioneve në historinë e kësaj serie – më në fund ka mbërritur te momenti i publikimit.

Ndërsa fansat përgatiten të rikthehen në Leonida, versioni fiktiv i Floridas i krijuar nga Rockstar Games, ku do të vjedhin vetura, do të grabisin biznese dhe do t’i shpenzojnë paratë e fituara në mënyrë të paligjshme, të dhënat e para tregojnë për një sukses të jashtëzakonshëm financiar.

Sipas kompanisë së inteligjencës së tregut Sensor Tower, porositë paraprake të GTA VI tashmë vlerësohet se kanë kaluar shifrën prej 1.5 miliardë eurosh.

Shkalla e interesimit për GTA VI është e pashembullt krahasuar me publikimet e tjera të mëdha të viteve të fundit. Vetëm nëntë ditë para lansimit, loja theu rekordin prej 1 miliard dollarësh të ardhura nga porositë paraprake, pothuajse dyfishin e shumës që kishte arritur në të njëjtën periudhë para lansimit Call of Duty: Modern Warfare II, loja më e shitur në SHBA gjatë vitit 2022.

Edhe versioni i tanishëm, Grand Theft Auto V, pati një sukses të jashtëzakonshëm. Ajo u bë loja më e shitur e vitit 2013 dhe vazhdon t’i gjenerojë qindra miliona dollarë çdo vit.

Një pjesë e madhe e këtij suksesi afatgjatë i atribuohet GTA Online, modaliteti online me shumë lojtarë që u lansua disa javë pas GTA V. Ai u mundëson lojtarëve të luajnë së bashku dhe të vazhdojnë eksplorimin e Los Santos, versionit fiktiv të Los Angelosit, edhe pasi kanë përfunduar historinë kryesore të lojës.

Kritikët e kanë cilësuar si “kryevepër” GTA VI.

Continue Reading

Lajme

Ka shpresë për tullacët! Zbulohet krehëri elektronik që premton rikthimin e shpejtë të flokëve

Shkencëtarët në Kinë kanë zhvilluar një teknologji inovative që mund të ndryshojë përgjithmonë qasjen ndaj trajtimit të rënies së flokëve. Bëhet fjalë për një krehër elektronik të quajtur “Detangle”, i cili përmes stimulimit elektrik dhe shpërndarjes së substancave aktive ka treguar rezultate mbresëlënëse në fazën eksperimentale.

Pajisja e re, e prezantuar në revistën prestigjioze shkencore “Nature Communications”, është testuar deri më tani te minjtë, ku ka dëshmuar efikasitet më të lartë se trajtimet tradicionale kundër alopecisë androgjenetike (tullacërisë mashkullore).

Si funksionon krehëri “Detangle”?

Sipas studimit të realizuar nga ekipi i studiuesve nga Universiteti Beihang në Pekin, krehëri përmban dhëmbëza elektronike me gjatësi të ndryshme, të pajisura me elektroda dhe molekula të integruara.Kjo formë e veçantë gjeneron fusha elektrike që nxisin drejtpërdrejt folikulat e flokëve dhe lejojnë depozitimin e trajtimeve gjenetike deri në nëntë herë më thellë në lëkurë sesa aplikimi i zakonshëm. Në modelet eksperimentale, kombinimi i plotë i sistemit “Detangle” arriti një shkallë të rikthimit të flokëve prej afër 98 për qind brenda vetëm një muaji, duke lënë pas trajtimet klasike me minoxidil (që shënojë rreth 70 për qind sukses) apo finasterid.
Sfidat dhe hapat e ardhshëm
Pavarësisht rezultateve optimiste në laborator, shkencëtarët theksojnë se teknologjia është ende në fazën eksperimentale.
Mungesa e provave te njerëzit: Deri më tani nuk ka asnjë provë se krehëri do të japë të njëjtat rezultate te njerëzit.
Nevojiten testimet klinike: Përpara se pajisja të dalë në treg apo të përdorë gjerësisht për miliona burra që preken nga tullacëria gjatë jetës, do të duhen studime shtesë dhe prova rigoroze klinike për të vërtetuar sigurinë dhe efektivitetin e saj.

Continue Reading

Lajme

“Nuk mujta me pa”, përlotet vëllai pasi s’e lejuan ta takonte Jakup Krasniqin (VIDEO)

Daut Krasniqi, vëllai i Jakup Krasniqit, është përlotur teksa ka folur për vëllain e tij, i cili ka ardhur në Kosovë nga Haga për vizitë familjare.

I pyetur nëse ishte në dijeni për ardhjen e tij dhe nëse kishte arritur ta takonte, Daut Krasniqi u përgjigj shkurt: “Nuk mujta me pa. Sen, sen s’di”.

Ai foli mes emocionesh për vëllain e tij, duke mos arritur t’i mbante lotët.

VIDEO

Continue Reading

TË FUNDIT

Lajme20 minutes ago

GTA 6 ka gjeneruar mbi 1.5 miliardë euro ende pa e luajtur askush

Grand Theft Auto VI pritet të jetë një prej lansimeve më të mëdha në historinë e industrisë së video-lojërave, kur...

Lajme25 minutes ago

Ka shpresë për tullacët! Zbulohet krehëri elektronik që premton rikthimin e shpejtë të flokëve

Shkencëtarët në Kinë kanë zhvilluar një teknologji inovative që mund të ndryshojë përgjithmonë qasjen ndaj trajtimit të rënies së flokëve....

Lajme5 hours ago

“Nuk mujta me pa”, përlotet vëllai pasi s’e lejuan ta takonte Jakup Krasniqin (VIDEO)

Daut Krasniqi, vëllai i Jakup Krasniqit, është përlotur teksa ka folur për vëllain e tij, i cili ka ardhur në...

Lajme5 hours ago

Samir Mane kryeson listën me 10 njerëzit më të pasur në Shqipëri për vitin 2025

Shqipëria, një vend mesdhetar me rreth 2.8 milionë banorë, ka përjetuar një rritje të ndjeshme ekonomike në vitet e fundit,...

Lajme5 hours ago

Shteti nxjerr në shitje 51 banesa në Ohër me çmime më të ulëta se ato në tregun privat

Shteti ka nxjerrë në shitje 51 banesa në Ohër, me çmim fillestar prej 1.350 euro për metër katror, i cili...

Lajme5 hours ago

Sa kushton mungesa e pajisjeve dimërore? Gjobat në Maqedoni dhe vendet e rajonit

Nga 15 nëntori deri më 15 mars, drejtuesit e automjeteve në Maqedoninë e Veriut janë të obliguar të kenë pajisje...

Lajme21 hours ago

Gjorgjievski prezanton bilancin e një viti në krye të Qytetit të Shkupit: Borxhet në ulje, 100 autobusë të rinj, ura dhe rrugë nëntokësore

Ulja e borxheve, zhbllokimi i projekteve kapitale dhe investimet e reja në transportin publik dhe infrastrukturë. Këto janë disa nga...

Lajme1 day ago

Çmenduria për “GTA 6”, mijëra punëtorë kërkojnë pushim për të luajtur

Për shkak të publikimit të videolojës shumë të pritur “GTA 6“, në Belgjikë është regjistruar një rritje prej plot 66 për...

Lajme1 day ago

Maqedonia ndër të fundit në rajon për përdorimin e rripit të sigurisë

Maqedonia e Veriut renditet ndër vendet me përdorimin më të ulët të rripit të sigurisë në rajon, me vetëm 40.1...

Lajme1 day ago

Gjykata e Beogradit lëshon urdhërarrest për Radoiçiqin

Gjykata e Lartë në Beograd ka lëshuar urdhërarrest dhe ka caktuar masën e paraburgimit për 30 ditë për ish-nënkryetarin e...

Trending