Lajme

Aksident i tmerrshëm në Turçan të Gostivarit

Mëngjesin e së hënës në hyrje të Turçanit të madh te ura e fshatit ka ndodhur një aksident i rëndë trafiku. Vetura e markës Mercedes me targa të Gostuvarit ka devijuar nga rruga dhe ka rënë në shtratin e lumit Vardar, raporton Flaka

Nga Spitali i Gostivarit njoftuan që të aksidentuarit u pranuan në spital rreth orës pesë të mëngjesit, njëri në gjendje më të lehtë shëndetësore kurse tjetri në gjendje më të rëndë.
Mjeku kujdestar njoftoi që për shkak të seriozitetit të lëndimeve, njëri pasagjer është transferuar urgjentisht në Klinikën e Shkupit. Pacienti ka pasur thyerrje fraturash por është jashtë rrezikut për jetë.

”Pacienti tjetër është mbajtur për egzaminim në Spitalin e Gostivarit dhe giendja e tij është stabile”, tha për Flaka mjeku kujdestar.

Raportohet që në makinë në momentin tragjik kanë ndodhur dy persona, J.J nga Gostivari dhe A.F banor i Turçanit.

Ekipet nga Policia dhe Urgjenca kanë dalur në vendngjarje. Pas egzaminimit të gjendjes faktike në terren, me anë të shërbimit të karrotrecit makina është tërhequr nga vendi i aksidentit.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.