Nga dita e djeshme ka kolona të gjata me vetura në vendkalimin kufitar “Bogorodicë” për hyrje në Maqedoninë e Veriut.
Shumë qytetarë përmes rrjeteve sociale, me revoltë komentojnë se procedurat po zhvillohen ngadalë dhe se koha e pritjes deri në 4 orë.
Kolonat kilometërshe me automjete e bllokojnë edhe hapësirën ndërkufitare, ndërsa në anën e kundër, për dalje nga shteti dhe hyrje në Greqi, komunikacioni është normal dhe nuk ka pritje të gjata.

Për shkak të temperaturave të larta, nga LAMM rekomandojnë që të kontrollojnë gjendjen përmes Lidhjes Auto-moto të Maqedonisë, kurse si rekomandim theksohet se udhëtimi të bëhet gjatë natës, edhe pse koha e pritjeve është gati e njëjtë, megjithatë do të shmangen temperaturat e larta.

Nënkryetari i BDI-së, Bujar Osmani, ka kritikuar qeverisjen aktuale, duke vlerësuar se shqiptarët, dy vite pas ndryshimit të pushtetit, janë përjashtuar nga proceset vendimmarrëse dhe janë në pozitë më të pafavorshme.

“Ku janë shqiptarët sot, dy vite më pas?

Dy vite më parë u premtua ndryshimi.

Sot, shqiptarët e gjejnë veten:

jo më si shtytës të procesit eurointegrues dhe evropianizimit të shtetit;
jo më si faktor pa pëlqimin e të cilit nuk merreshin vendime të rëndësishme;
të përjashtuar nga institucionet shtetërore dhe nga proceset vendimmarrëse;
jashtë proceseve të mëdha ekonomike, ndërsa pasuria publike shpërndahet në rreth të ngushtë partiak e familjar;
me të drejta të cenuara dhe me mekanizma të barazisë që po zbehen dita-ditës;
jashtë zhvillimeve të rëndësishme kulturore e identitare;
me një diasporë të lënë jashtë dhe pa përfaqësim të denjë;
më të varfër, më të pasigurt dhe më të lodhur.

Mbi të gjitha, shqiptarët sot ndihen më pak të respektuar në shtetin që e ndërtuan bashkë.

Një popull që para dy vitesh ishte faktor vendimmarrës, sot shndërrohet në spektator.

Kjo nuk është ajo që u premtua. Dhe sigurisht nuk është ajo që meritojnë shqiptarët.

P.S.: Më së miri e përshkruan kryetari i ZNAM-it, Maksim Dimitrievski: “VLEN-i është partneri i tretë i koalicionit”.”, ka shkruar Osmani.

Autoritetet në Bahrein i kanë cilësuar si përshkallëzim të rrezikshëm sulmet e fundit të Iranit ndaj këtij shteti.

Në një deklaratë të dielën nga Ministria e Jashtme e këtij shteti ka thënë se Irani kishte shënjestruar Bahreinin me një numër raktesh balistike e dronësh.

Sipas kësaj ministrie, Irani ka një politikë të qëllimshme dhe një model sistematik agresioni të përsëritur kundër sovranitetit të Bahreinit dhe sigurisë së qytetarëve, raporton CNN, transmeton Klankosova.tv.

Korpusi i Gardës Revolucionare Islamike të Iranit ka thënë më parë se kishte shënjestruar objektet amerikane në Bahrein dhe Kuvajt në hakmarrje për sulmet ajrore amerikane në bazat iraniane të shtunën.

Bahreini kishte aktivizuar sirenat disa herë këtë të dielë, sipas orës lokale dhe u kishte thënë banorëve të shkonin në një vend të sigurt.

Sipas këtij shteti, sulmet e Iranit përbëjnë një kërcënim për të gjitha shtetet në Këshillin e Bashkëpunimit të Gjirit, i cili përfshin gjithashtu Kuvajtin, Omanin, Katarin, Arabinë Saudite dhe Emiratet e Bashkuara Arabe, duke treguar një marrëveshje të përbashkët mbrojtjeje midis tyre.

Ndërkohë, Komanda e Përgjithshme e Forcave të Mbrojtjes së Bahreinit ka thënë se mbrojtja e saj ajrore kishte “kapur dhe shkatërruar me sukses një numër sulmesh ajrore të pabesë iraniane” dhe se të gjitha degët e forcave të armatosura janë në nivelin më të lartë të gatishmërisë.