Lajme

Vazhdon pritja për muaj të tërë për dokumentet personale

Rrëmuja për nxjerrjen e dokumenteve personale duket se është tejkaluar. Terminet për t’u fotografuar për pasaportë tashmë janë më lehtë të kapshme ndërkohë për marrjen e tyre sërish pritet me muaj të tërë, shkruan Alsat.

Madje, disa qytetarë ankohen se pavarësisht gabimeve nga ana e punonjësve të caktuar, askush nuk mban përgjegjësi për vonesën e pasaportave.

“Pasaportën e kanë gabuar që në muajin prill, na njoftuan se do ta përmirësojnë. Prej në prill e deri më sot presim. Mos të kishim ardhur vet as që do ta bënin pasaportën. Na iku pushimi për shkak të pasaportës. Katastrofë, na nxorën nga dhoma, zonja na nxori, u desh të intervenojmë tek personi i caktuar për të vazhduar më tej”, tha një qytetar.

“Para dy muajsh e kam caktuar terminin, u fotografova dhe më thanë të vij pas dy muajve ta marr. Prej në fillim ju treguan sa duhet me prit? Po, dy muaj. A ju prish punë kjo e pritme kaq gjatë? Jo, vetëm me ndërru, shkaku i emrit”, u shpreh një qytetar tjetër.

“Erdha ta marr pasaportën por nuk ishte gati pasaporta? Kur jeni fotografuar? Nuk ka shumë, më tepër se një muaj, më than të vij prej të hënës. Ne jemi pensionistë, kemi kohë”, theksoi një qytetar.

Numri më i madh i qytetarëve që takuam sot kishin aplikuar për pasaportë me procedurë të shpejtë.

“I dorëzuam për pasaportë me procedurë të shpejtë. Janë nga jashtë, për një javë duhet të kthehen prandaj duhet ti ndryshojnë për shkak të Maqedonisë së Veriut. Ka njerëz, presin radhë ama jo shumë. Dikur kishte shumë e tash jo. Ka njerëz por kalon shpejt”, u shpreh një qytetare.

Nga Ministria e Punëve të Brendshme njoftojnë qytetarët se pikat për dhënien e pasaportave do të punojnë edhe gjatë ditës së nesërme, festës së 2 gushtit./ Alsat.mk

Lajme

Kasami për protestën: BDI “hedh gurin dhe fsheh dorën”

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në “TV Koha” duke komentuar protestën e së nesërmes në Tetovë thotë se BDI në një farë forme luan rolin e saj në stilin “hedh gurin dhe fsheh dorën”!

Sipas tij, bëhet fjalë për situatë absurd.

“BDI nuk deklarohen se qëndrojnë zyrtarisht pas protestës. Këshilltarët e BDI-së para një kohe kërkuan seancë të jashtëzakonshme të Këshillit komunal dhe kur morën informatë se kjo nuk është çështje e Këshillit komunal dhe në situatë kur Këshilli komunal mund të përsërisë gabimin që është bërë në 2007, me automatizëm Këshilli komunal shkon në zgjedhje në bazë të Ligjit dhe Kushtetutës dhe e heshtën atë çështje. Duke e ditur që faji më shumë është i atyre, sepse nuk kemi ne aspak faj si VLEN as në pushtetit qendror e as në atë lokal, ata po mundohen edhe një herë të ‘hedhin gurin dhe të fshehin dorën’. Konkretisht ata duhet të tregojnë se cili është faji i kësaj qeverise aktuale të komunës dhe kësaj qeverie aktuale në pushtetin qendror”, ka thënë Kasami.

Lajme

Kasami: Vendimi i Gjykatës Kushtetuese nuk do të ndryshojë asgjë

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha ka thënë se vendimi i Gjykatës Kushtetuese për emrat e rrugëve në Tetovë, nuk do të ndryshojë asgjë.

I pyetur se çfarë do të ndodhë me fatin e rrugës “Dervish Cara”, Sheshin “Iliria” dhe cili do të jetë epilogu, Kasami shprehet i prerë:

“Vendimi i Gjykatës Kushtetuese nuk do të ndryshojë asgjë. Komuna do të vazhdojë të përdorë emërtimet e vitit 2007 e këndej, institucionet do të vazhdojnë të përdorin emërtimet si gjithmonë, ndërkohë Komuna e Tetovës do të vazhdojë me procesin e emërtimit të rrugëve. Ky proces do të përfundojë konform Ligjit dhe Kushtetutës dhe nga ai moment edhe këta rrugë dhe shumë rrugë tjera do të kenë emërtime shqiptare”, ka thënë mes tjerash Kasami.

Lajme

Kasami: BDI dhe Gjykata Kushtetuese të sinkronizuar dakorduan vendimin

Bashkëkryetari i VLEN-it dhe kryetari i komunës së Tetovës, Bilall Kasami në emisionin “On Time” në TV Koha duke komentuar protestën e nesërme tha se qytetarët nuk do t`i përgjigjen pozitivisht protestës së BDI-së, duke pranuar se integristët megjithatë kishin harxhuar kohën e tij, siç tha ai, “për të trajtuar një problem inekzistent”.

Ai tha se le të tregojnë se cila është përgjegjësia e Tetovës, cila është përgjegjësia e kësaj qeverie që ne siç tha, “të dalim e t`u përgjigjemi”.

“E vetmja përgjegjësi këtu është e Gjykatës Kushtetuese dhe e BDI-së që në mënyrë të sinkronizuar dakordojnë një vendim për abrogim të këtij vendimi në momentin kur jemi në fazën finale të emërtimit të rrugëve konform Kushtetutës dhe Ligjit. Dhe një herë duhet të pyes publikisht BDI-në ‘A është edhe një tentim i BDI-së, për të ndalur procesin e emërtimit të rrugëve në Tetovë?”, ka thënë Kasami.