Lajme

Minçev thirrje VLEN-it: Vetëdijësohuni, tema e balancuesit është mbyllur

Në ligjin për të punsuarit në sektorin publik shkruhet se mjeti “balansues”, zbatohet për qytetarët që jetojnë në territorin e Maqedonisë së Veriut dhe ministri i Administratës Publike, Goran Minçev, nuk ka ndërmend të devijojë nga kjo. Ai thotë se kjo temë tashmë është e kryer, dhe i bënë thirrje partnerit të tyre koalicionues VLEN që të vetëdijësohen dhe të merren me zbatimin e ligjeve, pasi ai do ta respektoj ligjin deri, siç tha ai, në presjen e fundit.

Goran Minçev

“Në ligjin për të punësuarit në sektorin publik, në mënyrë të prerë shkurhet se mjeti balancues aplikohet për qytetarët që jetojnë në territorin e Maqedonisë, e cila është popullata rezidente, sipas regjistrimit të fundit të popullsisë. Shpresoj se kolegët e ‘VLEN’-it do të vetëdijësohen dhe do t’i kushotjnë më shumë vëmendje leximit të ligjeve ekzistuese dhe t’i zabtojnë të njëjtat, dhe mos të merren me tema ditore politike”

Minçev tha se detyra e re e kësaj qeverie është që të mos ketë punësime në bazë të etnitetit por në bazë të kualifikimeve dhe se me ligjet e reja do t’i heqin punësimet partiake.

Goran Minçev

“Këto ligje siç ishin të propozuara në Kuvend ishin të partizuara, ndërsa tani që ne i kthejmë mbrapa dhe hapim debat të gjërë, ideja jonë është të jenë të departizuara punësimet në sektorin publik”.

Zëvendëskryeministri i parë Izet Mexhiti i ka vlerësuar si porvokime ndryshimet e paralajmaëruar në punësimet në administratën publike ku përfaqësimi i shqiptarëve në administratë ulet në 24.3 për qind në vend të 29.5 për qind siç ishte më parë.

Minçev ka ndryshuar vendimet e paraardhësit së tij Admir Aliti dhe ka korrigjiuar përqindjet në “balancues”, duke argumentuar se ndryshimet janë bërë në përputhje me ligjin. Punësimet tani e tutje në sektorin publik do të bëhet në bazë të numrit të popullatës rezidente në shtet.

Lajme

Ardian Cuculi e mbyll kapitullin si drejtor sportiv i Shkëndijës

Pas tre viteve në pozitën e Drejtorit Sportiv, Ardian Cuculi përfundon angazhimin e tij te Shkëndija, njofton klubi kuqezi.

Pas përfundimit të angazhimit të Ardian Cuculit në pozitën e Drejtorit Sportiv, mbyllet një tjetër kapitull në rrugëtimin e tij të gjatë me klubin kuqezi.

Ish-kapiteni dhe një prej emrave që ka dhënë kontribut të madh për Shkëndijën në periudha të ndryshme, Cuculi përfundoi karrierën e tij si futbollist pikërisht me ngjyrat kuqezi, për të vazhduar më pas për tre vite në pozitën e Drejtorit Sportiv, duke qenë pjesë e sukseseve historike.

Klubi tetovar e falënderon Ardian Cuculin për punën, përkushtimin dhe kontributin e dhënë gjatë gjithë viteve në Shkëndijë, duke i uruar shëndet, suksese dhe çdo të mirë në të ardhmen.

Lajme

DAP me paralajmërim për qytetarët: Dërgohen mesazhe të rreme, mos hapni linqe

Drejtoria e të Ardhurave Publike paralajmëron për mesazhe të rreme SMS, përmes të cilave qytetarët njoftohen se rimbursimi i tatimit është gati.

Në mesazhe përfshihet një link, i cili mund të përdoret për keqpërdorimin e të dhënave personale dhe bankare.

Nga DAP-i apelojnë qytetarët të mos e hapin linkun dhe të mos vendosin të dhëna të ndjeshme.

Të gjitha informacionet duhet të kontrollohen ekskluzivisht përmes kanaleve zyrtare të DAP-it dhe ueb-faqes ujp.gov.mk.

Qytetarëve u bëhet thirrje të jenë të kujdesshëm dhe t’i paralajmërojnë edhe të afërmit e tyre për mashtrimin e mundshëm.

Lajme

Dera e ashensorit u hap dhe u mbyll papritur, lëndohet rëndë një vajzë 3-vjeçare nga Shkupi

Më 24.08.2026, në orën 20:00, në SPB Shkup, E.Z. (30) nga Shkupi ka denoncuar se më 22.08.2026 rreth orës 18:15, derisa ajo dhe fëmijët e saj ndodheshin në ashensorin e një ndërtese banimi në territorin e Radishanit, dera e ashensorit papritmas është hapur dhe mbyllur,.

Nga hapja e mbyllja e shpesh vajza trevjeçare është tërhequr dhe ka pësuar lëndime të rënda trupore, të konstatuara në Institucionin e Shëndetit Publik “Shën Naum Ohridski” në Shkup.

Po ndërmerren masa për zbardhjen e rastit./ZYRTARE.net