Lajme

Në Aeroportin e Shkupit janë konfiskuar telefona në vlerë prej 1.8 milionë denarëve

Nga Drejtoria e Doganave njoftojnë se së fundmi në disa raste kanë konfiskuar telefon “iPhone” në vlerë të 1.8 milionë denarëve, dëgjuese dhe karikues për telefon Samsung.

“Gjithsej 21 telefona celularë “iPhone 15 Pro” me vlerë të përgjithshme prej një milion denarë janë konfiskuar në Aeroportin Ndërkombëtar të Shkupit pas kontrollit të detajuar të mallit të deklaruar për doganë importuese. Telefonat celularë të padeklaruar janë zbuluar gjatë kontrollit të detajuar fizik të një dërgese nga Dubai e cila ishte dedikuar për një kompani nga Shkupi”, thuhet në njoftimin e Drejtorisë së Doganave.
Ndërkaq edhe nga qarkullimi i udhëtarëve janë konfiskuar edhe 11 telefona celularë iPhone 15 Pro, në vlerë prej 799 mijë denarëve dhe një tablet.

“Pasi një pasagjer që udhëtonte nga Stambolli nuk i kishte deklaruar në hyrje të vendit. Është përzgjedhur për kontroll me rreze X, ku në disa valixhe mes rrobave janë zbuluar celularë dhe një tabletë”, shtojnë nga Doganat.
Gjithashtu është kapur mall i brenduar për celularë.

“Në Aeroportin Ndërkombëtar të Shkupit, 883 kufje (dëgjuese) me bluetooth dhe 1.048 maska të për celularë me logon “Apple” janë ndaluar përkohësisht në doganë, të deklaruara për import, për të cilat aktualisht ka filluar procedura për shkelje të të drejtave të pronës intelektuale. Ashtu si në rastin e parë, bëhet fjalë për një dërgesë nga Dubai, për të cilën është dorëzuar një deklaratë doganore importi për kufje të zakonshme bluetooth dhe maska për celularë. Çmimi i parashikuar me pakicë për këto produkte nëse shiten si origjinale është 220 mijë euro”, thonë nga Doganat.

“Në njësinë doganore Gjevgjeli, gjatë kontrollit të mallit për zhdoganim importues, janë zbuluar 1.920 karikues për celularë “Samsung” të cilët nuk ishin të përfshirë në deklaratën e importit. Malli është me origjinë nga Kina dhe ka qenë i dedikuar për një kompani nga Shkupi. Vlera e përgjithshme e parashikuar e mallit të padeklaruar është 374 mijë denarë. Karikuesit janë konfiskuar, ndaj importuesit është iniciuar procedurë kundërvajtëse, si dhe po zhvillohet procedurë për shkelje të të drejtave të pronësisë intelektuale”, thonë nga Doganat.

Lajme

Demaj: Shumë shpejt pritet koalicion mes LVV-së dhe LDK-së

Duke komentuar zhvillimet në Kuvendin e LDK-së, analisti Emanuel Demaj në emisionin “Click” në RTV21 tha se rikonfirmimi i Lumir Abdixhikut si kryetar i LDK-së i shmang edhe zgjedhjet nacionale.

“Shumë shpejt pritet një koalicion mes Lëvizjes Vetëvendosje dhe Lidhjes Demokratike të Kosovës”, tha ai, duke shtuar se ky koalicion është i mjaftueshëm për zgjedhjen e të gjitha institucioneve.

Lajme

Lumir Abdixhiku i ka mbijetuar shkarkimit nga kryetari i LDK-së

Lumir Abdixhiku është rikonfirmuar si kryetar i Lidhjes Demokratike të Kosovës. Kryetari i katërt në historinë e partisë më të vjetër në Kosovë, i mbijetoi të enjten nismës për shkarkimin e tij.

Në Kuvendin e sotëm morën pjesë rreth 330 delegatë. Aktualisht nuk dihet numri i votave pro dhe kundër Abdixhikut.

Ky Kuvend u ftua pas zgjedhjeve të 7 qershorit. LDK-ja sërish doli e treta. Në inicim nga delegatët u theksua se Abdixhiku ka dështuar si kryetar. E Abdixhiku i akuzoi për sabotazh ata që nisën iniciativën për shkarkimin e tij.

Lajme

Rama kërkon hapje të partisë dhe tregon pse “nuk do e lëshojë timonin”

Kryeministri dhe njëherësh kryetari i PS, Edi Rama, gjatë mbledhjes me drejtuesit politikë socialistë dhe kryetarët e komisioneve parlamentare, theksoi se do t’i jepet jetë një raporti të ri mes qytetarit dhe qeverinë.

Po ashtu kreu i qeverisë foli për hapje të partisë dhe afrimin e njerëzve të rinj, jo vetëm në moshë por edhe në mendësi.

“Të qëndrosh gjatë në pushtet s’mund të nënkuptojë t’u zësh rrugën të rinjve dhe forcave të reja, por t’u hapësh rrugën të rinjve s’do të thotë t’ua dorëzosh Shqipërinë atyre që e shpallin veten forca të reja, vetëm sepse s’kanë qenë ende në pushtet. Do të thotë të hapësh partinë, të hapësh vendimmarrjen, të hapësh procesin qeverisës për njerëz të rinj, jo thjesht në moshë por në mendësi, të krijosh hapësirë për ide të reja, të prodhosh drejtues jo vetëm ndjekës”, tha Rama.