Connect with us

Lajme

Gjashtë muaj pa paga, autobusët privat ndërpresin punën

Vonesa prej gjashtë mujash të pagave, borxhe të mëdha, pagesë 72 denarë për kilometër, prej 134 denarë kilometri që duhet të paguhet sipas rregullores, janë këto disa probleme që kanë shtyer autobusët privat që edhe për dy ditë të vazhdojnë të punojnë me linja të reduktuara, dhe më  pas t’i ndërpresin krejtësisht derisa t’u zgjidhen të gjitha problemet. Linja e fundit e autobusëve privat do të jetë ditën e premte në orën 10 të mëngjesit.  Shoferët thonë se ata kanë borxh diku rreth 110 milionë euro.

Hisen Halili, shoferë autobusi

“Ne kemi dy probleme që janë shumë të mëdha që duhet të zgjidhen urgjentisht. Problemi i parë pagesa jo e rregullt, dmth nuk i marrim paret për punën që e bjëmë rregullisht, ka vonesa prej gjashtë muajve, borxhi u rrit shhumë i madhë dhe kemi arritur në një pikë që nuk mund të vazhdojmë më. Problemi i dytë është çmimi i ulët, dmth me këtë çmim që vozisim ne, vetëm harxhimet që arrijmë t’i mbulojmë kurse për neve nuk ka asgjë, faktiskisht ne jemi duke punuar gratis si shoqatë humanitare”

Muhadin Halili, i cili e mban familjen vetëm nga puna e autobusëve, thotë se tashmë prej një jave punëdhënësi i tij i’a ka ndërprerë punënë pasi që nuk ka mundësi që ta paguajë.

Muhadin Halili, shoferë autobusi

“Quhem Muhadin Halili, pronari im quhet Hasan, dhe ai tash ma ka ndërpre punën se nuk ka mundësi me vozit, deri tash si më ka treguar ai 35 mijë euro i ka dhënë para të vetat, jo nëpër pompa por ka pas para të gatshme. Kemi informata se de deri në 50-70 mijë eru kanë dhënë para të veta”

Ata thonë se nga drejtori i mëparshëm kanë marrë disa herë premtime se do t’i marrin parat që i takojnë, por nuk është realizuar e njëjta. Në mënyrë që këto ditë të funksionojnë, ata thonë se japin dhe marrin mes vete naftë, që të mund të punojnë, por kjo nuk do të zgjasë shumë.

Oliver Petrushevski shoferë autobusi

“Nga Ndërmarrja e Transportit Publik na kanë premtuar se do të ketë para duroni edhe ndonjë ditë, nga drejtroi i mëparshëm kemi pasur disa premtime se do të ketë para, por për fat të keqë premtimi nga ana e tij nuk është mbajtur. Përë këtë dua të ju njoftojë, se borxhi jonë është  i madhë , nuk kemi marrë para që nga janari. Shumat e borxhit janë jo zyrtare, diku reth 110 milionë euro plus kemi një muaj që ende nuk është fakturuar”

Nga ana e drejtorit të ri nuk kanë marrë ende ndonjë përgjigje konkrete se a do të zgjdihet problemi i tyre. Ata thonë, kushdo qoftë që është i gatshëm t’ua zgjidhë problemin ata janë të hapur që të diskutojnë, por për tu kthyer në punë duhet ti marrin parat që kanë nevojë.

Click to comment

Leave a Reply

Your email address will not be published. Required fields are marked *

Lajme

GTA 6 ka gjeneruar mbi 1.5 miliardë euro ende pa e luajtur askush

Grand Theft Auto VI pritet të jetë një prej lansimeve më të mëdha në historinë e industrisë së video-lojërave, kur të publikohet më 19 nëntor (nesër).

Versioni i ri i serisë së famshme Grand Theft Auto (GTA) është përballur me disa shtyrje gjatë rrugës, por pas 13 vjetësh – intervali më i gjatë mes dy versioneve në historinë e kësaj serie – më në fund ka mbërritur te momenti i publikimit.

Ndërsa fansat përgatiten të rikthehen në Leonida, versioni fiktiv i Floridas i krijuar nga Rockstar Games, ku do të vjedhin vetura, do të grabisin biznese dhe do t’i shpenzojnë paratë e fituara në mënyrë të paligjshme, të dhënat e para tregojnë për një sukses të jashtëzakonshëm financiar.

Sipas kompanisë së inteligjencës së tregut Sensor Tower, porositë paraprake të GTA VI tashmë vlerësohet se kanë kaluar shifrën prej 1.5 miliardë eurosh.

Shkalla e interesimit për GTA VI është e pashembullt krahasuar me publikimet e tjera të mëdha të viteve të fundit. Vetëm nëntë ditë para lansimit, loja theu rekordin prej 1 miliard dollarësh të ardhura nga porositë paraprake, pothuajse dyfishin e shumës që kishte arritur në të njëjtën periudhë para lansimit Call of Duty: Modern Warfare II, loja më e shitur në SHBA gjatë vitit 2022.

Edhe versioni i tanishëm, Grand Theft Auto V, pati një sukses të jashtëzakonshëm. Ajo u bë loja më e shitur e vitit 2013 dhe vazhdon t’i gjenerojë qindra miliona dollarë çdo vit.

Një pjesë e madhe e këtij suksesi afatgjatë i atribuohet GTA Online, modaliteti online me shumë lojtarë që u lansua disa javë pas GTA V. Ai u mundëson lojtarëve të luajnë së bashku dhe të vazhdojnë eksplorimin e Los Santos, versionit fiktiv të Los Angelosit, edhe pasi kanë përfunduar historinë kryesore të lojës.

Kritikët e kanë cilësuar si “kryevepër” GTA VI.

Continue Reading

Lajme

Ka shpresë për tullacët! Zbulohet krehëri elektronik që premton rikthimin e shpejtë të flokëve

Shkencëtarët në Kinë kanë zhvilluar një teknologji inovative që mund të ndryshojë përgjithmonë qasjen ndaj trajtimit të rënies së flokëve. Bëhet fjalë për një krehër elektronik të quajtur “Detangle”, i cili përmes stimulimit elektrik dhe shpërndarjes së substancave aktive ka treguar rezultate mbresëlënëse në fazën eksperimentale.

Pajisja e re, e prezantuar në revistën prestigjioze shkencore “Nature Communications”, është testuar deri më tani te minjtë, ku ka dëshmuar efikasitet më të lartë se trajtimet tradicionale kundër alopecisë androgjenetike (tullacërisë mashkullore).

Si funksionon krehëri “Detangle”?

Sipas studimit të realizuar nga ekipi i studiuesve nga Universiteti Beihang në Pekin, krehëri përmban dhëmbëza elektronike me gjatësi të ndryshme, të pajisura me elektroda dhe molekula të integruara.Kjo formë e veçantë gjeneron fusha elektrike që nxisin drejtpërdrejt folikulat e flokëve dhe lejojnë depozitimin e trajtimeve gjenetike deri në nëntë herë më thellë në lëkurë sesa aplikimi i zakonshëm. Në modelet eksperimentale, kombinimi i plotë i sistemit “Detangle” arriti një shkallë të rikthimit të flokëve prej afër 98 për qind brenda vetëm një muaji, duke lënë pas trajtimet klasike me minoxidil (që shënojë rreth 70 për qind sukses) apo finasterid.
Sfidat dhe hapat e ardhshëm
Pavarësisht rezultateve optimiste në laborator, shkencëtarët theksojnë se teknologjia është ende në fazën eksperimentale.
Mungesa e provave te njerëzit: Deri më tani nuk ka asnjë provë se krehëri do të japë të njëjtat rezultate te njerëzit.
Nevojiten testimet klinike: Përpara se pajisja të dalë në treg apo të përdorë gjerësisht për miliona burra që preken nga tullacëria gjatë jetës, do të duhen studime shtesë dhe prova rigoroze klinike për të vërtetuar sigurinë dhe efektivitetin e saj.

Continue Reading

Lajme

“Nuk mujta me pa”, përlotet vëllai pasi s’e lejuan ta takonte Jakup Krasniqin (VIDEO)

Daut Krasniqi, vëllai i Jakup Krasniqit, është përlotur teksa ka folur për vëllain e tij, i cili ka ardhur në Kosovë nga Haga për vizitë familjare.

I pyetur nëse ishte në dijeni për ardhjen e tij dhe nëse kishte arritur ta takonte, Daut Krasniqi u përgjigj shkurt: “Nuk mujta me pa. Sen, sen s’di”.

Ai foli mes emocionesh për vëllain e tij, duke mos arritur t’i mbante lotët.

VIDEO

Continue Reading

TË FUNDIT

Lajme2 hours ago

GTA 6 ka gjeneruar mbi 1.5 miliardë euro ende pa e luajtur askush

Grand Theft Auto VI pritet të jetë një prej lansimeve më të mëdha në historinë e industrisë së video-lojërave, kur...

Lajme2 hours ago

Ka shpresë për tullacët! Zbulohet krehëri elektronik që premton rikthimin e shpejtë të flokëve

Shkencëtarët në Kinë kanë zhvilluar një teknologji inovative që mund të ndryshojë përgjithmonë qasjen ndaj trajtimit të rënies së flokëve....

Lajme6 hours ago

“Nuk mujta me pa”, përlotet vëllai pasi s’e lejuan ta takonte Jakup Krasniqin (VIDEO)

Daut Krasniqi, vëllai i Jakup Krasniqit, është përlotur teksa ka folur për vëllain e tij, i cili ka ardhur në...

Lajme6 hours ago

Samir Mane kryeson listën me 10 njerëzit më të pasur në Shqipëri për vitin 2025

Shqipëria, një vend mesdhetar me rreth 2.8 milionë banorë, ka përjetuar një rritje të ndjeshme ekonomike në vitet e fundit,...

Lajme6 hours ago

Shteti nxjerr në shitje 51 banesa në Ohër me çmime më të ulëta se ato në tregun privat

Shteti ka nxjerrë në shitje 51 banesa në Ohër, me çmim fillestar prej 1.350 euro për metër katror, i cili...

Lajme7 hours ago

Sa kushton mungesa e pajisjeve dimërore? Gjobat në Maqedoni dhe vendet e rajonit

Nga 15 nëntori deri më 15 mars, drejtuesit e automjeteve në Maqedoninë e Veriut janë të obliguar të kenë pajisje...

Lajme23 hours ago

Gjorgjievski prezanton bilancin e një viti në krye të Qytetit të Shkupit: Borxhet në ulje, 100 autobusë të rinj, ura dhe rrugë nëntokësore

Ulja e borxheve, zhbllokimi i projekteve kapitale dhe investimet e reja në transportin publik dhe infrastrukturë. Këto janë disa nga...

Lajme1 day ago

Çmenduria për “GTA 6”, mijëra punëtorë kërkojnë pushim për të luajtur

Për shkak të publikimit të videolojës shumë të pritur “GTA 6“, në Belgjikë është regjistruar një rritje prej plot 66 për...

Lajme1 day ago

Maqedonia ndër të fundit në rajon për përdorimin e rripit të sigurisë

Maqedonia e Veriut renditet ndër vendet me përdorimin më të ulët të rripit të sigurisë në rajon, me vetëm 40.1...

Lajme1 day ago

Gjykata e Beogradit lëshon urdhërarrest për Radoiçiqin

Gjykata e Lartë në Beograd ka lëshuar urdhërarrest dhe ka caktuar masën e paraburgimit për 30 ditë për ish-nënkryetarin e...

Trending