Lajme

Shkencëtarët thonë se terapia e re kundër kancerit, vret 99% të qelizave kancerogjene

Shkencëtarët nga Universiteti Rice, në Houston të SHBA-së dhe bashkëpunëtorët e tyre kanë zbuluar një mënyrë të re për shkatërrimin e qelizave kancerogjene përmes dritës infra të kuqe.
Kjo teknikë inovative vë në pah fuqinë e vibrimit të molekulave që nxitet nga rrezet infra të kuqe për t’i shkatërruar qelizat kancerogjene, duke ofruar shpresë të re në luftën kundër kancerit, shkruan “BrighterSide”.

Ekipi i shkencëtarëve krijuan një lloj çekani me anë të disa molekula, të cilave ju referohen me termin “plasmone”, të cilat kur vendosen në afërsi të dritës infra të kuqe, shpërndajnë vibrime në mënyrë të sinkronizuar, gjë që çon në shkatërrim të membranave të qelizave kancerogjene.

Gjetjet, që u publikuan në “Nature Chemistry”, kanë treguar rezultat efektiv, duke eliminuar 99 për qind të melanomave te minjtë në laborator.

Këto molekula operojnë me shpejtësi të madhe dhe i përgjigjen dritës infra të kuqe, një arritje që konsiderohet të jetë e paprecedentë.

Një ndër përparësitë e mëdha që krijohet me afrimin e këtyre molekulave me dritë infra të kuqe është aftësia për të hyrë thellë në brendi të trupit të njeriut pa shkaktuar dëme në indet e shëndosha.
Me efikasitet mbresëlënës e shumë pak invaziv, ky zbulim mund të revolucionarizojë trajtimin e kancerit, duke ofruar shpresë për pacientët.

“Vibrimet e Mira” të shkencës kanë sjellë me të vërtetë një valë të re të optimizmit kundër kancerit.
Kimisti James Tour këtë metodë po e konsideron si të jashtëzakonshme.

Ekipi i tij më parë ka bërë trajtime me komponime të tjera të pajisura me disa zinxhirë të atomeve që aktivizohen përmes dritës për të hyrë në zonën e membranave të infektuara me baktere, qeliza kancerogjene e kërpudha, që nuk trajtohen me barna, për t’i shkatërruar ato.

“Rrezet infra të kuqe mund të arrijnë në thellësi prej 10 centimetrash, gjë që është shumë më shumë se sa mund të bënim me nanodrilet, të cilat mund të depërtonin vetëm gjysmë centimetri në trupin e njeriut, ky është avancim i madh”, thuhet në deklaratën e studimit.

Lajme

Paraqitet Arben Fetai nga Tailanda

Zv/kryeministri Arben Fetai i cili një kohë të gjatë ka qenë larg opinionit, pas përplasjeve të brendshme në ASH dhe koalicionin VLEN, ka postuar një foto në rrjetet sociale nga Bagkogk- Tailandë.
Siç dihet Fetai është larguar nga skena politike, ndërsa paralajmërimet janë se shkarkimi i tij nga Qeveri do të ndodhë pas rikonstruimit të Qeverisë.

Lajme

Kuvendin voton për shfuqizimin e Qeverisë teknike

Në Kuvendin e Maqedonisë së Veriut janë miratuar ndryshimet në Ligjin për Qeveri, me të cilin parashikohet shfuqizimi i konceptit të Qeverisë teknike (Përzhinos), raporton SHENJA

Megjithatë ky ndryshim nuk do të hyjë menjëherë në fuqi, pra do të vlejë edhe për zgjedhjet e ardhshme, ndërsa më pas nuk do të ketë qeveri teknike.

Për këto ndryshime votuan 70 deputetë, ndërsa 11 ishin kundër.

Lajme

Shtekli dënohet me tetë vjet burg

Gjykata Themelore Penale në Shkup sot nxori një vendim me të cilin Rade Trajkovski, i njohur si “Shtekli”, dënohet me tetë vjet burg për organizim të një grupi trafikantësh droge.

Këshilli gjyqësor vendosi se Trajkovski udhëhoqi një grup që ishte i përfshirë në shitjen e kokainës dhe marihuanës, pas së cilës ai u dënua me burg.

Përveç tij, gjykata dha vendime edhe për të akuzuarit e tjerë në këtë rast.

Stefan Kitanov dhe Aleksandar Buçevski u dënuan me nga pesë vjet burg secili, Filip Tanevski gjithashtu mori një dënim me pesë vjet, ndërsa Stojan Millanov u dënua me tre vjet e dhjetë muaj burg.

Gjykatësi Ilija Trpkov theksoi se procedura u zhvillua në mënyrë efikase dhe pa vonesë, duke theksuar se çështja u përfundua brenda nëntë muajve me një rrjedhë të vazhdueshme të gjykimit.

Ky vendim i jep fund njërit prej rasteve më të rëndësishme që lidhen me trafikimin e drogës në periudhën e kaluar, dhe palët kanë të drejtë të ankimojnë.