Sport
Lista e Shqipërisë, Sylvinho vendos për Brojën dhe Asanin
Trajneri i kombëtares së Shqipërisë, Sylvinho do të publikojë ditën e hënë (16:00) listën e lojtarëve që do të përfaqësojnë kombëtaren shqiptare në Euro 2024.
Kuqezinjtë bëjnë pjesë në grupin B me Italinë, Kroacinë dhe Spanjën. Tifozët po presin me emocione listën e teknikut brazilian, ndërkohë që me shumë gjasa Armando Broja dhe Jasir Asani do të jenë pjesë e listës.
Dy sulmuesit kanë mbërritur në Shqipëri dhe po stërviten në “Shtëpinë e Futbollit”. Duke nisur më herët se të tjerët përgatitjet.
Broja ndoqi nga afër edhe takimin Skënderbeu-Vllaznia (3-2), i vlefshëm për vendin e tretë në Superiore.
Dy ndër lojtarët më cilësorë të Kombëtares, nga të cilët pritet shumë në Gjermani 2024, janë të karikuar në maksimum. Dhe po presin me padurim të nisin stërvitjen bashkë me shokët e skuadrës.
Shqipëria do të përfaqësohet nga 26 futbollistë në Europian. Futbollistët fillimisht do të grumbullohen në Shqipëri e më pas në fundin e muajit maj do të udhëtojnë drejt Austrisë.
Kombëtarja do të zhvillojë dy takime miqësore përpara nisjes së turneut. Kundër Lihtenshtejnit (3 qershor, 20:00) dhe Azerbajxhanit (7 qershor, 19:00), në “Haladas Sportkomplexum”.
Në datën 8 qershor kuqezinjtë do të udhëtojnë drejt Gjermanisë, ku do të zhvillojnë përgatitjet për finalet e Europianit, në kampin bazë në SportCentrum Kaiserau. Në afërsi të Dortmundit.
Kombëtarja kuqezi do të debutojë në finalet e Europianit në datën 15 qershor. Në takimin e parë ndaj Italisë, që do të luhet në orën 21:00, në stadiumin “Signal Iduna Park” të Dortmundit.
Sport
Ejup Ademi zgjidhet kryetar i ri i Klubit të Mundjes Liria
Ejup Ademi është zgjedhur kryetar i ri i Klubit të Mundjes Liria, në Kuvendin e Jashtëzakonshëm të mbajtur sot, ku u përcaktua edhe përbërja e re e Kryesisë për mandatin e ardhshëm katërvjeçar.
Zgjedhja e drejtuesve të rinj është zyrtarizuar edhe përmes një postimi në faqen zyrtare të klubit në Facebook.
Krahas kryetarit të ri, në përbërjen e Kryesisë bëjnë pjesë Prof. Dr. Sedat Baftiu, Rufat Ismaili, Mustafa Ademi dhe Riad Rexhepi.
Kryetari Ejup Ademi dhe anëtarët e rinj të Kryesisë do ta udhëheqin klubin gjatë katër viteve të ardhshme.
Nga Klubi i Mundjes Liria u përcollën urimet për drejtuesit e rinj, me shpresën se përmes përkushtimit, punës dhe angazhimit të përbashkët, klubi do të rikthejë namin dhe lavdinë e dikurshme, duke vazhduar traditën dhe historinë e tij të pasur sportive.
Sport
Mexhit Hysenaj shkëlqen në Europianin WAKO 2026, siguron finalen dhe medaljen për Shqipërinë
Kickboksieri shqiptar Mexhit Hysenaj ka shënuar një tjetër arritje të rëndësishme në karrierën e tij sportive, duke siguruar një vend në finalen e Kampionatit Europian WAKO 2026, në disiplinën Low Kick, kategoria -81 kg.
Sportisti nga Durrësi, i njohur për stilin e tij agresiv, goditjet e fuqishme dhe shpirtin luftarak, ka përfaqësuar Shqipërinë në një prej kompeticioneve më të rëndësishme të kickbox-it europian.
Një fitore që e çon Shqipërinë në finale
Në gjysmëfinale, Hysenaj u përball me përfaqësuesin kroat Gaj Ćosić, duke arritur një fitore me ndërprerje të ndeshjes nga arbitri (RSC).
Kjo fitore i siguroi sportistit shqiptar kualifikimin në finalen e madhe dhe të paktën medaljen e argjendtë, duke e vendosur mes dy sportistëve më të mirë të Europës në kategorinë e tij.
Nga Durrësi drejt arenës europiane
Rrugëtimi i Mexhit Hysenajt në kickboxing është ndërtuar mbi vite përkushtimi, sakrifice dhe stërvitjeje intensive.
Pesë herë kampion i Shqipërisë dhe me eksperiencë në arenën ndërkombëtare, Hysenaj ka vazhduar të synojë rezultate të rëndësishme, duke përfaqësuar vendin e tij përballë sportistëve të nivelit të lartë.
Një tjetër sukses për sportin shqiptar
Arritja e Hysenajt në Kampionatin Europian WAKO 2026 është një rezultat i rëndësishëm jo vetëm për karrierën e tij, por edhe për kickbox-in shqiptar.
Me këtë paraqitje, sportisti nga Durrësi dëshmon se talenti, disiplina dhe puna e vazhdueshme mund ta çojnë flamurin kuqezi në nivelet më të larta të sportit europian.
Mexhit Hysenaj vazhdon të shkruajë historinë e tij në ring, me ambicien për ta ngjitur Shqipërinë në majën e Europës.
Sport
Dita “kuqezi”, sonte Shqipëria luan ndaj Finlandës
Kombëtarja e Shqipërisë sonte luan ndaj Finlandës ndeshjen e vlefshme për UEFA Nations League.
Ndeshjen e parë “kuqezinjtë” e kishin humbur, shkaku edhe i një kartoni të kuq në fillim të takimit.
Sonte gjërat janë ndryshe dhe tashmë synohet një fitore e lehtë para tifozëve në Tiranë.
-
Lajme12 months agoZbulohet Identiteti i Personit Të Vrarë Në Tetovë
-
Lajme2 years agoDetaje nga ngjarja tronditëse në Tetovë: Burri vrau gruan dhe vajzën 4 vjeçe, pastaj qëlloi djalin 9 vjeç dhe veten e tij
-
Lifestyle3 years agoTrashet miqësia me maqedonë në familjen e Adelina Tahirit
-
Lajme3 years agoKëto ministri dhe poste zv ministrash do ti takojnë VLEN-it
-
Lajme12 months agoAplikacion që zbulon kamerat radar, shoferët e shkarkojnë masivisht
-
Lajme3 years agoJa kush janë 13 deputetët e koalicionit “VLEN” (Lista)
-
Lajme3 years agoBurrin e Shkurte Fejzës e godet vetura (PAMJE)
-
Lajme1 month agoÇmimi i naftës shënon rënie
